भारत Vs दक्षिण आफ्रिका,1st T-20:जाणून घ्या काय असू शकते दोन्ही संघांची प्लेइंग इलेव्हन, आफ्रिकेचा भारतात आहे शानदार रेकॉर्ड

दोन महिने चाललेल्या IPL नंतर एकदा आंतरराष्ट्रीय क्रिकेटचे पुनरागमन होत आहे. टीम इंडियाला नवा विश्वविक्रम वाट पाहत आहे. भारत आणि दक्षिण आफ्रिका यांच्यातील 5 सामन्यांच्या होम टी-20 मालिकेला आजपासून सुरुवात होणार आहे. पहिला सामना दिल्लीतील अरुण जेटली स्टेडियमवर होणार आहे.

हा सामना जिंकून टीम इंडियाच्या नजरा लागोपाठ सर्वाधिक टी-20 सामने जिंकण्याच्या विश्वविक्रमावर असतील, पण भारतात दक्षिण आफ्रिकेचा विक्रम भीतीदायक आहे. येथे आफ्रिकेच्या संघाने भारताविरुद्ध 4 टी-20 सामने खेळले असून 3 मध्ये संघाने विजय मिळवला आहे.

टीम इंडियाला धक्का

सामन्याच्या एक दिवस आधी टीम इंडियाला मोठा झटका बसला आहे. रोहित शर्माच्या अनुपस्थितीत कर्णधारपद सोपवण्यात आलेला केएल राहुल दुखापतीमुळे मालिकेतून बाहेर पडला आहे. तसेच, IPL मध्ये चमकदार कामगिरी करणारा कुलदीप यादव देखील संघाचा भाग असणार नाही. तोही दुखापतीमुळे मालिकेतून बाहेर पडला आहे. आजच्या सामन्यात ऋषभ पंत पहिल्यांदा टीम इंडियाचे नेतृत्व करणार आहे. हार्दिक पांड्या उपकर्णधार असेल.

भारताने आतापर्यंत सलग 12 टी-20 सामने जिंकले आहेत आणि सध्या तो अफगाणिस्तान आणि रोमानियाच्या बरोबरीने उभा आहे. जर टीम इंडियाने दक्षिण आफ्रिकेविरुद्धचा पहिला T20 सामना जिंकला तर तो सलग 13 T20 आंतरराष्ट्रीय सामने जिंकणारा जगातील पहिला संघ बनेल.

ही स्पर्धा कुठे पाहू शकतो?

भारत आणि दक्षिण आफ्रिका यांच्यातील पहिला T20 सामना स्टार स्पोर्ट्स नेटवर्कवर थेट प्रक्षेपित केला जाईल. सामना सायंकाळी 7 वाजता सुरू होईल. नाणेफेक 6.30 वाजता होईल. तुम्ही Disney+Hotstar वर लाइव्ह स्ट्रीमिंग पाहू शकता. याशिवाय दिव्यमराठी अॅपवरूनही सामन्याची क्षणोक्षणी माहिती मिळू शकते.

खेळपट्टी कशी असेल?

अरुण जेटली क्रिकेट स्टेडियमची खेळपट्टी फिरकीपटूंना मदत करू शकते. तथापि, येथे वेगवान गोलंदाजांनाही मदत होते. इथली स्पीच कोरडी आहे. अशा स्थितीत फिरकी गोलंदाज अधिक प्रभावी ठरतील. आजच्या सामन्यात युझवेंद्र चहल आणि अक्षर पटेल यांची जोडी पाहायला मिळणार आहे. येथे चहलने 2 सामने खेळले असून 3 बळी घेतले आहेत. त्याचबरोबर अक्षरने एक सामना खेळला असून त्याने 2 विकेट्स घेतल्या आहेत. दक्षिण आफ्रिकेच्या संघात तबरेझ शम्सी आणि केशव महाराज यांच्यासारखे उत्कृष्ट फिरकीपटूही आहेत.

इथे टॉस चालत नाही

दिल्लीत 6 टी-20 सामने खेळले गेले आहेत. 3 सामन्यात प्रथम फलंदाजी करणाऱ्या संघाने विजय मिळवला आहे. त्याचबरोबर 3 सामन्यांचा पाठलाग करणाऱ्या संघाने विजय मिळवला आहे. या मैदानावर प्रथम फलंदाजी करणाऱ्या संघाची सरासरी धावसंख्या 155 च्या आसपास आहे. त्याच वेळी, धावांचा पाठलाग करताना, ही सरासरी 145 पर्यंत घसरते.

हवामानाची स्थिती

गुरुवारी दिल्लीत पावसाची शक्यता नाही. हवामान पूर्णपणे स्वच्छ राहील. दिल्लीत उन्हाचा कडाका आहे, पण स्पर्धा सायंकाळची आहे, त्यामुळे तापमान थोडे कमी असेल. दुपारी 43 अंश, तर सायंकाळी 38 अंशांपर्यंत तापमान राहील.

दोन्ही संघांची संभाव्य प्लेइंग इलेव्हन

भारत - ऋषभ पंत (कर्णधार), ऋषभ गायकवाड, इशान किशन, श्रेयस अय्यर, दिनेश कार्तिक, हार्दिक पंड्या, अक्षर पटेल, भुवनेश्वर कुमार, हर्षल पटेल, युझवेंद्र चहल, उमरान मलिक

दक्षिण आफ्रिका : क्विंटन डी कॉक, रीझा हेंड्रिक्स, टेंबा बावुमा (कर्णधार), एडन मार्कराम, डेव्हिड मिलर, हेन्रिक क्लासेन, तबरीझ शम्सी, कागिसो रबाडा, एनरिक नॉर्ट्या, मार्को येन्सन.