आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

KKRच्या घोडचुकीचा VIDEO:एकाच जागी उभे राहिले कार्तिक आणि हर्षल, तरीही झाले नाही धावबाद; नंतर याच दोघांमुळे बंगळुरूचा झाला विजय

3 महिन्यांपूर्वी
  • कॉपी लिंक

बुधवारी IPLमध्ये अतिशय रोमांचक सामना खेळला गेला. 129 धावांच्या लक्ष्याचा पाठलाग करण्यासाठी उतरलेल्या आरसीबीची अवस्था कोलकाता नाईट रायडर्सच्या गोलंदाजांनी वाईट केली होती. एकदा तर कोलकाता हा सामना आरामात जिंकेल असे वाटत होते, पण दिनेश कार्तिक आणि हर्षल पटेलने हे होऊ दिले नाही. कार्तिकने शेवटच्या षटकात 200 च्या स्ट्राईक रेटने 7 चेंडूंत 14 धावा केल्या. त्याचवेळी हर्षलच्या बॅटमधून 6 चेंडूंत 10 धावा आल्या. या दोघांनी मिळून आरसीबीला मोसमातील पहिला विजय मिळवून दिला. या विजयात कार्तिकच्या शानदार खेळीसोबतच कोलकाताच्या खराब क्षेत्ररक्षणाचाही हात होता.

RCB ला IPL 2022 मध्ये पहिला विजय मिळवून दिल्यानंतर दिनेश कार्तिक आणि हर्षल पटेल.
RCB ला IPL 2022 मध्ये पहिला विजय मिळवून दिल्यानंतर दिनेश कार्तिक आणि हर्षल पटेल.

19व्या षटकात कार्तिकला बाद करण्याची संधी सोडली, केकेआरने सामना गमावला

सामन्याच्या 19व्या षटकात कोलकाताच्या खेळाडूंनी दिनेश कार्तिकला बाद करण्याची सुवर्णसंधी गमावली. दिनेश बाहेर असता तर केकेआरला हा सामना सहज जिंकता आला असता. वास्तविक 19व्या षटकाच्या दुसऱ्या चेंडूवर दिनेश कार्तिकने शॉट खेळला आणि हर्षल पटेल झटपट धाव घेण्यासाठी धावला, पण कार्तिक धावला नाही आणि दोन्ही फलंदाज एकाच जागी उभे राहिले. चेंडू उमेश यादवकडे गेला आणि त्याने अत्यंत खराब थ्रो टाकला. चेंडू पकडण्यासाठी कोणताही बॅकअप खेळाडू नव्हता.

त्यामुळे केकेआरच्या हातून धावबाद करण्याची संधी गेली. नंतर कार्तिक आणि हर्षलच्या जोडीने सामना संपवला. त्यावेळी आरसीबीने आणखी एक विकेट गमावली असती, तर सामन्याचा निकाल वेगळा लागला असता. आता या संपूर्ण घटनेचा व्हिडिओ सोशल मीडियावर व्हायरल होत आहे.

हर्षल पटेलने या सामन्यात गोलंदाजीसोबतच फलंदाजीतही दोन्हीत चमकदार कामगिरी केली. त्याने आधी 2 बळी घेतले आणि नंतर फलंदाजी करत 10 धावाही केल्या.
हर्षल पटेलने या सामन्यात गोलंदाजीसोबतच फलंदाजीतही दोन्हीत चमकदार कामगिरी केली. त्याने आधी 2 बळी घेतले आणि नंतर फलंदाजी करत 10 धावाही केल्या.

आरसीबीचा पहिला विजय

129 धावांच्या लक्ष्याचा पाठलाग करताना आरसीबीची सुरुवात खूपच खराब झाली आणि पॉवर प्लेमध्ये टीमने 36 धावांत 3 विकेट गमावल्या. अनुज रावत (0), कर्णधार फाफ डू प्लेसिस (5) आणि विराट कोहली (12) धावांवर बाद झाले, पण शाहबाज अहमद, दिनेश कार्तिक आणि हर्षल पटेल यांच्या छोट्या खेळींनी आरसीबीला मोसमातील पहिला विजय मिळवून दिला.

याआधी पहिल्या सामन्यात आरसीबीला पंजाबविरुद्ध 5 विकेट्सने पराभव स्वीकारावा लागला होता. या सामन्यात बंगळुरूच्या संघाने 20 षटकांत 205 धावा केल्या होत्या, पण पंजाबच्या संघाने हे लक्ष्य 19 षटकांत पार केले होते.

बातम्या आणखी आहेत...