गोंडस PHOTO:विराट कोहलीने मुलगी वामिकासोबतचा फोटो केला शेअर; हरभजन सिंगची हार्ट इमोजी

आरसीबीचा माजी कर्णधार विराट कोहलीने त्याची मुलगी वामिका कोहलीसोबतचा एक गोंडस फोटो शेअर केला आहे, जो चाहत्यांना खूप आवडला आहे. फोटो शेअर करून कोहलीने हृदयाचा एक इमोजी शेअर केला आहे. या फोटोवर क्रिकेटर्सच्या कमेंट्सही येत आहेत. या सुंदर फोटोवर हरभजन सिंगने हार्ट इमोजीही शेअर केला आहे. चाहतेही या फोटोवर कमेंट करत आहेत. नुकत्याच झालेल्या सामन्यात आरसीबीला लखनऊकडून 1 विकेटने पराभव स्वीकारावा लागला होता.

विराट कोहलीची शानदार फलंदाजी

लखनऊच्या विरुद्ध सामन्यात विराट कोहलीने शानदार फलंदाजी केली. कोहलीने 44 चेंडूत 61 धावा केल्या होत्या. त्याचवेळी आरसीबीचा कर्णधार फाफ डू प्लेसिसने 79 धावांची खेळी केली. प्रथम खेळताना आरसीबीने 212 धावा केल्या, तर लखनऊच्या संघाने शेवटच्या चेंडूवर 1 धाव घेऊन सामना एका विकेटने जिंकला होता.

दुसरीकडे, निकोलस पूरनने शानदार फलंदाजी करताना अवघ्या 15 चेंडूत अर्धशतक ठोकले. आयपीएलच्या इतिहासात सर्वात जलद अर्धशतक झळकावणारा पूरन संयुक्तपणे दुसरा फलंदाज आहे. त्याचबरोबर या आयपीएलमध्ये पुरणने झळकावलेले अर्धशतक हे सर्वात वेगवान अर्धशतक आहे.

अनुष्का शर्माही सामना पाहण्यासाठी मैदानात

अनुष्का शर्माही सामना पाहण्यासाठी मैदानात आरसीबीचा माजी कर्णधार विराट कोहलीची पत्नी आणि बॉलिवूड अभिनेत्री अनुष्का शर्मा बंगळुरू-लखनऊ सामना पाहण्यासाठी चिन्नास्वामी स्टेडियमवर पोहोचली होती. रोमहर्षक सामन्यात बंगळुरूचा एका धावेने पराभव झाला. अनुष्काही अनेकदा टीम इंडियाचे सामने पाहण्यासाठी स्टेडिअममध्ये जाते.