आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

गायकवाडच्या तुफानी खेळीचा VIDEO:हैद्राबादच्या विरोधात मॅचमध्ये ठोकले 6 षटकार आणि 6 चौकार, गोलंदाजांचे धाबे दणाणले

18 दिवसांपूर्वी
  • कॉपी लिंक

IPL 2022 च्या 46 व्या सामन्यात चेन्नई सुपर किंग्जचा सलामीवीर ऋतुराज गायकवाडने धमाकेदार खेळी खेळताना हैदराबादच्या गोलंदाजांचे धाबे दणाणले. त्याने केवळ 57 चेंडूत 99 धावा केल्या. या खेळीदरम्यान त्याच्या बॅटने 6 चौकार आणि 6 शानदार षटकार मारले. त्याचा स्ट्राइक रेट 173.68 होता. या सामन्यात गायकवाडचे शतक अवघ्या एका धावेने हुकले.

IPLमध्ये 99 धावांवर बाद होणारा ऋतुराज हा पाचवा फलंदाज आहे
IPL च्या इतिहासात पहिल्यांदाच विराट कोहली 99 धावांवर बाद झाला. 2013 च्या आयपीएल हंगामात या फलंदाजाने दिल्लीविरुद्ध 99 धावांत विकेट गमावली होती. विराटनंतर पृथ्वी शॉ 2019 मध्ये कोलकाताविरुद्ध 99 धावांवर बाद झाला होता. त्याच वेळी, इशान किशन 2020 मध्ये बेंगळुरूविरुद्ध, तर 2020 च्या याच मोसमात ख्रिस गेल राजस्थानविरुद्ध 99 धावांवर बाद झाला होता. ऋतुराज 99 धावांवर बाद होणारा पाचवा फलंदाज ठरला आहे.

मोसमाच्या सुरुवातीच्या सामन्यांमध्ये बॅट चालली नाही
चेन्नईचा सलामीवीर आयपीएल 2022 च्या सुरुवातीच्या सामन्यांमध्ये फारशी कामगिरी करू शकला नव्हता. पहिल्या 6 सामन्यात या खेळाडूच्या बॅटने 0,1,1,16,17 धावा केल्या, पण गुजरातविरुद्ध, ऋतुराज शानदार 73 धावांची खेळी करून फॉर्ममध्ये परतला. मात्र, पुढील दोन सामन्यांत ऋतुराजने 0 आणि 30 धावा केल्या. हैदराबादविरुद्धच्या सामन्यात धोनी संघाचा कर्णधार होता. ऋतुराजच्या आत एक नवी ऊर्जा आली.
-
पहिल्या विकेटसाठी 182 धावा जोडल्या
SRH विरुद्धच्या सामन्यात धोनीने एक नवीन सलामी जोडी तयार केली आणि डेव्हन कॉनवे सोबत ऋतुराज गायकवाड फलंदाजीला आला आणि दोघांनीही SRH च्या गोलंदाजांची जोरदार क्लास लावली.

सीएसकेच्या नव्या सलामीच्या जोडीने संघाला दमदार सुरुवात करून दिली. दोन्ही खेळाडूंनी पहिल्या विकेटसाठी अवघ्या 107 चेंडूत 182 धावांची भागीदारी केली. आयपीएलच्या इतिहासात चेन्नईसाठी कोणत्याही विकेटची ही सर्वोच्च भागीदारी आहे. यापूर्वी 2020 मध्ये शेन वॉटसन आणि फाफ डू प्लेसिस यांनी पंजाब किंग्जविरुद्ध पहिल्या विकेटसाठी नाबाद 181 धावांची भागीदारी केली होती.

CSK 13 धावांनी विजयी
चेन्नई सुपर किंग्जने सनरायझर्स हैदराबादचा 13 धावांनी पराभव केला. SRH कडे 203 धावांचे लक्ष्य होते, ज्याच्या प्रत्युत्तरात संघ फक्त 189/6 धावा करू शकला आणि सामना गमावला. निकोलस पूरनने नाबाद 64 धावा केल्या. CSKकडून मुकेश चौधरीने सर्वाधिक 4 बळी घेतले.

बातम्या आणखी आहेत...