IPL च्या मैदानात आज उतरणार जींदचा युजवेंद्र चहल:राजस्थान रॉयल्सकडून खेळणार पहिला सामना; यापूर्वी होता RCB मध्ये, मित्र मंडळीची सामन्यावर विशेष नजर

IPL-15 मध्ये सनरायझर्स हैदराबाद आणि राजस्थान रॉयल्स यांच्यात संध्याकाळी 7.30 वाजता पहिला सामना खेळवला जाईल. हरियाणातील जिंद येथील रहिवासी युजवेंद्र चहल यावेळी राजस्थान रॉयल्सकडून मैदान उतरणार आहे. या सीझनपूर्वी युजवेंद्र चहल विराट कोहलीच्या रॉयल चॅलेंजर्स बंगळुरूकडून खेळत होता, मात्र यावेळी रॉयल चॅलेंजर्सने चहलला कायम ठेवले नाही. त्यामुळे राजस्थान रॉयल्सने त्याला विकत घेतले.

चहल हा 2014 ते 2021 पर्यंत रॉयल चॅलेंजर्सचा भाग होता, ज्या दरम्यान त्याने संघासाठी चमकदार कामगिरी केली आहे. अलीकडच्या काळातील सर्वात यशस्वी फिरकी गोलंदाजांमध्ये चहलची गणना केली जाते. अनेक बड्या खेळाडूंना आपल्या फिरत्या चेंडूंमध्ये अडकवून बाद करण्याचे कौशल्य चहलकडे आहे. त्यामुळे आजच्या सामन्यात चहलच्या गोलंदाजीवर सर्वांच्या नजरा लागल्या आहेत.

राजस्थान रॉयल्सने 6.50 कोटींना विकत घेतले
यापूर्वी रॉयल चॅलेंजर्स बंगळुरूसाठी चमकदार कामगिरी करणारा युजवेंद्र चहल या आयपीएल सीझनमध्ये राजस्थान रॉयल्सची जर्सी परिधान करेल. यावेळीच्या मेगा लिलावात रॉयल चॅलेंजर्सने चहलला कायम ठेवले नाही, त्यामुळे राजस्थान रॉयल्सने त्याला 6.50 कोटींना खरेदी केले. आजच्या सामन्यात चहलच्या गोलंदाजीवर सर्वांचे लक्ष लागले आहे.

मित्र मंडळीची सामन्यावर विशेष नजर
युझवेंद्र चहलचे कुटुंब सध्या गुरुग्रामला शिफ्ट झाले आहे. असे असुनही, युजवेंद्रचे जिंदमध्ये अजूनही मित्र मंडळ आहे. ज्या कॉलनीमध्ये तो वाढला तेथील अनेक तरुण त्याच्यासोबत खेळले आहेत. तेथील लोकांनाही त्याचा अभिमान आहे. आजच्या सामन्याबद्दल जींदच्या लोकांमध्ये विशेषत: त्याच्या मित्रमंडळीत उत्सुकता आहे.