आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Ipl
  • Mahendrasingh Dhoni | IPL 2022 Updates | Said In The Match Against Hyderabad You Will See Me In The Yellow Jersey Only, Don't Know What The Role Will Be

धोनी पुढच्या वर्षीही खेळणार IPL:हैद्राबादच्या विरोधात मॅचमध्ये म्हटले - तुम्ही मला पिवळ्या जर्सीतच पाहाल, भूमिका काय असेल माहिती नाही

19 दिवसांपूर्वी
  • कॉपी लिंक

महेंद्रसिंग धोनी पुन्हा एकदा IPL 2022 मध्ये चेन्नई सुपर किंग्जचे नेतृत्व करत आहे. रविवारी हैदराबादविरुद्ध झालेल्या सामन्यात धोनी कर्णधार म्हणून संघाचा भाग झाला. त्याने रवींद्र जडेजाची जागा घेतली. नाणेफेकीनंतर त्याने मोठे वक्तव्यही केले. ज्याची खूप चर्चा होत आहे. नाणेफेकीच्या वेळी, त्याला विचारण्यात आले की तो यापुढेही पिवळी जर्सी (CSK) खेळताना दिसेल का? यावर धोनीने हसून उत्तर दिले - नक्कीच, तुम्ही मला पिवळ्या जर्सीत पहाल, पण ती हिच असेल की दुसरी कोणती याविषयी माहिती नाही.

धोनीच्या विधानाचे अनेक अर्थ आहेत
माहीच्या या वक्तव्यावरून तो पुढील वर्षीही चेन्नईकडून आयपीएल खेळताना दिसणार असल्याचे समजते. माही यंदा 41 वर्षांचा होईल, पण संघ व्यवस्थापनाने या खेळाडूवर ज्याप्रकारे विश्वास दाखवला आहे, ते पाहता तो चेन्नईकडून खेळत राहील असे दिसते. जडेजाने जेव्हा संघाचे कर्णधारपद सोडले तेव्हा चेन्नईच्या संघ व्यवस्थापनाने एकाही तरुणाला कर्णधार बनवले नाही, उलट धोनीची पुन्हा कर्णधारपदासाठी निवड केली.

धोनीने संघाच्या हितासाठी कर्णधारपद स्वीकारले: CSK व्यवस्थापन
जडेजाने जेव्हा कर्णधारपद सोडले तेव्हा CSK संघाने एका प्रसिद्धीपत्रकात सांगितले की, रवींद्र जडेजाने आपल्या खेळावर अधिक लक्ष केंद्रित करण्यासाठी कर्णधारपद सोडण्याचा निर्णय घेतला आणि धोनीला चेन्नई संघाचे नेतृत्व करण्याची विनंती केली. धोनीने संघाच्या हितासाठी हे आवाहन मान्य करत स्वत: कर्णधारपद स्वीकारण्याचा निर्णय घेतला आहे.

आयपीएलच्या पहिल्या सत्रापासून म्हणजेच 2008 पासून धोनी संघाचे नेतृत्व करत होता. 214 सामन्यात कर्णधार असताना धोनीने 131 सामन्यात संघाला विजय मिळवून दिला आहे. यादरम्यान सुरेश रैनाने 6 सामन्यात कर्णधारपद भूषवले होते, त्यापैकी फक्त 2 सामन्यात संघ जिंकला.

जडेजावर टीका होत होती
रवींद्र जडेजा साधारणपणे आयपीएलमध्ये चांगली कामगिरी करायचा पण कर्णधारपदाच्या दबावाखाली त्याची कामगिरी फारच खराब झाली. अशा स्थितीत जडेजावर बरीच टीका होत होती. पण सर रवींद्र जडेजा एवढा मोठा निर्णय घेऊ शकतात यावर कोणाचाच विश्वास बसत नव्हता.

बातम्या आणखी आहेत...