आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

अक्षरला शेवटचे षटक देताना पंड्या म्हणाला:मला संघाला कठीण परिस्थितीत ठेवायचे आहे, जेणेकरून मोठ्या सामन्यांत आम्हाला मदत होईल

एका महिन्यापूर्वी
  • कॉपी लिंक

भारताने मंगळवारी शेवटच्या षटकात श्रीलंकेविरुद्धचा रोमहर्षक सामना 2 धावांनी जिंकला. यासह पंड्याच्या नेतृत्वाखाली टीम इंडियाने सलग सहावा टी-20 सामना जिंकला. तीन टी-20 मालिकेत भारताने 1-0 ने आघाडी घेतली आहे.

शेवटच्या षटकात श्रीलंकेला विजयासाठी 13 धावांची गरज होती. अशा परिस्थितीत पंड्याने शेवटची षटक स्वतः करण्याऐवजी स्पिनर अक्षर पटेलला दिली. याचे कारण त्याने सामना झाल्यानंतर सांगीतले की त्याला टीमला कठीण परिस्थितीत सामना करण्यासाठी तयार करावयाचे होते, जेने करून संघाला मोठ्या सामन्यामध्ये मदतच होईल.

मालिकेतील दुसरा सामना 5 जानेवारीला पुण्यात होणार आहे. नाणेफेक हारल्यानंतर टीम इंडियाने प्रथम फलंदाजी करत 162 धावा केल्या. यानंतर लक्ष्याचा पाठलाग करताना श्रीलंकेला केवळ 160 धावाच करता आल्या.

अक्षरने दाखवली अष्टपैलू कामगिरी

भारतीय संघाचा अष्टपैलू खेळाडू अक्षर पटेलने अष्टपैलू कामगिरी केली. भारताने 14.1 षटकात 94 धावांवर 5 विकेट गमावल्या होत्या. अशा परिस्थितीत दीपक हुडा आणि अक्षर पटेल यांनी 35 चेंडूत 68 धावांची भागीदारी केली.

या भागीदारीच्या जोरावर भारतीय संघाला 162 धावा करता आल्या. अक्षरने 20 चेंडूत नाबाद 31 धावा केल्या. अक्षरला चेंडूवर एकही बळी घेता आले असले तरी अखेरच्या षटकात 13 धावा वाचवून तो सामन्याचा हिरो ठरला. त्याने 3 षटकात 31 धावा देऊन आपला स्पेल संपवला.

भारताने घरच्या मैदानावर सलग सहाव्यांदा श्रीलंकेचा टी-20 सामन्यात पराभव केला.
भारताने घरच्या मैदानावर सलग सहाव्यांदा श्रीलंकेचा टी-20 सामन्यात पराभव केला.

विजय आणि पराभव हा खेळाचा भाग आहे – पंड्या

श्रीलंका मालिकेतील भारतीय संघाचा कर्णधार हार्दिक पंड्याने सामन्यानंतर सांगितले की, आम्ही शेवटच्या षटकात सामना गमावू शकलो असतो. पण हे सर्व खेळाचा भाग आहे. मला या संघाला कठीण परिस्थितीत ठेवायचे आहे.

त्यामुळे आम्हाला मोठ्या सामन्यांमध्ये मदत होईल. आम्ही द्विपक्षीय मालिकेत चांगले आहोत आणि आम्ही येथे स्वतःला आव्हान देत आहोत. पहिला सामना पूर्णपणे युवा खेळाडूंच्या नावावर होता.

ईशानला सोडून... टॉप ऑर्डर फ्लॉप

श्रीलंकेविरुद्ध ईशान वगळता भारताची टॉप ऑर्डर फ्लॉप झाली. श्रीलंकेच्या गोलंदाजांनी गिल, सूर्या आणि सॅमसन यांना मोकळेपणाने खेळण्याची संधी दिली नाही.

2022 मध्ये भारतासाठी सर्वाधिक धावा करणारा सूर्यकुमार यादव 7 धावा करून बाद झाला. पदार्पण करत असलेल्या शुभमन गिललाही पॉवरप्लेमध्ये महिष तिक्षनाच्या चेंडूवर एलबीडब्ल्यू झाला. त्याचवेळी संघात पुनरागमन करणारा संजू सॅमसन 6 चेंडूत 5 धावा करून बाद झाला.

बातम्या आणखी आहेत...