आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कोहली आणि पंतला सुटी:वेस्ट इंडिजविरुद्धच्या दुसऱ्या टी-20 मध्ये अर्धशतक करणाऱ्या कोहली, पंतला BCCI ने दिला ब्रेक

6 महिन्यांपूर्वी
  • कॉपी लिंक

भारताचा माजी कर्णधार विराट कोहली आणि यष्टिरक्षक फलंदाज ऋषभ पंतला बीसीसीआयने ब्रेक दिला आहे. पंत श्रीलंकेविरुद्धच्या टी-20 मालिकेतही खेळणार नाही. दोघेही घरी गेले आहेत. कोहली आणि पंत यांना 10 दिवसांची विश्रांती देण्यात आली आहे. या दोन्ही खेळाडूंनी दुसऱ्या T20 मध्ये शानदार अर्धशतके झळकावली होती, त्यामुळे टीम इंडियाला विजय मिळाला.

याआधी शुक्रवारी, असे वृत्त आले होते की कोहली 24 फेब्रुवारीपासून सुरू होणाऱ्या श्रीलंकेविरुद्धच्या तीन सामन्यांच्या टी-20 मालिकेतही सहभागी होणार नाही. ही मालिका लखनऊमध्ये सुरू होणार आहे. यानंतर उर्वरित दोन सामने 26 आणि 27 फेब्रुवारी रोजी धर्मशाला येथे होणार आहेत.

खेळाडूंना बायो बबलमधून मिळणार ब्रेक
बीसीसीआयच्या एका वरिष्ठ अधिकाऱ्याने सांगितले की, “कोहली शनिवारी सकाळी त्याच्या घरी गेला. भारताने याआधीच सिरीज जिंकली आहे. बीसीसीआयने निर्णय घेतला होता की सर्व फॉरमॅटमध्ये खेळणाऱ्या नियमित खेळाडूंना त्यांचा वर्कलोड मॅनेज करण्यासाठी आणि त्यांच्या मानसिक आरोग्याची काळजी घेण्यासाठी वेळोवेळी बायो बबलमधून ब्रेक दिला जाईल.

वेस्ट इंडिजविरुद्धच्या दुसऱ्या सामन्यात कोहलीने शानदार अर्धशतक झळकावले. त्याचवेळी पंतने 28 चेंडूत 52 धावा केल्या होत्या. दुसऱ्या सामन्यातही ऋषभ सामनावीर ठरला.

24 फेब्रुवारीपासून टी-20 मालिका सुरू होणार आहे
बीसीसीआयने टीम इंडिया आणि श्रीलंका यांच्यातील टी-20 आणि कसोटी मालिकेचे वेळापत्रक आधीच जाहीर केले आहे. श्रीलंका संघाच्या दौऱ्याची सुरुवात 24 फेब्रुवारीपासून लखनऊमध्ये पहिल्या टी-20 सामन्याने होणार आहे. मोहाली येथे ४ मार्चपासून दोन सामन्यांच्या कसोटी मालिकेला सुरुवात होणार आहे. माजी कर्णधार विराट कोहली आपला 100 वा कसोटी सामना मोहालीत खेळणार आहे.

बातम्या आणखी आहेत...