आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

CSK चौथ्यांदा चॅम्पियन बनेल का?:गुणतालिकेत नंबर-2 असलेल्या संघाने 6 वेळा पटकावले IPL चे जेतेपद, नंबर एकचा संघ 4 वेळा विजेता

9 दिवसांपूर्वी
  • कॉपी लिंक

आयपीएल 2021 हंगामातील पहिला क्वालिफायर सामना आज खेळला जाणार आहे. या सामन्यात दिल्ली कॅपिटल्स (DC) चेन्नई सुपर किंग्ज (CSK) सोबत भिडणार आहे. दिल्लीचा संघ सध्या गुणतालिकेत पहिल्या क्रमांकावर आहे. त्याचबरोबर चेन्नईचा संघ दुसऱ्या क्रमांकावर आहे. या हंगामात चेन्नई चॅम्पियन होण्याची अपेक्षा खूप जास्त आहे. असे का सांगत आहोत जाणू घ्या..

चेन्नईचा संघ गुणतालिकेत दुसऱ्या क्रमांकावर आहे आणि आयपीएलमध्ये नंबर-2 वर असलेला संघ 6 वेळा चॅम्पियन झाला आहे.

नंबर -2 वर राहून चॅम्पियन बनलेले आयपीएल संघ
वर्ष- 2011 (चेन्नई), 2012 (कोलकाता), 2013 (मुंबई), 2014 (कोलकाता), 2015 (मुंबई) आणि 2018 (चेन्नई)

नंबर -1 वर राहून चॅम्पियन बनलेले आयपीएल संघ
2008 (राजस्थान), 2017 (मुंबई), 2019 (मुंबई) आणि 2020 (मुंबई)

नंबर -3 आणि नंबर -4 वर राहून चॅम्पियन झालेले आयपीएल संघ
2010 (चेन्नई) 2016 (हैदराबाद) त्याच वेळी, चौथ्या क्रमांकावर राहून, फक्त हैदराबादने वर्ष 2009 मध्ये आयपीएल जिंकले आहे.

चेन्नई चौथ्यांदा चॅम्पियन बनेल का?
आयपीएल 2020 मध्ये चेन्नई सुपर किंग्जची कामगिरी अत्यंत खराब झाली. संघ पहिल्यांदाच प्ले-ऑफमध्ये पोहोचला नाही. पण या हंगामात संघाने शानदार पुनरागमन केले आहे आणि प्ले-ऑफमध्ये प्रवास केला आहे. महेंद्रसिंग धोनीच्या नेतृत्वाखाली हा संघ गुणतालिकेत दुसऱ्या क्रमांकावर आहे. या हंगामात या संघाने आतापर्यंत 14 सामने खेळले आहेत. 9 मध्ये चेन्नईने विजय मिळवला, तर संघाने 5 मध्ये पराभव पत्करला.

मात्र, गेल्या तीन सामन्यांमध्ये संघाची कामगिरी काही विशेष राहिली नाही. चेन्नईच्या संघाला तिन्ही सामन्यांमध्ये पराभवाला सामोरे जावे लागले आहे. आयपीएलमधील नंबर -2 संघाचा विक्रम पाहता असे वाटते की पुन्हा एकदा चेन्नई चमत्कार करू शकते. आज चेन्नईला दिल्लीविरुद्ध पराभवाला सामोरे जावे लागले तरी संघाला आणखी एक संधी मिळेल.

ऋतुराज गायकवाड आणि फाफ डु प्लेसिस यांच्याकडून चेन्नईला आशा
आजच्या सामन्यात चेन्नईला ऋतुराज गायकवाड आणि फाफ डू प्लेसिसकडून मोठ्या आशा असतील. दोघेही सध्या जबरदस्त फॉर्ममध्ये आहेत. ऋतुराजने आतापर्यंत खेळलेल्या 14 सामन्यांमध्ये 533 धावा केल्या आहेत. त्याचबरोबर फाफमे या मोसमाच्या 14 सामन्यांमध्ये 546 धावा केल्या आहेत. चेन्नईची मधली फळी दुसऱ्या टप्प्यात काही विशेष करू शकली नाही. अशा स्थितीत टीम दिल्लीविरुद्धच्या सामन्यात या दोन फलंदाजांकडून अपेक्षा करेल.

बातम्या आणखी आहेत...