IPL 2023:सूर्याची 3 दिवसांत आयपीएल कारकिर्दीतील सर्वोत्तम खेळी; म्हणाला- माझ्या T20 च्या सर्वोत्तम खेळांत समावेश

शुक्रवारी वानखेडे स्टेडियमवर झालेल्या सामन्यात मुंबई इंडियन्सच्या सूर्यकुमार यादवने गुजरात टायटन्सविरुद्धच्या सामन्यात 49 चेंडूत 103 धावा केल्यानंतर नाबाद राहिला. डावाच्या शेवटच्या चेंडूवर षटकार ठोकत त्याने शतक पूर्ण केले. सूर्याला सामनावीर घोषित करण्यात आले. या सामन्यात मुंबईने गुजरातचा 27 धावांनी पराभव केला.

सामन्यानंतर सूर्यकुमार यादव म्हणाला की, 'माझ्या टी-20 डावातील ही सर्वोत्तम खेळी आहे, असे म्हणता येईल. जेव्हा मी धावा करतो तेव्हा मला वाटते की संघ जिंकला पाहिजे. जमिनीवर खूप दव पडलेले होते. अशा परिस्थितीत कोणता शॉर्ट्स खेळायचे, हे मला माहीत आहे. मी थेट मारण्याचा विचार करत नव्हतो. अशा परिस्थितीत माझ्या मनात दोन शॉट्स येत होते. एक फाइन लेग आणि दुसरा थर्ड मॅनकडे खेळायचा. हे शॉट्स खेळण्यासाठी मी सरावादरम्यान खूप सराव केला आहे. मला स्वतःला सिद्ध करायचे आहे आणि मी ते करतो.'

3 दिवसात सर्वोत्तम आयपीएल धावसंख्या

सूर्याने 103 धावांच्या नाबाद खेळीत 11 चौकार आणि 6 षटकार ठोकले. आयपीएलच्या इतिहासातील सूर्याची ही सर्वोत्तम धावसंख्या आहे. यापूर्वी 9 मे रोजी बेंगळुरूविरुद्ध खेळल्या गेलेल्या सामन्यात त्याने 35 चेंडूत 83 धावांची खेळी करत आयपीएलमधील सर्वोत्तम धावसंख्या केली होती. त्याने विष्णू विनोदसोबत 42 चेंडूत 65 आणि कॅमेरॉन ग्रीनसोबत 18 चेंडूत 54 धावांची नाबाद भागीदारी केली. ग्रीनसोबत भागीदारी करताना सूर्याने 15 चेंडूत 50 धावा केल्या.

रोहित शर्मानेही केले कौतुक

संघाचा कर्णधार रोहित शर्मानेही सूर्याच्या खेळीचे कौतुक केले. सामन्यानंतर तो म्हणाला की, खरे सांगायचे तर सूर्याचा आत्मविश्वास कमालीचा आहे. या स्पर्धेच्या सुरुवातीला उजव्या आणि डाव्या हाताच्या कॉम्बिनेशनने जायचे की नाही यावर आम्ही चर्चा करत होतो. सूर्या म्हणाला नाही, मला आधी फलंदाजीला जायचे आहे. तो कधीच मागे वळून पाहत नाही.