आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Ipl
  • RCB Vs CSK IPL 2021 LIVE Score; Royal Challengers Bangalore Vs Chennai Super Kings Update | Indian Premier League Cricket Today Match Latest New

बंगळुरू Vs चेन्नई:चेन्नईचा विराटसेनेवर दणदणीत विजय, 6 गडी राखून मिळवलेल्या विजयासह गुणतालिकेत अव्वल स्थानी कायम, यूएईमध्ये RCB चा​​​​​​​ सलग 7 वा पराभव

शारजाह4 महिन्यांपूर्वी
  • कॉपी लिंक

आयपीएल -2021 फेज -2 मध्ये शुक्रवारी रॉयल चॅलेंजर्स बंगळुरु (आरसीबी) आणि चेन्नई सुपर किंग्ज (सीएसके) मध्ये सामना रंगला होता. सीएसकेने नाणेफेक जिंकून गोलंदाजीचा निर्णय घेतल्याने आरसीबीने प्रथम फलंदाजी करताना 156/6 धावा केल्या आणि चेन्नईसमोर 157 धावांचे लक्ष्य ठेवले. उत्कृष्ट फॉर्ममध्ये असणाऱ्या सीएसकेने 4 गडी गमावून सामना जिंकला. सामन्यातील विजयासह संघाने पुन्हा एकदा गुणतालिकेत अव्वल स्थान गाठले आहे. सामन्याचा लाइव्ह स्कोअर पाहण्यासाठी येथे क्लिक करा

CSK ने शानदार सुरुवात
लक्ष्याचा पाठलाग करताना फाफ डु प्लेसिस आणि ऋतुराज गायकवाड यांनी सीएसकेला चांगली सुरुवात दिली. दोघांनी पहिल्या विकेटसाठी 71 धावा जोडल्या. चांगल्या फॉर्मात असलेल्या गायकवाडने 26 चेंडूत 38 धावा केल्या आणि युझवेंद्र चहलने त्याला बाद केले. त्याच्या विकेटनंतर ग्लेन मॅक्सवेलने डु प्लेसिसला त्याच्या षटकाच्या पहिल्याच चेंडूवर 31 धावांवर बाद केले.

RCB सहज 200 धावा करेल असे वाटत होते पण...
आरसीबीने चांगली सुरुवात केली. कर्णधार कोहली आणि देवदत्त पडिक्कल यांनीही पहिल्या विकेटसाठी 111 धावांची भागीदारी केली. एकावेळी असे वाटत होते की आरसीबी सहजपणे 200 धावा करेल पण असे झाले नाही. संघाची पहिली विकेट विराट कोहलीच्या (53) रूपात पडली आणि त्यानंतर एकामागून एक विकेट पडत गेल्या.

डिव्हिलियर्स 12, मॅक्सवेल 11, टीम डेव्हिड 1 आणि हर्षल पटेल 3 धावा काढून तंबूत परतले. देवदत्त पडिक्कलने संघासाठी 70 धावांची शानदार खेळी खेळली. ड्वेन ब्राव्हो चेन्नईकडून 3 विकेट घेण्यात यशस्वी ठरला.

वादळामुळे टॉसला 30 मिनिटे उशीर
शारजाहमध्ये वादळामुळे नाणेफेक 30 मिनिटांच्या विलंबाने आणि सामना 45 मिनिटांनी सुरू झाला. शारजामध्ये अनेकदा वाळूची वादळे येत राहतात आणि आजही असेच काहीसे दिसून आले.

चेन्नई सध्या 8 सामन्यांत 12 गुणांसह गुणतालिकेत दुसऱ्या स्थानावर आहे. या सामन्यातील विजय पुन्हा नंबर -1 वर नेईल.

दोन्ही संघ

RCB - विराट कोहली (कर्णधार), देवदत्त पडिक्कल, श्रीकर भारत, ग्लेन मॅक्सवेल, एबी डिव्हिलियर्स (wk), वनिंदू हसरंगा, नवदीप सैनी, टीम डेव्हिड, मोहम्मद सिराज, हर्षल पटेल, युझवेंद्र चहल.

CSK - फाफ डु प्लेसिस, ऋतुराज गायकवाड, मोईन अली, सुरेश रैना, अंबाती रायडू, एमएस धोनी (w/c), रवींद्र जडेजा, ड्वेन ब्राव्हो, शार्दुल ठाकूर, दीपक चहर, जोश हेजलवूड.

बातम्या आणखी आहेत...