आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Asia Cup News; Bangladesh VS Sri Lanka, Sri Lanka Lead 8 4 In T 20 Head To Head Match: Virtual Quarter Final Between SL VS BAN Today, Do or die Situation For Both

आशिया चषकमध्ये आज श्रीलंका VS बांग्लादेश:श्रीलंकेने टॉस जिंकून घेतला गेलंदाजीचा निर्णय, दोघांसाठी करो या मरोची स्थिती

एका महिन्यापूर्वी
  • कॉपी लिंक

आशिया चषक 2022 मध्ये गुरुवारी बांगलादेशविरुद्धच्या करा किंवा मरोच्या सामन्यात नाणेफेक जिंकून श्रीलंकेने प्रथम गोलंदाजी करण्याचा निर्णय घेतला आहे. आजच्या सामन्यात दोन्ही संघांनी बदल केले आहेत. श्रीलंकेच्या संघात एक बदल करण्यात आला आहे. त्याचबरोबर बांगलादेश संघात तीन बदल करण्यात आले आहेत. असिथा फर्नांडो श्रीलंकेकडून पदार्पण सामना खेळणार आहे. तर बांग्लादेशने या सामन्यात शब्बीर रहमान, इबादत हुसेन आणि मेहदी हसन मिराज यांना संधी दिली आहे. इबादत हुसेनचा हा पदार्पण सामना असेल.

सामन्याचे लाइव्ह स्कोअर पाहण्यासाठी येथे क्लिक करा....

श्रीलंका हेड टू हेड बांग्लादेशपेक्षा खूप पुढे आहे

आशिया चषक स्पर्धेत दोन्ही संघांच्या हेड टू हेड स्पर्धेमध्ये श्रीलंका बांग्लादेशपेक्षा खूप पुढे आहे. यात समोरासमोर झालेल्या लढतीत श्रीलंकेने एकूण 13 पैकी 11 सामने जिंकले आहेत. तर बांग्लादेशने केवळ दोनदाच श्रीलंकेला पराभूत केले आहे.

गेल्या दशकात, आशिया कपमध्ये दोन्ही संघ तीनदा एकमेकांसमोर आले आहेत, ज्यामध्ये बांग्लादेशने दोनदा सामना जिंकला आहे तर श्रीलंकेने एकदा सामना जिंकला आहे.

बांग्लादेशने आशिया कप 2012 आणि 2016 मध्ये श्रीलंकेचा पराभव केला होता. बांग्लादेशने 2012 मध्ये श्रीलंकेचा पराभव करून आशिया कपच्या इतिहासात प्रथमच अंतिम फेरी गाठली होती. बांग्लादेशकडून तमिम इकबाल आणि शकीब अल हसन यांनी 50 धावा केल्या. या सामन्यात शाकिब अल हसननेही दोन विकेट घेतल्या. या अष्टपैलू कामगिरीनंतर शाकिबला मॅन ऑफ द मॅचचा पुरस्कार मिळाला.

2018 मध्ये जेव्हा दोन्ही संघ एकमेकांसमोर आले तेव्हा त्या सामन्यात श्रीलंकेला पराभवाला सामोरे जावे लागले होते. बांग्लादेशने या सामन्यात प्रथम फलंदाजी करताना 261 धावा केल्या होत्या.

बांग्लादेशकडून मुशफिकुर रहीमने 144 धावा केल्या होत्या. ही धावसंख्या रहीमची वनडेतील सर्वोत्तम कामगिरी होती. तर 261 धावांचा पाठलाग करताना श्रीलंकेचा डाव अवघ्या 124 धावांत गुंडाळला होता.

टी-20 फॉरमॅटमध्येही श्रीलंका बांग्लादेशच्या पुढे आहे. श्रीलंका आणि बांग्लादेश यांच्यात T-20 मध्ये एकूण 12 सामने खेळले गेले आहेत. श्रीलंकेने 12 पैकी 8 तर बांगलादेशने फक्त 4 सामने जिंकले आहेत.

खेळपट्टीचा अहवाल

हा सामना दुबईच्या खेळपट्टीवर होणार असून यापूर्वी भारताने आशिया कपचे दोन्ही सामने दुबईच्या खेळपट्टीवर खेळले आहेत. दोन्ही सामन्यांमध्ये खेळपट्टीमुळे वेगवान गोलंदाजांना मदत झाली आहे. जर वेगवान गोलंदाज सुरुवातीच्या षटकात चेंडू स्विंग करू शकले, तर समोरच्या फलंदाजांना त्याचा सामना करणे कठीण जाणार आहे.. या खेळपट्टीत वेगवान गोलंदाजांसाठी बाउन्स देखील चांगला आहे, परंतु याचा फायदा फलंदाजालाही होवू शकतो. . बॅकफूटवर खेळणारा कोणताही फलंदाज या खेळपट्टीच्या उसळीचा फायदा घेऊ शकतो.

दुबई स्टेडियममध्ये काय खास आहे!

गेल्या 2 वर्षात दुबई इंटरनॅशनल स्टेडियमवर 16 टी-20 सामने खेळले गेले आहेत. यामध्ये, धावांचा पाठलाग करणाऱ्या संघाने 14 वेळा विजय मिळवला आहे आणि पहिल्यांदा फलंदाजी करणाऱ्या संघाने केवळ दोन वेळा विजय मिळवला आहे.

T-20 विश्वचषक 2021 मध्ये, न्यूझीलंडने पहिल्यांदा फलंदाजी करताना स्कॉटलंडचा 16 धावांनी पराभव केला. या सामन्यानंतर दुबईच्या खेळपट्टीवर 8 सामने खेळले गेले आणि 7 सामन्यांमध्ये धावांचा पाठलाग करणाऱ्या संघाने विजय मिळवला.

7 सामन्यांच्या दीर्घ कालावधीनंतर भारताने आशिया चषक स्पर्धेत प्रथम फलंदाजी करताना हाँगकाँगचा पराभव केला.

श्रीलंका आणि बांग्लादेशचे प्लेइंग XI

दोन्ही संघांनी आपला शेवटचा सामना अफगाणिस्तानकडून गमावला आहे. अशा स्थितीत दोन्ही संघात बदल पाहायला मिळू शकतात.

बांग्लादेश प्लेइंग इलेव्हन: 1. मोहम्मद नईम, 2. अनामूल हक, 3. शकीब अल हसन (क), 4. मुशफिकुर रहीम (क), 5. अफिफ हुसैन, 6. महमुदुल्ला, 7. मोसाद्देक हुसेन, 8. महेदी हसन, 9. मोहम्मद सैफुद्दीन तस्किन, 10. अहमद, 11. मुस्तफिजुर रहमान

श्रीलंका प्लेइंग इलेव्हन: 1. पाथुम निसांका, 2. कुसल मेंडिस, 3. चरिता अस्लंका, 4. दानुष्का गुणातिलका, 5. भानुका राजपक्षे, 6. वनिंदू हसरंगा, 7. दासून शनाका (क), 8. चमिका करुणारत्न, 9. महा. थिक्शाना, 10. मथिशा पाथिराना, 11. दिलशान मदुशंका

बातम्या आणखी आहेत...