MI च्या पराभवाचा दोषी पोलार्ड:KKR समोर स्वतःच्या चुकीने झाला रनआउट, 11 मॅचमध्ये फक्त 144 धावा केल्या

केरॉन पोलार्डची बॅट बऱ्याच दिवसांपासून बोलत नाहीये. त्याच्या खराब कामगिरीचा परिणाम म्हणजे आज मुंबई शेवटच्या क्रमांकावर आहे. अशा स्थितीत अशी अपेक्षा होती की, MI टूर्नामेंटमध्ये शिल्लक सामने जिंकून स्पर्धेला अलविदा करू शकेल. परंतु आता पोलार्ड कोणत्याही परिस्थितीत हे होऊ देणार नाही, असे दिसते.

पोलार्ड धावू शकला नाही
कोलकाता नाईट रायडर्सविरुद्ध खेळल्या गेलेल्या सामन्यात पोलार्डने कुमार कार्तिकेयला धावबाद केलेच तसेच तो स्वतःही त्याच्या चुकीमुळे धावबाद झाला. पोलार्डकडे बघून तो रनिंग बिटवीन द विकेट्स पूर्णपणे विसरल्याचे दिसून आले.

मुंबई संघाला त्याला प्लेइंग 11चा भाग बनवून निरोप द्यायचा आहे, कारण अशा निराशाजनक कामगिरीनंतर त्याच्यासाठी पुढील वर्षी संघात स्थान मिळवणे खूप कठीण आहे. पोलार्डने यापूर्वीच आंतरराष्ट्रीय क्रिकेटमधून निवृत्ती घेतली आहे. आयपीएलची सध्याची कामगिरी पाहता, त्याला आता क्वचितच एखादा संघ सामील करून घेईल असे दिसते.

मुंबई इंडियन्सचे प्रशिक्षक महेला जयवर्धने यांनीही सांगितले की पोलार्डने प्रामाणिकपणे कबूल केले आहे की तो संघासाठी सामने पूर्ण करू शकला नाही. अशी विधाने करूनही पोलार्डला संघात सतत संधी देणे हेच सिद्ध करते की, मुंबईला पोलार्डच्या इतक्या वर्षांच्या दमदार कामगिरीच्या बदल्यात त्याला सन्माननीय निरोप द्यायचा आहे.

कोलकातासाठी आशेचा किरण
कोलकाता नाईट रायडर्सच्या IPL 2022 च्या प्लेऑफमध्ये पोहोचण्याच्या आशा कायम आहेत. सोमवारी झालेल्या सामन्यात केकेआरने मुंबई इंडियन्सचा 52 धावांनी पराभव केला. नाणेफेक हारल्यानंतर प्रथम फलंदाजी करताना केकेआरने 20 षटकांत 9 बाद 165 धावा केल्या. जसप्रीत बुमराहने 10 धावांत पाच विकेट घेत आयपीएलमधील सर्वोत्तम कामगिरी केली. मात्र, मुंबईच्या फलंदाजांनी त्याच्या मेहनतीवर पाणी फेरले. 17.3 षटकात 113 धावा करून संपूर्ण संघ ऑलआऊट झाला. इशान किशनने सर्वाधिक 51 धावा केल्या. इतर कोणत्याही फलंदाजाला 20 धावाही करता आल्या नाहीत.

या निकालानंतर केकेआरचे १२ सामन्यांत १० गुण झाले असून ते गुणतालिकेत सातव्या क्रमांकावर पोहोचले आहेत. प्ले-ऑफमध्ये पोहोचण्यासाठी कोलकाताला त्यांचे शेवटचे दोन्ही सामने जिंकावे लागतील, तसेच नेट रनरेटच्या बाबतीतही पुढे राहावे लागेल. मुंबईचा संघ आधीच या शर्यतीतून बाहेर पडला आहे. केवळ 2 विजयांसह 11 सामन्यांतून 4 गुणांसह संघ 10व्या आणि शेवटच्या स्थानावर आहे.