टी -20 विश्वचषकात 6 षटकार:प्रत्येक चेंडूची 'कहानी', स्वतः युवराज सिंहची 'जुबानी', व्हिडिओ शेअर करत विचारले कसा वाटला माझा अभियन, मला बॉलिवूडमध्ये चान्स मिळेल का?

14 वर्षांपूर्वी 19 सप्टेंबर रोजी युवराज सिंह टी -20 सामन्यात 6 चेंडूत 6 षटकार मारणारा पहिला फलंदाज ठरला होता. युवराजने 2007 मध्ये पहिल्या टी -20 विश्वचषकात गोलंदाज स्टुअर्ट ब्रॉडच्या षटकात इंग्लंडविरुद्धच्या सामन्यात हा पराक्रम केला होता. युवराजने हा अविस्मरणीय क्षण री-क्रिएट केला आहे. त्याने मजेदार पद्धतीने एक व्हिडिओ बनवला आणि तो सोशल मीडियावर पोस्ट केला. या व्हिडिओमध्ये त्याने स्टुअर्टच्या षटकात 6 चेंडूंमध्ये लावलेले 6 षटकार दाखवले आहेत आणि त्याआधी एंड्रयू फ्लिंटॉफसोबतचा वाद त्याच्या स्वतःच्या शैलीत दाखवला आहे.

खरेतर या सामन्यात भारताने नाणेफेक जिंकून प्रथम फलंदाजी करण्याचा निर्णय घेतला होता. भारताच्या तीन विकेट्स 155 च्या स्कोअरवर पडल्या होत्या. धोनी आणि युवराज क्रीजवर होते. एंड्रयू फ्लिंटॉफच्या षटकात युवीने दोन चौकार मारल्याने इंग्लिश ऑलराउंडर चिडला होता. षटकाच्या शेवटी दोघांमध्ये जोरदार वाद झाला होता. युवराजने आपल्या व्हिडिओमध्ये ही घटना दाखवली आहे. त्याने बाईक चालवताना घातले जाणारे हेल्मेट घातले आहे आणि हातात बॅट धरली आहे.

त्याने 14 वर्षांपूर्वी मैदानावरील संपूर्ण घटना एक मजेदार पद्धतीने री-क्रिएट केली आहे. यात माही आणि स्टुअर्ट ब्रॉडची मिमिक्रीही आहे. व्हिडिओमध्ये धोनी विनोदी पध्दतीने अंपायरला सांगत आहे की, यार अंपायर तुम्ही मध्ये बोलू नका. त्याचवेळी फ्लिंटॉपने त्याला काही सांगितले तेव्हा तो मागे वळून म्हणतो की, काय म्हटला.

स्टुअर्टच्या ओव्हरमध्ये धोनीसोबत झालेल्या चर्चेचा उल्लेख
युवराजने आपल्या व्हिडिओमध्ये स्टुअर्टच्या ओव्हरमध्ये प्रत्येक चेंडूनंतर माही म्हणजेच धोनीसोबत झालेले बोलणे आपल्या अंदाजात दाखवले आहे.

12 चेंडूंवर युवराजने लावली होती फिफ्टी
युवराजने स्टुअर्ट ब्रॉडच्या ओव्हरमध्ये चारही बाजूने शॉट खेळले. त्याने या मॅचमध्ये 12 चेंडूंमध्ये अर्धशतक ठोकले होते, जो आजही विक्रम आहे.

पहिला षटकार - स्टुअर्ट ब्रॉडच्या पहिल्या चेंडूला युवीने काऊ कॉर्नरच्या वर मारला.
दुसरा षटकार - फ्लिक शॉट खेळला आणि चेंडू बॅकवर्ड स्क्वेयर लेगच्या वरुन गेला.
तिसरा षटकार - स्टंप्सच्या लाइनवर येत असलेला चेंडू युवीने जागा बनवून एक्स्ट्रा कव्हरच्या वर बाउंड्री पार केला.
चौथा षटकार - बॅकवर्ड पॉइंटवर चौथा चेंडू खेळला आणि षटकार ठोकला.
पाचवा षटकार - यावेळी एक गुडघा जमिनीवर टेकवला आणि मिड -विकेटवर एक मजबूत षटकार मारला.
सहावा षटकार - युवराजने शेवटचा चेंडू वाइड मिड ऑनवर खेळला आणि सहा चेंडूत सहा षटकार पूर्ण केले.