सचिन तेंडुलकरचे मुलाबाबत वक्तव्य:तुला क्रिकेट आवडत असेल तर कर मेहनत , MI च्या संघ निवडीशी माझा काहीही संबंध नाही

क्रिकेटचा देव म्हटल्या जाणाऱ्या सचिन तेंडुलकरने आपल्या मुलाच्या क्रिकेटच्या कारकिर्दीबाबत मोठं वक्तव्य केलं आहे. अर्जुनला या खेळाबद्दल खूप प्रेम आहे, त्यामुळे तो क्रिकेट खेळतो, तरीही मी अर्जुनला सांगतो की रस्ता कठीण आहे.

सचिन म्हणाला - निवडीशी माझा काहीही संबंध नाही

सचिन तेंडुलकरचा मुलगा अर्जुन तेंडुलकरला IPL च्या दोन हंगामात (IPL 2021 आणि 2022) मुंबई इंडियन्सच्या 28 सामन्यांमध्ये एकदाही खेळण्याची संधी मिळाली नाही. वेळोवेळी बातम्या येत राहिल्या की आता अर्जुनला संधी मिळेल, पण ती संधी कधीच आली नाही.

याबाबत अर्जुनचे वडील सचिन यांनी सांगितले की, निवडीशी त्यांचा काहीही संबंध नाही, मात्र ते अर्जुनला नेहमी समजावून सांगतात की, त्याचा मार्ग सोपा नसून खूप कठीण आणि आव्हानात्मक आहे. 22 वर्षीय अर्जुनने आपल्या कारकिर्दीत संघ मुंबईकडून आतापर्यंत केवळ दोन T-20 सामने खेळला आहे.

यावेळी अर्जुनची 30 लाखांना झाली विक्री

MI शी मेंटॉर म्हणून जोडलेल्या सचिन तेंडुलकरनेही आपण निवडीच्या बाबतीत हस्तक्षेप करत नसल्याचे स्पष्ट केले. हे लक्षात घेण्यासारखे आहे की अर्जुन हा डावखुरा वेगवान गोलंदाज आणि डावखुरा फलंदाज असून पाच वेळा IPL चॅम्पियन MI संघात सामील झाला होता.

2021 मध्ये, अर्जुन 20 लाखांच्या मूळ किमतीवर फ्रँचायझीशी MI शी जोडून होता आणि 2022 मध्ये त्याला संघाने 30 लाखांना विकत घेतले. लीगच्या दोन्ही हंगामात त्याला एकाही सामन्यात खेळण्याची संधी मिळाली नाही.

अर्जुनला संधी न मिळाल्यावर काय म्हणाला सचिन ?

एका शोमध्ये, जेव्हा सचिन तेंडुलकरला विचारले गेले की त्याला अर्जुनला यावर्षी खेळताना पाहायला आवडेल का, तेव्हा तो म्हणाला, "हा वेगळा प्रश्न आहे. मी काय विचार करत आहे किंवा मला काय वाटत आहे याने काही फरक पडत नाही.

सीझन संपला आहे (मुंबई इंडियन्ससाठी) आणि अर्जुनला मी नेहमीच सांगितले आहे की हा रस्ता आव्हानात्मक आणि कठीण असा आहे.

200 कसोटी सामने खेळणारा सचिन आहे एकमेव खेळाडू

200 कसोटी सामने खेळणारा एकमेव क्रिकेटपटू सचिन तेंडुलकर अर्जुनसोबतच्या संभाषणात पुढे म्हणाला की, "तुम्ही क्रिकेट खेळायला सुरुवात केली कारण तुम्हाला क्रिकेट आवडते, ते करत राहा, मेहनत करत राहा आणि तुम्हाला निकाल मिळतील. निवडीचा जो प्रश्न आहे, तो मी संघ व्यवस्थापनावर सोडतो.

सचिन म्हणतो, जर आपण निवडीबद्दल बोललो, तर मी स्वत:ला या निवडीत कधीच गुंतवत नाही. मी या सर्व गोष्टी संघ व्यवस्थापनावर सोपवतो, कारण मी नेहमीच तसेच केले आहे.”

भावाची वेळ नक्की येईल, साराने व्यक्त केली आशा

या वर्षीच्या हंगामातील शेवटच्या सामन्यातही अर्जुनला संघात संधी न मिळाल्याचा किस्सा त्याची बहीण साराने शेअर केला होता. यात अर्जुन सीमारेषेजवळ पाण्याची बाटली घेऊन उभा दिसला होता. बॅकग्राउंडमध्ये 'अपना टाइम आएगा' हे गाणं वाजत होतं. सीझनच्या शेवटच्या सामन्यात अर्जुनला दिल्ली कॅपिटल्सविरुद्ध संधी दिली जाईल, अशी चाहत्यांची अपेक्षा होती. अर्जुन नाणेफेकीपूर्वी मैदानावर गोलंदाजी रनअपची खूण करतानाही दिसला होता. मात्र, नाणेफेक झाल्यानंतर या सामन्यातही अर्जुनला मुंबई इंडियन्सच्या प्लेइंग 11 मध्ये स्थान दिले जाणार नसल्याचे संघाच्या घोषणेनंतर स्पष्ट झाले.