ईशान, हुड्डा आणि पंड्या यांना उत्कृष्ट कामगिरीचे मिळाले बक्षीस:टी-20 ICC क्रमवारीत ईशानला 10 आणि दीपकला 40 स्थानांचा फायदा

ईशान किशन आणि दीपक हुडा यांना मंगळवारी श्रीलंकेविरुद्धच्या 3 टी-20 मालिकेतील पहिल्या सामन्यात खेळलेल्या त्यांच्या शानदार खेळीचे बक्षीस मिळाले आहे. गुरुवारी, आंतरराष्ट्रीय क्रिकेट परिषदेने जाहीर केलेल्या T20I च्या जागतिक क्रमवारीत सुधारणा झाली आहे.

सलामीवीर ईशान किशनला 10 स्थानांचा फायदा झाला आहे. तर दीपक हुड्डा 40 स्थानांचा फायदा झाला आहे. गोलंदाजांच्या क्रमवारीत अष्टपैलू हार्दिक पंड्यानेही 9 स्थानांची प्रगती केली आहे.

मुंबईत झालेल्या पहिल्या सामन्यात ईशान किशनने भारतीय संघाला शानदार सुरुवात करून दिली. त्याने 29 चेंडूत 37 धावा केल्या. या खेळीत त्याने 3 चौकार आणि 2 षटकारही मारले. या खेळीमुळे तो जागतिक क्रमवारीत सुधारणा करू शकला आहे.

त्याने 33व्या स्थानावरून 23व्या स्थानावर 10 स्थानांची झेप घेतली आहे. दुसरीकडे, सामनावीर ठरलेल्या दीपक हुड्डाला 40 स्थानांचा फायदा झाला आहे. तो 97 व्या स्थानावर पोहोचला आहे. त्याने पहिल्या सामन्यात 23 चेंडूत नाबाद 41 धावा केल्या होत्या.

तसेच हार्दिक पंड्याच्या गोलंदाजीच्या क्रमवारीत सुधारणा झाली आहे. त्याला 9 स्थानांचा फायदा झाला आहे. तो 76 व्या स्थानावर पोहोचला आहे.

कसोटी क्रमवारी: बुमराहला एका स्थानाचा फायदा

दुखापतीमुळे बराच काळ संघाबाहेर असलेला बुमराह आणि अश्विनला बुधवारी जाहीर झालेल्या कसोटी क्रमवारीत प्रत्येकी एक स्थानाचा फायदा मिळाला. गोलंदाजी क्रमवारीत बुमराह तिसऱ्या तर अश्विन चौथ्या क्रमांकावर पोहोचला आहे.

द. आफ्रिकेचा कागिसो रबाडा तीन स्थानांनी घसरून सहाव्या स्थानावर आला आहे. फलंदाजीत ऑस्ट्रेलियाचा स्मिथ एका स्थानाने दुसऱ्या स्थानावर तर विल्यमसनने दोन स्थानांनी प्रगती करत पाचव्या स्थानावर पोहोचले आहे.