युजवेंद्र चहलने रचला इतिहास रचला:IPL मध्ये विकेट्सच्या बाबतीत लसिथ मलिंगाला टाकले मागे, ड्वेन ब्राव्होचा रेकॉर्ड मोडायला फक्त 12 विकेट्सची गरज

आयपीएल 2023च्या 8व्या सामन्यात पंजाब किंग्जने राजस्थान रॉयल्सचा 5 धावांनी पराभव केला. या विजयामुळे पंजाबचा संघ गुणतालिकेत दुसऱ्या स्थानावर पोहोचला आहे. प्रथम फलंदाजी करताना पंजाबने 20 षटकांत 4 गडी गमावून 197 धावा केल्या. प्रत्युत्तरात राजस्थानचा संघ 20 षटकांत 7 गडी गमावून 192 धावाच करू शकला. या सामन्यात राजस्थानचा संघ हरला, पण युजवेंद्र चहलने एक खास विक्रम आपल्या नावावर केला.

चहल चांगलाच महागडा ठरला आणि त्याने चार षटकांत 50 धावा दिल्या. त्याला जितेश शर्माची एकमेव विकेट मिळाली. मात्र, ही विकेट घेऊन चहल आयपीएलच्या इतिहासात सर्वाधिक विकेट घेणारा दुसरा गोलंदाज ठरला आहे. या लीगमध्ये सर्वाधिक विकेट घेणारा तो भारतीयांमध्ये पहिला ठरला आहे. चहलने आतापर्यंत 133 सामन्यांत 171 बळी घेतले आहेत. यादरम्यान त्याचा इकॉनॉमी रेट 7.63 राहिला आहे. यादरम्यान, एका डावात चार विकेट्स चार वेळा आणि एका डावात पाच विकेट्सचा समावेश होता.

त्याचबरोबर सर्वाधिक विकेट्स घेण्याचा विक्रम चेन्नई सुपर किंग्जचा विद्यमान गोलंदाजी प्रशिक्षक आणि माजी क्रिकेटपटू ड्वेन ब्राव्होच्या नावावर आहे. ब्राव्होने 161 सामन्यांत 183 विकेट घेतल्या आहेत. यादरम्यान त्याचा इकॉनॉमी रेट 8.38 होता. म्हणजे चहल आता ब्राव्होपासून फक्त 12 विकेट दूर आहे. चहलने मुंबई इंडियन्सचा माजी वेगवान गोलंदाज आणि सध्याचा राजस्थान रॉयल्सचा गोलंदाजी प्रशिक्षक लसिथ मलिंगालाही मागे टाकले आहे. मलिंगाने 122 सामन्यांत 170 विकेट घेतल्या आहेत. यादरम्यान त्याचा इकॉनॉमी रेट 7.14 होता.

40 धावांत पाच बळी ही चहलची सर्वोत्तम गोलंदाजी आहे. तर, ब्राव्होची सर्वोत्तम गोलंदाजी म्हणजे 22 धावांत 4 बळी. मलिंगाने 13 धावांत 5 बळी घेतले, ही त्याची सर्वोत्तम गोलंदाजी आहे. अमित मिश्रा (166 विकेट) चौथ्या क्रमांकावर आणि रविचंद्रन अश्विन (159 बळी) सर्वाधिक बळी घेणाऱ्यांमध्ये पाचव्या क्रमांकावर आहे.

काय घडलं मॅचमध्ये?

प्रथम फलंदाजी करताना धवन आणि प्रभसिमरन सिंग यांनी पंजाबला चांगली सुरुवात करून दिली. दोघांमध्ये 58 चेंडूत 90 धावांची भागीदारी झाली. प्रभासिमरन 34 चेंडूंत सात चौकार आणि तीन षटकारांच्या मदतीने 60 धावा करून बाद झाला. भानुका राजपक्षे एक धाव, सिकंदर रझा एक धाव आणि शाहरुख खान फक्त 11 धावा करू शकला. जितेश शर्माने 16 चेंडूंत दोन चौकार आणि एका षटकाराच्या मदतीने 27 धावांची खेळी केली. राजस्थानकडून जेसन होल्डरने सर्वाधिक 2 विकेट घेतल्या. त्याचवेळी अश्विन आणि चहलला प्रत्येकी एक विकेट मिळाली.

193 धावांच्या लक्ष्याला प्रत्युत्तर देताना राजस्थानची सुरुवात खराब झाली. अश्विन यशस्वी जैस्वालसह सलामीला उतरला. यशस्वी 11 धावा आणि अश्विन खाते न उघडता बाद झाला. जोस बटलर 19, देवदत्त पडिक्कल 21, रियान पराग 20 धावा करून बाद झाले. कर्णधार संजू सॅमसनने 25 चेंडूंत 42 धावांची खेळी केली. आपल्या खेळीत त्याने पाच चौकार आणि एक षटकार लगावला. त्याचवेळी, शेवटी, शिमरॉन हेटमायरने 18 चेंडूंत एक चौकार आणि तीन षटकारांच्या मदतीने 36 धावांची खेळी केली.

त्याचवेळी ध्रुव जुरेलने 15 चेंडूंत 32 धावांची नाबाद खेळी केली. त्याने तीन चौकार आणि दोन षटकार मारले. शेवटच्या षटकात राजस्थानला विजयासाठी 16 धावांची गरज होती, मात्र सॅम करनने केवळ 10 धावा खर्च केल्या. मात्र, राजस्थानला विजय मिळवून देण्यासाठी ते पुरेसे नव्हते. पंजाबकडून नॅथन एलिसने 4 आणि अर्शदीप सिंगने 2 गडी बाद केले.