KKR Vs RR सामन्याचे मोमेंट्स:यशस्वीने सलग 2 षटकार मारून केली डावाची सुरुवात, हेटमायरचा शानदार जंपिंग झेल

इंडियन प्रीमियर लीगच्या (IPL) 56 व्या सामन्यात राजस्थान रॉयल्सने गुरुवारी कोलकाता नाइट रायडर्सचा 9 गडी राखून पराभव केला. ईडन गार्डन स्टेडियमवर नाणेफेक गमावल्यानंतर प्रथम फलंदाजी करताना केकेआरने 20 षटकांत 8 गडी गमावून 149 धावा केल्या. यशस्वीच्या नाबाद 98 धावांच्या जोरावर राजस्थानने 13.1 षटकांत विजय मिळवला.

सामन्यापूर्वी राजस्थानचे गोलंदाजी प्रशिक्षक लसिथ मलिंगा यांनी स्टेडियममध्ये लावण्यात आलेली ऐतिहासिक घंटा वाजवली. राजस्थानच्या शिमरॉन हेटमायरने शानदार जंपिंग कॅच घेतला, तर यशस्वी जैस्वालने दोन षटकारांसह दुसऱ्या डावाची सुरुवात केली, त्या षटकात 26 धावा केल्या आणि 13 चेंडूत स्पर्धेच्या इतिहासातील सर्वात जलद अर्धशतक केले.

या बातमीत जाणून घ्या, सामन्याचे असे महत्त्वाचे क्षण आणि सामन्यावर त्यांचा इम्पॅक्ट कसा झाला...

1. मलिंगाने ईडन गार्डन स्टेडियमची बेल वाजवली
राजस्थान रॉयल्सचे वेगवान गोलंदाजी प्रशिक्षक लसिथ मलिंगाने कोलकात्याच्या ईडन गार्डन स्टेडियमवर सामन्यापूर्वी ऐतिहासिक घंटा वाजवली. बेल वाजल्यानंतर सामना सुरू झाला. मलिंगा हा आयपीएलचा दिग्गज खेळाडू आहे, त्याने मुंबई इंडियन्सकडून खेळताना टूर्नामेंटच्या 122 सामन्यांमध्ये 170 बळी घेतले आहेत.

2. शिमरॉन हेटमायरचा उत्कृष्ट जंपिंग झेल
शिमरॉन हेटमायरने सामन्याच्या पहिल्या डावात उडी मारत शानदार झेल घेतला. कोलकात्याच्या डावातील तिसऱ्या षटकातील दुसऱ्या चेंडूवर ट्रेंट बोल्टने लेग स्टंपवर फुलर लेन्थ टाकला. जेसन रॉयने डीप स्क्वेअर लेगवर फ्लिक केला. सीमारेषेजवळ उभा असलेला शिमरॉन हेटमायर चेंडूकडे धावत आला आणि त्याने उडी मारताना एक उत्तम झेल घेतला.

इम्पॅक्ट - स्फोटक फलंदाज जेसन रॉयच्या विकेटनंतर, पॉवरप्लेमध्येच राजस्थानने केकेआरवर दबाव आणला. रॉय 8 चेंडूत 10 धावाच करू शकला.

3. संदीप शर्माने डायव्हिंग कॅच घेतला
पहिल्या डावातील पाचव्या षटकात ट्रेंट बोल्ट गोलंदाजी करत होता. रहमानउल्ला गुरबाज स्ट्राइकवर होता. ओव्हरचा पहिला बॉल, बोल्टने ऑफ स्टंपवर फुलर लेन्थ टाकला, गुरबाज ड्राईव्ह केला, चेंडू मिड ऑफच्या दिशेने हवेत गेला. 30 यार्ड वर्तुळात उभ्या असलेल्या संदीप शर्माकडे चेंडू गेला. त्याने डावीकडे डायव्ह टाकून शानदार झेल घेतला. त्याचा झेल पाहून बोल्टही थक्क झाला.

इम्पॅक्ट - गुरबाजच्या विकेटबाबतही तेच घडले, कोलकाताचा दुसरा सलामीवीरही पॉवरप्लेमध्येच पॅव्हेलियनमध्ये परतला. या विकेटसह राजस्थानने पॉवरप्लेमध्येच केकेआरवर दबाव आणला आणि संघाला मोठी धावसंख्या होऊ दिली नाही.

4. यशस्वीने दोन षटकार मारून डावाची सुरुवात केली
150 धावांच्या लक्ष्याचा पाठलाग करताना राजस्थानचा सलामीवीर यशस्वी जैस्वालने डावाच्या पहिल्या दोन चेंडूंवर दोन लांब षटकार ठोकले. कोलकाताचा कर्णधार नितीश राणा पहिल्याच षटकात झटपट विकेट घेण्यासाठी गोलंदाजी करायला आला होता. पण जैस्वालने पहिल्याच चेंडूवर त्याला लक्ष्य केले, त्याने षटकात आणखी 3 चौकार मारले आणि पहिल्याच षटकातच 26 धावा जमवल्या.

इम्पॅक्ट - यशस्वीने 26 धावांच्या षटकात संघाला चांगली सुरुवात करून दिली. या षटकामुळे आरआरवर रनरेटचे दडपण आले नाही आणि पॉवरप्लेमध्येच संघाने कोलकातावर दबाव आणला.

5. बटलर शून्यावर धावबाद झाला
राजस्थानचा सलामीचा फलंदाज जोस बटलर खाते न उघडता धावबाद झाला. दुसऱ्या डावातील दुसऱ्याच षटकात हर्षित राणा गोलंदाजी करत होता. ओव्हरच्या चौथ्या चेंडूवर बटलरने बॅकफूटवर एक शॉट खेळला, जो थेट आंद्रे रसेलच्या हातात गेला. दुसऱ्या टोकाला उभा राहून यशस्वी धाव घेण्यासाठी धावला, बटलरने आधी धाव घेण्यास नकार दिला, पण नंतर तोही धावला. रसेलने पटकन चेंडू पकडला आणि नॉन-स्ट्रायकरच्या टोकाकडे थेट थ्रो मारला.

बटलरला शून्यावर पॅव्हेलियनमध्ये परतावे लागले, तो या मोसमात तिसऱ्यांदा शून्यावर बाद झाला. तो 2014 पासून आयपीएल खेळत आहे आणि 2023 पूर्वी तो कधीही शून्यावर बाद झाला नव्हता. मात्र या मोसमातील केवळ 12 सामन्यांत तो खाते न उघडता तीन वेळा पॅव्हेलियनमध्ये परतला आहे.

इम्पॅक्ट - दुसऱ्याच षटकात जोस बटलरच्या विकेटने केकेआरला सामन्यात पुनरागमनाची आशा निर्माण झाली. मात्र संपूर्ण सामन्यात संघाला आणखी एकही बळी मिळवता आला नाही.

आता पाहा सामन्याशी संबंधित फोटो.