आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

IPL 2022:​​​​​​​विराट कोहलीच्या संघासाठी आनंदाची बातमी, लग्नानंतर संघात सामिल झाला ग्लेन मॅक्सवेल

4 महिन्यांपूर्वी
  • कॉपी लिंक

इंडियन प्रीमियर लीग (IPL) च्या या सीझनमध्ये विराट कोहलीच्या रॉयल चॅलेंजर्स बंगळुरु (RCB) संघासाठी एक आनंदाची बातमी समोर आली आहे. स्टार खेळाडू ग्लेन मॅक्सवेल संघात सामील झाला आहे. लग्नामुळे त्याला पहिले दोन सामने खेळता आले नव्हते. तसे तो तिसरा सामनाही खेळू शकणार नाही. खुद्द आरसीबी फ्रँचायझीनेच ही माहिती दिली आहे.

आरसीबी फ्रँचायझीने ट्विट करून मॅक्सवेलचा फोटो शेअर केला आणि मॅक्सवेल संघात सामील झाल्याचे कॅप्शनद्वारे सांगितले. पोस्टमध्ये असेही लिहिले - हे त्या लोकांना उत्तर आहे ज्यांनी लाखो कमेंट्स आणि ट्विट पोस्ट करून प्रश्न विचारला होता की, मॅक्सवेल कधी येणार आहे? तुम्हाला येथे पाहून खूप उत्साहित आहोत. चला शो सुरू करूया.

मॅक्सवेलने भारतीय वंशाच्या विनीशी लग्न केले
ऑस्ट्रेलियाचा अष्टपैलू खेळाडू ग्लेन मॅक्सवेल याने रविवारी (27 मार्च) ला भारतीय वंशाच्या विनी रमनशी तमिळ रितीरिवाजांनुसार लग्न केले. दोघांनी आधीच लग्न केले असले तरी यावेळी तमिळ रितीरिवाजानुसार त्यांनी लग्न केले. यामुळेच मॅक्सवेल आयपीएलच्या सुरुवातीपासूनच संघात सहभागी होऊ शकला नाही. आरसीबी फ्रँचायझीने सध्याच्या सीझनमध्ये मॅक्सवेलला 11 कोटी रुपयांसह कायम ठेवले आहे.

मॅक्सवेल तिसरा सामनाही खेळू शकणार नाही
RCB ने IPL 2022 च्या सीझनमध्ये दोन सामने खेळले, त्यापैकी एक जिंकला आहे. 205 धावा करूनही संघ पंजाब किंग्जविरुद्ध पहिला सामना 5 विकेटने हरला. यानंतर दुसऱ्या सामन्यात पुनरागमन करत त्याने सामन्यात कोलकाता नाईट रायडर्सचा 3 गडी राखून पराभव केला. आता आरसीबीचा पुढचा सामना राजस्थान रॉयल्सविरुद्ध 5 एप्रिलला होणार आहे, मात्र मॅक्सवेल क्वारंटाईनमुळे हा सामना खेळू शकणार नाही.

फ्रँचायझीने सांगितले की मॅक्सवेल चौथ्या सामन्यात निवडीसाठी उपलब्ध असेल. चालू मोसमात आरसीबीचा चौथा सामना पाचवेळा चॅम्पियन मुंबई इंडियन्सशी होणार आहे. हा सामना 9 एप्रिल रोजी पुण्यातील MCA आंतरराष्ट्रीय क्रिकेट स्टेडियमवर होणार आहे.

मॅक्सवेल 2017 पासून विनी रमनला डेट करत होता
ऑस्ट्रेलियाचा अष्टपैलू खेळाडू ग्लेन मॅक्सवेल 2017 पासून विनीला डेट करत होता. मेलबर्नमध्ये राहणारी विनी रमन ही व्यवसायाने फार्मासिस्ट असून ती तामिळ कुटुंबातील आहे. त्यामुळेच तमिळ परंपरेने हे लग्न पार पडले. काही दिवसांपूर्वी त्यांच्या लग्नाचे तामिळ भाषेतील व्हिजिटिंग कार्डही सोशल मीडियावर चांगलेच व्हायरल झाले होते.

बातम्या आणखी आहेत...