आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Former Cricketer Kapil Dev Interview; Virat Kohli, Hardik Pandya, Rishabh Pant, Kapil Dev's Statement On Kohli's Form: No Need To Score A Century To Get In Form, Virat Just Needs A Strong Innings

कोहलीच्या फॉर्मवर कपिल देवचे वक्तव्य:फॉर्म मिळवण्यासाठी शतकाची आवश्यकता नाही, विराटला फक्त दमदार खेळीची गरज

एका महिन्यापूर्वी
  • कॉपी लिंक

भारताचा माजी कर्णधार कपिल देव म्हणाला की, विराट कोहलीला पुन्हा फॉर्ममध्ये येण्यासाठी बराच वेळ लागत आहे. त्याच्यासारख्या दिग्गजाला फॉर्ममध्ये येण्यासाठी इतका वेळ लागू नये.

लिजेंड्स लीग क्रिकेट सामना 16 सप्टेंबर रोजी कोलकाता येथे होणार असून यात भारतीय महाराजा आणि उर्वरित जागतिक संघ यांच्यात होणार आहे. BCCI चे अध्यक्ष गांगुली महाराजा संघाचे नेतृत्व करणार आहेत. या सामन्यातून मिळणारी कमाई कपिल देवच्या NGO ला जाणार आहे. ही NGO मुलींच्या शिक्षणावर काम करते.

कपिल म्हणाला की, देशात महिलांच्या क्रीडा क्षेत्रात काम करण्याची गरज आहे. महिला खेळाडू अनेक खेळांमध्ये चांगली कामगिरी करत आहेत. त्यांना आमच्या पाठिंब्याची गरज आहे.

कोहलीला फॉर्ममध्ये यायला एवढा वेळ लागू नये

कोहलीने गेल्या 3 वर्षांपासून कोणत्याही फॉरमॅटमध्ये शतक झळकावलेले नाही. त्याच्या खराब फॉर्मवर कपिल म्हणाला, 'कोहलीसारख्या दिग्गजाला फॉर्ममध्ये यायला इतका वेळ लागू नये. फॉर्म मिळविण्यासाठी त्याला शतकच करावे असे काही नाही. त्याला फक्त एक दमदार खेळी खेळायची आवश्यकता आहे.

पंड्याच्या टीममध्ये परत येण्याने संघ अधिक मजबूत

कपिल म्हणाला, 'हार्दिकच्या संघात पुनरागमन आणि त्याच्या फॉर्ममुळे भारतीय संघ खूप मजबूत झाला आहे. जडेजाबाबतही मी तेच सांगेन. दोघेही उत्कृष्ट गोलंदाज आणि फलंदाज तसेच उत्कृष्ट फ्लिडरपण आहेत.

कर्णधारपदासाठी जास्त प्रयोग धोकादायक

कपिल म्हणाला, 'कर्णधारपदात इतके प्रयोग करू नयेत. कर्णधारपदात सर्वोत्तम पर्यायाचा वापर केला पाहिजे. एकीकडे तूम्ही पंतला कर्णधार बनवता आणि दुसरीकडे आशिया चषकात प्लेइंग-11 मध्येही घेतल्या जात नाही. हा कोणत्या प्रकारचा प्रयोग आहे? यामुळे खेळाडूच्या खेळाच्या गुणवत्तेवर परिणाम होतो

बातम्या आणखी आहेत...