वानखेडेवर सचिन-धोनी पुन्हा एकत्र:गायकवाड-प्रिटोरियसचा बाऊंड्रीवर शानदार कॅच; रहाणेची फिफ्टी; CSK-MI सामन्यातील टॉप मोमेंट्स ​​​​​​​

इंडियन प्रीमियर लीग (IPL) मधील 16 व्या हंगामातील पहिला एल-क्लासिको सामना चेन्नई सुपर किंग्जने जिंकला. या संघाने मुंबई इंडियन्सचा त्यांच्या घरच्या मैदानावर 7 गडी राखून पराभव केला. CSK च्या अजिंक्य रहाणेने स्पर्धेतील सर्वात जलद अर्धशतक झळकावले. त्याचवेळी रवींद्र जडेजाने 3 बळी घेत मुंबईच्या फलंदाजांना धावांपासून कोसोदूर ठेवले. हा सामना अतिशय रोमांचक झाला.

जडेजाने त्याचाच गोलंदाजीवर अप्रतिम कॅच घेतली. वानखेडे स्टेडियमवर महेंद्रसिंग धोनी आणि सचिन तेंडुलकर पुन्हा एकत्र आले. तर धोनीच्या उत्कृष्ट रिव्ह्यूनंतर सूर्यकुमार यादव बाद झाला. चला तर CSK विरूद्ध MI सामन्यातील टॉप मोमेंट्स. तसेच या सामन्याला एल क्लासिको का म्हटले गेले. - सामन्याविषयी सविस्तर जाणा, करा येथे क्लिक

1. वानखेडेवर सचिन-धोनी पुन्हा एकत्र
शनिवारी रात्री मुंबई आणि चेन्नई यांच्यात वानखेडे स्टेडियमवर सामना रंगला. याच मैदानावर भारताने धोनीच्या नेतृत्वाखाली 2011 सालातील एकदिवसीय विश्वचषक स्पर्धेचा अंतिम सामना जिंकला होता. त्या सामन्यात सचिन तेंडुलकरही होता. शनिवारी सामन्यापूर्वी सचिन आणि धोनी पुन्हा एकदा वानखेडे मैदानावर एकत्र आले.

2. धोनीच्या रिव्ह्यूतून आऊट झाला सूर्यकुमार
पहिल्या डावात मुंबईचा सूर्यकुमार यादव धोनीच्या समजुतीनंतर बाद झाला. 8व्या षटकाचा दुसरा चेंडू, मिचेल सँटनरने लेग साइडवर फुलर लेन्थ टाकला. सूर्यकुमारने स्वीप शॉट खेळला, पण चेंडू यष्टिरक्षक धोनीकडे गेला. धोनीने कॅच आऊटसाठी अपील केले, पण अंपायरने वाइडचा इशारा दिला.

धोनीने रिव्ह्यू घेतला. चेंडू सूर्याच्या बॅटला लागला आणि धोनीच्या ग्लोव्हजमध्ये गेल्याचे रिप्लेमध्ये दिसत होते. अंपायरने त्याचा निर्णय रद्द केला आणि सूर्यकुमार 2 चेंडूत एक धावा करून बाद झाला.

3. रवींद्र जडेजाने घेतला उत्कृष्ट कॅच
पहिल्या डावातील 9व्या षटकात रवींद्र जडेजाने स्वतःच्या गोलंदाजीवर उत्कृष्ट झेल घेतला. त्याने ओव्हरचा दुसरा चेंडू ऑफ स्टंपवर चांगल्या लांबीवर टाकला. कॅमेरून ग्रीनने पुढे जाऊन मोठा फटका खेळला, पण चेंडू समोरून गेला. जडेजाने उत्कृष्ट रिप्लेक्स दाखवले आणि अप्रतिम झेल घेतला.

ग्रीन 11 बॉलमध्ये 12 धावा करून बाद झाला. या विकेटनंतर जडेजानेही तिलक वर्माला LBW केले आणि 3 विकेट्स घेऊन त्याचा स्पेल संपवला. या कामगिरीसाठी त्याला सामनावीराचा पुरस्कार देखील मिळाला.

4. गायकवाड-प्रिटोरियसने बॉन्ड्रीवर घेतला शानदार कॅच
संपूर्ण सामन्यात चेन्नईचे क्षेत्ररक्षण उत्कृष्ट होते. 16 व्या षटकात ड्वेन प्रिटोरियस आणि ऋतुराज गायकवाड यांनी अप्रतिम झेल टिपला. ओव्हरचा शेवटचा बॉल सिंसाडा मगालाने गुड लेन्थवर टाकला, ट्रिस्टन स्टब्स पुढे सरसावला आणि मोठा शॉट खेळला. त्यामुळे बॉल थेट समोर गेला.

ड्वेन प्रीटोरियस लॉंग ऑफकडून धावत पडद्याकडे पळला. त्याने तो झेल पकडला, पण वेगामुळे तो सीमारेषेकडे जात होता. त्याने सीमारेषा ओलांडण्यापूर्वी चेंडू हवेत फेकला, लॉंग ऑनवरून पळत असताना ऋतुराज गायकवाडने चेंडू झेलला. अशाप्रकारे स्टब्सला 5 धावांवर पॅव्हेलियनमध्ये परतावे लागले.

5. रहाणेने सर्वात वेगवान अर्धशतक केले
चेन्नई सुपर किंग्जकडून पदार्पण करणारा अजिंक्य रहाणे मुंबईविरुद्ध क्रमांक तीनवर फलंदाजीसाठी उतरला. या संधीचा फायदा घेत त्याने अवघ्या 19 चेंडूत अर्धशतक केले. या आयपीएल हंगामातील हे सर्वात वेगवान अर्धशतक आहे. त्याने कोलकात्याच्या शार्दुल ठाकूर आणि राजस्थानच्या जोस बटलरचा विक्रम मोडला. दोघांनी 20 चेंडूत अर्धशतकं झळकावली होती.

रहाणे 27 चेंडूत 61 धावा करून बाद झाला. या खेळीत त्याने 3 षटकार आणि 7 चौकार लगावले. अर्शद खानच्या एका षटकात त्याने 4 चौकार आणि 1 षटकार मारत एकूण 23 धावा केल्या. चेन्नईपूर्वी रहाणे मुंबई इंडियन्स, दिल्ली कॅपिटल्स, रायझिंग पुणे सुपरजायंट्स आणि राजस्थान रॉयल्स यांच्यासोबतही IPL खेळला आहे.

या सामन्याला का म्हटले गेले एल- क्लासिको ?
आयपीएलमधील चेन्नई सुपर किंग्ज आणि मुंबई इंडियन्स यांच्यातील सामन्याला एल क्लासिको म्हणतात. El Clásico हा स्पॅनिश शब्द आहे ज्याचा अर्थ उत्कृष्ट आहे. स्पॅनिश फुटबॉलमध्ये, बार्सिलोना-रिअल माद्रिद सामन्याला एल-क्लासिको म्हणतात, कारण दोन्ही ला लीगामधील सर्वात यशस्वी क्लब आहेत. त्याचप्रमाणे, आयपीएलमधील सीएसके आणि एमआय यांच्यातील सामन्याला एल-क्लासिको म्हणतात, कारण मुंबईने सर्वाधिक 5 वेळा आणि चेन्नईने 4 वेळा आयपीएलचे विजेतेपद पटकावले आहे. खेळाडूंसोबतच चाहतेही या सामन्याची आतुरतेने वाट पाहत आहेत.

आता पाहा सामन्याचे आणखी काही मनोरंजक फोटोज...