आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

IPL 2022:​​​​​​​आयपीएलमध्ये सर्वाधिक विकेट घेणारा गोलंदाज बनला ड्वेन ब्राव्हो , या दिग्गजांना मागे सोडले

4 महिन्यांपूर्वी
  • कॉपी लिंक

गुरुवारी झालेल्या आयपीएल सामन्यात ड्वेन ब्राव्हो आपला संघ चेन्नई सुपर किंग्जला विजय मिळवून देऊ शकला नाही, पण या सामन्यात त्याने एक मोठा विक्रम आपल्या नावावर केला. लखनऊ सुपर जायंट्सच्या दीपक हुडाची विकेट घेताच तो आयपीएलमध्ये सर्वाधिक बळी घेणारा गोलंदाज बनला. त्याच्या नावावर आता 171 विकेट्स आहेत. या सामन्यापूर्वी श्रीलंकेचा लसिथ मलिंगा या स्थानावर विराजमान होता. आयपीएलमध्ये त्याच्या नावावर 170 विकेट्स आहेत.

लखनऊ सुपर जायंट्सच्या डावातील 18व्या षटकात ब्राव्होने ही कामगिरी केली. या सामन्यातील ब्राव्होचे हे शेवटचे षटकही होते. त्याच्या शेवटच्या षटकाच्या दुसऱ्या चेंडूवर, ब्राव्होने लेग साइडमध्ये दीपक हुडाकडे लो फुल टॉस स्लो बॉल टाकला. या चेंडूवर हुडाने मोठा फटका खेळला, चेंडू बराच वेळ हवेत राहिला आणि रवींद्र जडेजाने त्याचा झेल घेतला. या झेलसह ब्राव्हो आयपीएलचा सर्वात यशस्वी गोलंदाज ठरला.

हा आहे ब्राव्होचा आयपीएल रेकॉर्ड
ब्राव्होने आतापर्यंत एकूण 153 आयपीएल सामने खेळले आहेत. यामध्ये त्याने 24.07 च्या गोलंदाजीची सरासरी आणि 8.34 च्या इकॉनॉमी रेटने एकूण 171 विकेट्स घेतल्या आहेत. त्याने दोनदा आयपीएलमध्ये 4-4 विकेट घेतल्या आहेत. ब्राव्होने आयपीएलमध्ये बॅटने खूप धावा केल्या आहेत. या 153 सामन्यांमध्ये त्याने 1538 धावा केल्या आहेत. यादरम्यान त्याची फलंदाजीची सरासरी 22.96 आणि स्ट्राइक रेट 130.23 होता. ब्राव्होने आयपीएलमध्ये आतापर्यंत 5 अर्धशतकेही झळकावली आहेत. त्याची सर्वोच्च धावसंख्या 70 आहे.

लखनऊविरुद्ध CSK चा पराभव झाला
या सामन्यात लखनऊने नाणेफेक जिंकून प्रथम गोलंदाजी करण्याचा निर्णय घेतला. फलंदाजी करताना रॉबिन उथप्पा (50), मोईन अली (35), शिवम दुबे (49) आणि अंबाती रायडू (27) यांच्या सुरेख खेळीमुळे चेन्नईने निर्धारित 20 षटकांत 7 गडी गमावून 210 धावा केल्या. प्रत्युत्तरात लखनऊ सुपर जायंट्सनेही दमदार सुरुवात केली. संघाची सलामी जोडी केएल राहुल (40) आणि क्विंटन डी कॉक (61) यांनी पहिल्या विकेटसाठी 99 धावांची भागीदारी केली. त्यानंतर एविन लुईस (55) आणि आयुष बदोनी (19) यांनी दमदार फलंदाजी करत संघाला विजय मिळवून दिला.

बातम्या आणखी आहेत...