ICC T-20 टीम ऑफ द इयरमध्ये तीन भारतीय:विराट, सूर्या आणि हार्दिक; वर्ल्ड चॅम्पियन इंग्लंड आणि पाकिस्तानचे 2-2 खेळाडू

इंटरनॅशनल क्रिकेट कौन्सिल (ICC) ने 2022 साठी ICC पुरुष T-20 टीम ऑफ द इयर जाहीर केली आहे. सोमवारी जाहीर झालेल्या या संघात तीन भारतीय खेळाडूंना स्थान मिळाले आहे. वर्ल्ड चॅम्पियन इंग्लंड आणि पाकिस्तानच्या 2-2 खेळाडूंची निवड करण्यात आली आहे.

आश्चर्याची बाब म्हणजे या संघात एकाही ऑस्ट्रेलियन क्रिकेटपटूला स्थान मिळालेले नाही. त्याचबरोबर झिम्बाब्वे-आयर्लंडकडून प्रत्येकी एका खेळाडूची निवड करण्यात आली आहे.

भारताचा माजी कर्णधार विराट कोहली, स्फोटक फलंदाज सूर्यकुमार यादव आणि अष्टपैलू हार्दिक पंड्या यांचा या संघात समावेश करण्यात आला आहे. त्याचबरोबर वर्ल्ड चॅम्पियन इंग्लंडच्या जोस बटलरला संघाचे कर्णधार बनवण्यात आले आहे.

T-20 विश्वचषकातील खेळाडूंच्या यादीत सॅम करण हा इंग्लंडचा दुसरा खेळाडू आहे. पाकिस्तानच्या मोहम्मद रिझवान आणि हारिस राउफ यांची निवड करण्यात आली आहे. बाबर आझम यांना स्थान मिळालेले नाही. झिम्बाब्वेचा सिकंदर रझा आणि आयर्लंडचा जोशुआ लिटल यांचाही संघात समावेश करण्यात आला आहे.

2022 या वर्षी केलेल्या कामगिरीच्या आधारावर संघ निवडला

T20 आंतरराष्ट्रीय क्रिकेटमधील खेळाडूंच्या कामगिरीच्या आधारे ICC ने 2022 मध्ये या 11 सदस्यीय संघाची निवड केली आहे.

आता पाहा ग्राफिक्सच्या माध्यमातून निवडक खेळाडूंची कामगिरी...

ICC महिला T-20 संघातील 4 भारतीय

परिषदेने पुरुषांसह ICC महिला T-20 संघाचीही घोषणा केली. या संघात 4 भारतीय महिला खेळाडूंना संधी मिळाली आहे. यामध्ये स्मृती मानधना, दीप्ती शर्मा, ऋचा घोष आणि रेणुका सिंह ठाकूर यांचा समावेश आहे. न्यूझीलंडच्या सोफी डिव्हाईनला या संघाचे कर्णधार बनवण्यात आले आहे.

ICC चा T-20 महिला संघ ऑफ द इयर-2022 पाहा

स्मृती मानधना (भारत), बेथ मुनी (ऑस्ट्रेलिया), सोफी डिव्हाईन (न्यूझीलंड), ऍशले गार्डनर (ऑस्ट्रेलिया), निदा धर (पाकिस्तान), दीप्ती शर्मा (भारत), रिचा घोष (भारत), सोफी एक्लेस्टोन (इंग्लंड), इनोका रणवीरा (श्रीलंका), रेणुका सिंग ठाकूर (भारत).