भारत vs वेस्ट इंडिज दुसरा वनडे:कर्णधार धवन प्लेइंग 11 मध्ये करू शकतो बदल, आवेश खान, अर्शदीपला मिळू शकते संधी

टीम इंडिया आणि वेस्ट इंडिज यांच्यातील तीन एकदिवसीय सामन्यांच्या मालिकेतील दुसरा सामना 24 जुलै रोजी पोर्ट ऑफ स्पेन येथे खेळवला जाईल. टीम इंडिया या मालिकेत 1-0 ने आघाडीवर आहे.

पण टीमचा कर्णधार शिखर धवन दुसऱ्या सामन्यासाठी प्लेइंग 11 मध्ये बदल करण्याची शक्यता आहे. पहिल्या सामन्यात संघाच्या दोन खेळाडूंची कामगिरी अत्यंत खराब होती, त्यांच्या जागी अन्य खेळाडूंना संधी दिली जाऊ शकते.

या गोलंदाजांनी केली निराशा

दोन्ही संघांमध्‍ये खेळला गेलेला पहिला एकदिवसीय सामना हा मोठ्या धावसंख्‍येचा होता. या सामन्यात दोन्ही संघांनी 300 हून अधिक धावा केल्या होत्या. या सामन्यात टीम इंडियाने तीन वेगवान गोलंदाज खेळवले होते, त्यापैकी युवा वेगवान गोलंदाज प्रसिद्ध कृष्णा हा एकमेव वेगवान गोलंदाज होता ज्याला विकेट घेता आली नाही.

या सामन्यात प्रसिद्ध कृष्णाने 10 षटके टाकली आणि 6.20 च्या इकॉनॉमीने 62 धावा दिल्या, पण त्याला एकही विकेट मिळाले नाही. या सामन्यापूर्वीही त्याला विकेट घेण्यात अपयश आले आहे. गेल्या 4 वनडेत त्याने फक्त 2 विकेट्स घेतल्या आहेत, अशा स्थितीत धवन त्याला दुसऱ्या सामन्यात संघाबाहेर ठेवू शकतो.

या अष्टपैलू खेळाडूनेही केली निराशा

पहिल्या एकदिवसीय सामन्यात अक्षर पटेलचा अष्टपैलू खेळाडू म्हणून प्लेइंग 11 मध्ये समावेश करण्यात आला होता. अक्षर पटेल या सामन्यात पूर्णपणे फ्लॉप ठरला. या सामन्यात अक्षर पटेलला मोठी खेळी खेळण्याची संधी होती, मात्र तो 21 चेंडूत 21 धावाच करू शकला.

या खेळीत त्याने 1 चौकार आणि 1 षटकार मारला. 7 षटके गोलंदाजी करताना त्याने 6.14 च्या इकॉनॉमीने 43 धावा दिल्या, पण एकही विकेट घेऊ शकला नाही. गेल्या काही सामन्यांपासून त्याची ही खराब कामगिरी कायम आहे, अशा परिस्थितीत अक्षरला प्लेइंग 11 मधूनही बाहेर बसावे लागू शकते.

दुसऱ्या वनडेत खेळण्यासाठी अनेक दावेदार

युवा वेगवान गोलंदाज आवेश खान हा मालिकेतील दुसऱ्या वनडेत टीम इंडियाच्या प्लेइंग 11 मध्ये समाविष्ट होण्याचा सर्वात मोठा दावेदार आहे. आवेश खान अलीकडच्या काळात चांगली कामगिरी करत आहे, त्यामुळे तो दुसऱ्या सामन्याचा भाग होऊ शकतो.

त्याचबरोबर अर्शदीप सिंगचाही संघात समावेश करण्यात आला आहे. या सामन्यात खेळण्यासाठी अर्शदीपही मोठा दावेदार आहे. त्याने टीम इंडियासाठी अद्याप एकही वनडे सामना खेळलेला नाही.

वेस्ट इंडिज विरुद्ध टीम इंडियाचा एकदिवसीय संघ

शिखर धवन (कर्णधार), ऋतुराज गायकवाड, शुभमन गिल, दीपक हुडा, सूर्यकुमार यादव, श्रेयस अय्यर, इशान किशन (विकेटकीपर), संजू सॅमसन (विकेटकीपर), शार्दुल ठाकूर, युझवेंद्र चहल, अक्षर पटेल, आवेश खान, प्रसिद्ध कृष्णा, मोहम्मद सिराज अर्शदीप सिंग.