आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Asia Cup 2022, Akhtar Said I Didn't Know Who Sachin Tendulkar Was: I Used To Play In My Sleep, I Didn't See Which Batsman Was Standing In Front Of Me.

अख्तर म्हणाला- सचिन कोण आहे हे मला माहीत नव्हते:मी माझ्या तंद्रीत खेळायचो, समोर कोणता फलंदाज उभा आहे हे मी पाहत नसे

4 महिन्यांपूर्वी
  • कॉपी लिंक

27 ऑगस्टपासून आशिया कपला सुरुवात होत आहे. भारत-पाकिस्तान सामन्या सोबतच तेंडुलकर-विरूद्ध अख्तर म्हणूनही याकडे पाहिले जात होते. ज्याचे रूपांतर आता बाबर विरूद्ध कोहलीमध्ये झाले आहे.

आशिया चषकापूर्वी जगातील सर्वात वेगवान गोलंदाज शोएब अख्तरने म्हटले आहे की, माझ्या कारकिर्दीच्या सुरुवातीच्या काळात मला माहित नव्हते की सचिन तेंडुलकर कोण आहे...?

शोएब म्हणाला- तेव्हा मला सचिनच्या क्रिकेटमधील महानतेबद्दल माहिती नव्हती. मला सकलेन मुश्ताकने सांगितले होते की, सचिन खूप मोठा फलंदाज आहे.

हा 47 वर्षीय माजी वेगवान गोलंदाज एका टीव्ही शोमध्ये म्हणाला की, तेव्हा मी माझ्या दुनियेत हरवून जायचो. समोर कोण आहे हे मला मॅचच्या आधी देखील माहित नव्हते. खरे सांगायचे तर समोर कोणता फलंदाज उभा आहे हे मी पाहात नसे .

मी गोलंदाजी कशी करेन आणि फलंदाज काय विचार करत आहे, एवढेच मला माहीत होते. मी नेहमी वेगवान गोलंदाजी करण्याचा आणि माझ्या देशासाठी सामने जिंकण्याचा विचार केला.

अख्तर म्हणाला की, तुमच्या आणि आमच्या वेगवान गोलंदाजांमध्ये मोठा फरक आहे की आम्ही वेगवान गोलंदाजी करण्यासाठी बहाणे शोधायचे. जेव्हा मला वाटायचे की चेंडू रिव्हर्स स्विंग होईल, तेव्हा मी विचार करायचो, जर मला येथे स्पेल आला तर मी फलंदाजांना बाद करू शकतो.

मी तिथे पाच विकेट घेईन आणि पाकिस्तानला सामना जिंकून देईन. मॅच विनर झाल्याशिवाय तुम्ही स्टार होऊ शकत नाही. आम्ही देशासाठी सामने जिंकायचो.

28 ऑगस्टला भारत-पाकिस्तान सामना होणार आहे

आशिया चषकात 28 ऑगस्टला भारत-पाकिस्तानचा महामुकाबला होणार आहे. दोन्ही संघ तब्बल 11 महिन्यांनंतर आमनेसामने येणार आहेत. यापूर्वी, भारत-पाकिस्तान गेल्या वर्षीच्या T-20 विश्वचषक सामन्यानंतर प्रथमच आमनेसामने येणार आहेत, जिथे बाबर आझमच्या नेतृत्वाखालील संघाने 10 विकेट्सने दणदणीत विजय नोंदवला.

15 वर्षांपासून द्विपक्षीय मालिका आयोजित केली नाही

भारत आणि पाकिस्तान यांच्यातील राजकीय तणावामुळे जवळपास 15 वर्षांपासून कोणतीही द्विपक्षीय मालिका झालेली नाही. आता दोन्ही संघ फक्त ICC आणि आशियाई स्पर्धांमध्ये एकमेकांशी खेळतात.

बातम्या आणखी आहेत...