आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

भविष्यवाणी:सकाळी हातावर जे लिहिले, संध्याकाळी ते खरे करुन दाखवले, KKR च्या विजयानंतर रिंकू सिंह चर्चेत

13 दिवसांपूर्वी
  • कॉपी लिंक

असे म्हणतात की माणसाचे नशीब त्याच्या तळहातावर लिहिलेले असते. आपल्या मेहनतीने नशिबाची रेषा बदलणारे कमी असतात. असेच एक दृश्य KKR vs RR च्या सामन्यात पाहायला मिळाले.

कोलकाता नाईट रायडर्सचा युवा फलंदाज रिंकू सिंहने सकाळी तळहातावर लिहिले की, मी आज अर्धशतक झळकावून संघाच्या विजयात योगदान देईन. संध्याकाळी राजस्थानविरुद्ध नाबाद 42 धावांची मॅचविनिंग इनिंग खेळून रिंकूने आपण लिहिलेली गोष्ट खरी करुन दाखवली.

रिंकूने उत्कृष्ट कामगिरी केली
राजस्थानविरुद्धच्या धावांचा पाठलाग करताना 182 च्या स्ट्राईक रेटने खेळताना रिंकूने 6 चौकार आणि 1 शानदार षटकार लगावला. केकेआरने 23 चेंडूत नाबाद 42 धावा केल्यामुळे आरआरवर विजय नोंदवला, परंतु या विजयापेक्षा आणखी एक भविष्यवाणी चर्चेत आहे. सामना 7 विकेटने जिंकल्यानंतर रिंकूने एक मोठे गुपित उघडले.

त्याने नितीश राणाला सांगितले की मी माझ्या हातावर आधीच लिहिले होते की आज मी अर्धशतक झळकावणार आणि सामनावीराचा पुरस्कार जिंकणार. संघ आधीच जिंकला असल्याने रिंकूला 50 धावा करण्याची संधी मिळाली नाही.

50 लिहून काढला हार्टशेप
केकेआरच्या सोशल मीडिया हँडलवर जारी झालेल्या व्हिडिओमध्ये नितीश राणा रिंकू सिंगला विचारतात की तू तुझ्या हातावर काय लिहिले आहे? प्रत्युत्तरात रिंकू म्हणतो की, आज मला वाटत होते की, मी धावा करेन आणि सामनावीराचा किताब जिंकेन.

त्यामुळे रिंकूने तळहातावर 50 लिहून हार्टशेपट काढला. रिंकूचा हा व्हिडिओ सध्या सोशल मीडियावर व्हायरल होत आहे.

बातम्या आणखी आहेत...