स्पॉन्सर:अ‍ॅडिडास टीम इंडियाचा नवीन किट स्पॉन्सर, जर्सीवर किलरऐवजी कंपनीचा लोगो दिसेल : BCCI सचिव जय शहा

जर्मन स्पोर्ट्स ब्रँड अ‍ॅडिडास (Adidas) टीम इंडियाचा नवीन किट प्रायोजक असेल. भारतीय क्रिकेट नियामक मंडळाचे (BCCI) सचिव जय शहा यांनी सोमवारी टीम इंडियाच्या नवीन किट प्रायोजकाची घोषणा केली. भारतीय क्रिकेट संघाचा नवीन किट प्रायोजक अ‍ॅडिडास असेल असे ट्विट त्यांनी केले. अ‍ॅडिडास विद्यमान किट प्रायोजक किलरची जागा घेईल.

सध्याच्या प्रायोजक किलर जीन्सचा करार 31 मे रोजी संपणार आहे. त्यानंतर भारतीय संघाच्या जर्सीवर अ‍ॅडिडासचा लोगो दिसेल. किलर जीन्सपूर्वी, MPL भारतासाठी किट प्रायोजक होते.

अ‍ॅडिडाससोबत करार केल्याबद्दल खूप आनंद
बीसीसीआयचे सचिव जय शाह यांनी ट्विट केले की, 'मला हे कळवताना अतिशय आनंद होत आहे की बीसीसीआयने किट प्रायोजक म्हणून अ‍ॅडिडास कंपनीशी करार केला आहे. क्रिकेटचा खेळ पुढे नेण्यासाठी आम्ही कटिबद्ध आहोत. जगातील सर्वात मोठ्या स्पोर्ट्स वेअर कंपनीसोबत करार केल्याबद्दल आम्हाला खूप आनंद होत आहे.

एमपीएलने मध्यंतरी करार रद्द केला
MPL चा BCCI सोबतचा करार 2023 च्या शेवटपर्यंत होता, पण मध्येच त्याने हा करार संपवण्याचा निर्णय घेतला, त्यानंतर किलर टीम इंडियाचा किट प्रायोजक बनला. तीन वर्षांच्या करारासाठी एमपीएल भारतीय बोर्डाला प्रति सामन्यासाठी ६५ लाख आणि रॉयल्टी म्हणून ९ कोटी देत होती.

कराराची रक्कम आणि मुदत जाहीर केलेली नाही
फेब्रुवारीमध्ये आलेल्या वृत्तानुसार, बीसीसीआय जर्मन स्पोर्ट्स ब्रँडसोबत 350 कोटी रुपयांच्या करारावर विचार करत आहे. शाह यांनी सोमवारी या वृत्ताला दुजोरा दिला, मात्र या कराराची रक्कम आणि मुदत या क्षणी उघड करण्यात आलेली नाही.