CSK vs DC फॅंटेसी 11 गाइड:वॉर्नरची बॅट 155 च्या स्ट्राइक रेटने धावा काढत आहे, तर महेश तिक्षणाने घेतल्या आहेत 11 विकेट

दुहेरी हेडरचा दुसरा सामना रविवारी CSK आणि DC यांच्यात होणार आहे. डीवाय पाटील स्टेडियम, मुंबई येथे संध्याकाळी 7.30 वाजता हा सामना होणार आहे. दिल्ली 10 सामन्यांत 5 विजयांसह गुणतालिकेत पाचव्या स्थानावर आहे, तर चेन्नई 10 सामन्यांत केवळ 3 विजयांसह स्पर्धेतून बाहेर आहे.

अशा स्थितीत चेन्नई दिल्लीसमोर कशी कामगिरी करते हे पाहणे उत्सुकतेचे ठरणार आहे. दोन्ही संघांकडे बरेच मातब्बर खेळाडू आहेत ज्यांच्याकडे सामन्याचा मार्ग बदलण्याची क्षमता आहे. अशा परिस्थितीत कोणते खेळाडू संघात समाविष्ट करून अधिक फॅंटेसी गुण मिळवू शकतात ते पाहूया.

विकेटकीपर

ऋषभ पंत चांगल्या फॉर्ममध्ये दिसला पण त्याला त्याची सुरुवात मोठ्या डावात करता आली नाही. संघाला प्लेऑफमध्ये नेण्याची सर्व जबाबदारी पंतवर आहे. अशा स्थितीत तो चेन्नईविरुद्ध चमकदार कामगिरी करू शकतो. महेंद्रसिंग धोनी मधल्या फळीत काही मोठे फटके खेळत आहे, जर त्याने थोडे आधी येऊन खेळले तर त्याला अधिक चेंडू खेळायला मिळतील आणि ते दिल्लीला घातक ठरु शकेल.

फलंदाज

डेव्हिड वॉर्नर, रॉबिन उथप्पा आणि रोव्हमन पॉवेल हे फलंदाज म्हणून झळकले. सनरायझर्सविरुद्ध नाबाद ९२ धावांची धडाकेबाज खेळी करणारा वॉर्नर आक्रमक फलंदाजी करत आहे. तो चेन्नईच्या गोलंदाजांना खिंडार पाडू शकतो. रॉबिन उथप्पाने एका डावात षटकारांचा पाऊस पाडून दाखवून दिले की त्याच्यात अजूनही फॉर्म मध्ये आहे. SRH विरुद्ध नाबाद 67 धावांच्या खेळीत 6 उंच षटकार मारणारा रोव्हमन पॉवेल आपल्या फलंदाजीने सामन्याचा मार्ग बदलू शकतो.

अष्टपैलू

मोईन अली आणि अक्षर पटेल हे अष्टपैलू खेळाडू म्हणून संघासाठी मोठे योगदान देऊ शकतात. मोईन चांगलाच फॉर्म मध्ये तरी दिसतोय, पण या मोसमात तो एकही संस्मरणीय खेळी खेळू शकलेला नाही. आता संघ बाद झाल्याने तो दिल्लीच्या गोलंदाजांविरुद्ध कोणत्याही दबावाशिवाय आक्रमक क्रिकेट खेळू शकतो.

अक्षर पटेलने याआधीच मुंबईविरुद्धच्या सामन्यात फलंदाजी करत सामना संपवला होता. याशिवाय तो उत्कृष्ट गोलंदाजीही करत आहे. अक्षर हा गेम चेंजर पण ठरु शकेल.

गोलंदाज

कुलदीप यादव, शार्दुल ठाकूर, मुकेश चौधरी आणि महेश तिक्षणा गोलंदाज म्हणून खूप चांगले गुण देऊ शकतात. कुलदीपबद्दल असे बोलले जात होते की त्याचे करिअर आणि आता जवळपास संपले आहे. भारतीय संघातून व नंतर कोलकाता नाईट रायडर्समधून वगळलेल्या या खेळाडूने दिल्लीसाठी सर्वाधिक चांगली गोलंदाजी केली आहे.

शार्दुल फलंदाजी आणि गोलंदाजीत चांगली कामगिरी करू शकतो. मुकेश चौधरी उत्कृष्ट गोलंदाजीचे उदाहरण देत आहेत. तो विकेट घेऊ शकतो. महेश तिक्षणाच्या गोलंदाजीने दिग्गज फलंदाजांवरही छाप टाकली आहे. तो आणखी एक संस्मरणीय जादू करू शकतो.