आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Who Will Get England Ticket ?: Rahul's Fitness Test Today; If Passed, England, If Not, Mayank Will Get A Chance

कोणाला मिळणार इंग्लंडचे तिकीट?:राहुलची आज फिटनेस चाचणी; पास झाला तर इंग्लंडला, नाही तर मिळणार मयंकला संधी

8 दिवसांपूर्वी
  • कॉपी लिंक

आज लोकेश राहुलची फिटनेस चाचणी होणार आहे. ही टीम इंडियाच्या फिटनेसचीही कसोटी ठरणार आहे. यावर जुलैच्या पहिल्या आठवड्यात बर्मिंगहॅम येथे होणाऱ्या कसोटीत भाग घेणाऱ्या टीम इंडियाची अनेक समीकरणे अवलंबून असतील.

राहुल फिटनेस टेस्ट पास झाला तर तो इंग्लंडला जाईल आणि नाही झाला तर मयंक अग्रवालला इंग्लंडचं तिकीट मिळेल. एवढेच नाही तर राहुलच्या अनुपस्थितीत टीम इंडियाचा कर्णधार ऋषभ पंत जो सध्या दक्षिण आफ्रिकेविरुद्ध टी-20 मालिका खेळत आहे, त्याला कसोटी संघाचा उपकर्णधार बनवण्यात येणार आहे.

इंग्लंड कसोटी सामन्यात सलामीवीर फलंदाज मयंक अग्रवाल जखमी लोकेश राहुलच्या जागी टीम इंडियात आणि ऋषभ पंतला रोहित शर्माचा उपकर्णधार बनवल्याचा दावा काही माध्यमांनी केला आहे. लोकेश राहुलला स्टँड बाय ठेवण्यात आले आहे.

रोहित शर्मा, विराट कोहली आणि इतर आधीच लंडनला पोहोचले आहेत. रोहितच्या नेतृत्वाखालील संघ कसोटीपूर्वी काही सराव सामने खेळणार आहे.

बोर्डाने संघ व्यवस्थापनाला विचारले - राहुलच्या बदलीची गरज आहे का?

सूत्रांवर विश्वास ठेवला तर, BCCI ने संघ व्यवस्थापनाला राहुलच्या बदलीची गरज आहे का, अशी विचारणा केली आहे. याचे उत्तर 19 तारखेपर्यंत उत्तर मिळावे अशी अपेक्षा आहे. अशा स्थितीत मयंक दुसऱ्या तुकडीसह ब्रिटनला जाणार आहे, मात्र अद्याप ते निश्चित झालेले नाही.

राहुलने चार सामन्यांत केल्या आहेत 313 धावा.

लोकेश राहुलने या मालिकेतील पहिल्या चार सामन्यांमध्ये 39.37 च्या सरासरीने 313 धावा केल्या आहेत. यात एक शतक आणि एका अर्धशतकाचा समावेश आहे. लॉर्ड्सवरील दुसऱ्या कसोटीच्या पहिल्या डावात राहुलने 129 धावा केल्या. याआधी त्याने नॉटिंगहॅममधील सलामीच्या कसोटीच्या पहिल्या डावात 84 धावा केल्या होत्या.

त्याचवेळी मयंक अग्रवाल मार्चमध्ये श्रीलंकेविरुद्ध शेवटची कसोटी खेळला होता. त्याने पहिल्या डावात 4 तर दुसऱ्या डावात 22 धावा केल्या. त्याच्या एकूण कसोटी कारकिर्दीबद्दल बोलायचे झाल्यास, मयंक अग्रवालने 21 सामन्यांत 41.33 च्या सरासरीने 1,488 धावा केल्या आहेत.

भारताचा कसोटी संघ:

रोहित शर्मा (क), शुभमन गिल, विराट कोहली, श्रेयस अय्यर, हनुमा विहारी, चेतेश्वर पुजारा, ऋषभ पंत (विकेटकीपर), केएस भरत (विकेटकीपर), रवींद्र जडेजा, रविचंद्रन अश्विन, शार्दुल ठाकूर, मोहम्मद शमी, जसप्रीत बुमराह, मोहम्मद सिराज , उमेश यादव , प्रसिद्ध कृष्णा. स्टँडबाय: मयंक अग्रवाल.

बातम्या आणखी आहेत...