CSK Vs DC सामन्याचे मोमेंट्स:धोनीने फनी मूडमध्ये दीपक चहरला मारली चापट; ललितने घेतली शानदार कॅच

चाहत्यांमध्ये कॅप्टन कूल म्हणून ओळखला जाणारा माजी भारतीय कर्णधार महेंद्रसिंग धोनी आपल्या सहकारी खेळाडूंशी मैत्रीपूर्ण राहतो. तो अधूनमधून आपल्या सहकारी खेळाडूंसोबत विनोदही करतो. बुधवारी रात्री IPL-16 च्या 55व्या मॅचच्या टॉसपूर्वी तो फनी मूडमध्ये दिसला.

CSK आणि DC सामन्यापूर्वी, तो दीपक चहरला विनोदी स्टाईलमधून चापट मारून धमकावताना दिसला होता. तर दीपकला त्याच्या कर्णधाराची चेष्टा आधीच कळली होती आणि त्याने हसणे आणि बीनधास्तपणे वागणे सुरू केले. सीएसकेने हा सामना 27 धावांनी जिंकला. या सामन्यादरम्यान असेच काही टॉप मोमेंट्स पाहायला मिळाले, या कथेत तुम्हाला सामन्यातील काही महत्त्वाच्या क्षणांबद्दल सांगणार आहोत...

धोनीने चहरला थप्पड मारून घाबरवले
चेन्नई सुपर किंग्जचा कर्णधार एमएस धोनीने त्याचा सहकारी दीपक चहरला घाबरवले. खरं तर, सामन्यापूर्वी नाणेफेक झाल्यानंतर धोनी मागे फिरत होता, तर चहर ड्वेन ब्राव्होसोबत उभा होता. धोनी तेथे आला आणि त्याने चहरला थप्पड मारण्याचे कृत्य केले, जे पाहून चहर घाबरला.

ललित यादवने डायव्हिंग कॅच घेतली
दिल्ली कॅपिटल्सचा खेळाडू ललित यादवने अप्रतिम झेल घेतला. ललित 12व्या षटकात गोलंदाजी करत होता. अजिंक्य रहाणे स्ट्राईकवर होता. रहाणेने ओव्हरच्या पहिल्या चेंडूवर सरळ शॉट खेळला. ललित यादवने उजवीकडे डायव्हिंग करून अप्रतिम झेल घेतला. ललितला पाहून पंच देखील थक्क झाले.

प्रभाव - या विकेटनंतर दिल्लीला सामन्यात पुनरागमन करण्याची संधी मिळाली. या षटकात 5 धावा आणि पुढच्या षटकात 6 धावा झाल्या.

खलीलच्या षटकात धोनीने 3 चौकार लगावले
खलील सामन्याचे 19 वे षटक टाकत होता. त्याच्या षटकात चेन्नईचा कर्णधार धोनीने 3 चौकार लगावले. यामध्ये 2 षटकार आणि 1 चौकाराचा समावेश होता. धोनीने या षटकात एकूण 19 धावा केल्या, 1 रन वाईड आणि 1 रन बाय मिळाला.

प्रभाव - या षटकातून चेन्नईला चांगली आघाडी मिळाली आणि संघाने 20 षटकांत 165+ धावांचा आकडा पार केला.

सामना पाहण्यासाठी उदयनिधी स्टॅलिन पोहोचले
तामिळनाडूचे मुख्यमंत्री एमके स्टॅलिन यांचा मुलगा आणि तामिळनाडूचे क्रीडा मंत्री उदयनिधी स्टॅलिन सामना पाहण्यासाठी पोहोचले. उदयनिधी स्टॅलिनही याआधी चेन्नईचा राजस्थानविरुद्धचा सामना पाहण्यासाठी आले होते.

आता पाहा सामन्याशी संबंधित फोटोज...