तिसऱ्या वनडे सामन्यात 20 विक्रम:1214 दिवसांनी 'विराट'चे वनडे शतक, बांगलादेशचा अनोखा पराभव, ईशानने रचला इतिहास

ईशान किशनच्या द्विशतकाच्या जोरावर भारताने तिसऱ्या वनडे सामन्यात बांगलादेशचा 227 धावांनी पराभव केला. 3 सामन्यांची मालिका बांगलादेशने 2-1 ने आपल्या नावावर केली. पण, तिसऱ्या सामन्यात विराट आणि किशनने मिळून 17 विक्रम मोडले. टीम इंडिया आणि बांगलादेशने या काळात काही विक्रमही केले.

यामध्ये सर्वात वेगवान द्विशतक, सर्वात मोठी भागीदारी आणि बांगलादेशवर भारताचा सर्वात मोठा विजय यासह 21 विक्रमांचा समावेश आहे. या विषयी आपण या बातमीत पुढे जाणून घेणार आहोत.

सर्वप्रथम, वनडेमध्ये आतापर्यंत कोणत्या खेळाडूंनी द्विशतके झळकावली आहेत ते पहा...

1. पहिले शतक ठरले द्विशतक

ईशान किशनने 131 चेंडूत 210 धावा केल्या. वनडे कारकिर्दीतील 10 सामन्यांमधील त्याचे हे पहिले शतक ठरले. ज्याचे त्याने द्विशतकात रूपांतर केले. अशी कामगिरी करणारा तो पहिला खेळाडू ठरला. झिम्बाब्वेच्या चार्ल्स कॉव्हेंट्रीने त्याचे पहिलेच शतक 194* काढले होते. भारताच्या कपिल देवने आपल्या पहिल्या वनडे शतकाचे 175* धावांमध्ये रूपांतर केले होते.

2. बांगलादेशविरुद्ध पहिले द्विशतक

ईशानने बांगलादेशविरुद्ध द्विशतक ठोकले. बांगलादेशापूर्वी श्रीलंका-झिम्बाब्वे-वेस्ट इंडिजमध्ये 2-2 आणि ऑस्ट्रेलिया-दक्षिण आफ्रिकेत 1-1 द्विशतके होती. ईशानने द्विशतक झळकावून बांगलादेशचे नावही या यादीत जोडले.

ईशानच्या 210 धावापूर्वी बांगलादेशविरुद्ध सर्वाधिक धावा करण्याचा विक्रम झिम्बाब्वेच्या चार्ल्स कॉव्हेंट्रीच्या नावावर होता. 2009 मध्ये त्याने 194* धावांची खेळी केली होती.

3. सर्वात वेगवान द्विशतक

ईशान किशनने 126 चेंडूत द्विशतक पूर्ण केले. यासोबतच त्याने वनडे आंतरराष्ट्रीय क्रिकेटमध्ये सर्वात जलद द्विशतक करण्याचा विक्रमही केला.

त्याच्या आधी वेस्ट इंडिजच्या ख्रिस गेलने 2015 च्या वनडे विश्वचषकात झिम्बाब्वेविरुद्ध 138 चेंडूत द्विशतक झळकावले होते. त्याचबरोबर महिला क्रिकेटमध्ये 134 चेंडूत द्विशतक झळकावण्याचा विक्रम न्यूझीलंडच्या अमेलिया केरच्या नावावर आहे.

4. सर्वात तरुण डबल सेंच्युरियन

ईशान किशनने 24 वर्षे 145 दिवस वयाच्या 210 धावांची इनिंग खेळली. यासह तो द्विशतक झळकावणारा सर्वात तरुण आंतरराष्ट्रीय खेळाडू ठरला. त्याने भारताच्या रोहित शर्माचा विक्रम मोडला. रोहितने 2013 मध्ये वयाच्या 26 वर्षे 186 दिवसांत ऑस्ट्रेलियाविरुद्ध 209 धावा केल्या होत्या.

5. कमीत कमी डावात दुहेरी शतक

ईशान किशनने त्याच्या वनडे कारकिर्दीतील 9व्या डावातच द्विशतक ठोकले. त्याच्या आधी पाकिस्तानच्या फखर जमानने 16व्या डावात द्विशतक झळकावले होते. भारताकडून रोहित शर्माने 103, वीरेंद्र सेहवागने 234 आणि सचिन तेंडुलकरने 431व्या डावात द्विशतक झळकावले.

6. बांगलादेशातील पहिले द्विशतक

बांगलादेशच्या भूमीवर ईशानपुढे कोणत्याही फलंदाजाला 185 धावा ओलांडता आल्या नाहीत. येथे एका डावात 200 पेक्षा जास्त धावा करणारा तो पहिला खेळाडू ठरला. बांगलादेशात त्याच्याशिवाय शेन वॉटसनने 185*, विराट कोहलीने 183, लिटन दासने 176 आणि वीरेंद्र सेहवागने 175 धावा केल्या.

7. सर्वात वेगवान 150

ईशानने 103 चेंडूत 150 धावा पूर्ण केल्या. कमीत कमी चेंडूत त्याने हा टप्पा गाठला. त्याच्या आधी वीरेंद्र सेहवागच्या नावावर 112 चेंडूत 150 धावा करण्याचा विक्रम आहे. दक्षिण आफ्रिकेच्या एबी डिव्हिलियर्सच्या नावावर 16 चेंडूत 50 धावा आणि 31 चेंडूत 100 धावा करण्याचा विक्रम आहे. सर्वात जलद 250 धावा करण्याचा विक्रम भारताच्या रोहित शर्माच्या नावावर आहे.

8. 35 व्या षटकातच दुहेरी शतक

ईशानने डावाच्या 35व्या षटकातच आपले द्विशतक पूर्ण केले. षटकांच्या बाबतीत त्याने सेहवागचा विक्रम मोडला. सेहवागने 2011 मध्ये वेस्ट इंडिजविरुद्ध 43.3 षटकात द्विशतक पूर्ण केले होते. ईशानही 36व्या षटकातच बाद झाला. सामन्यानंतर त्याने सांगितले की, मी 300 धावा करण्याचा विचार करत आहे.

9. चौकारावरून केल्या 156 धावा

ईशानने 210 धावांच्या खेळीत 24 चौकार आणि 10 षटकार मारले. अशा प्रकारे त्याने चौकारावरच 156 धावा केल्या. वनडे सामन्यांच्या एका डावात चौकारांवरून सर्वाधिक धावा करण्याचा विक्रम भारताच्या रोहित शर्माच्या नावावर आहे.

त्याने 2014 मध्ये श्रीलंकेविरुद्ध चौकारावर 186 धावा केल्या होत्या. त्याच्यानंतर न्यूझीलंडच्या मार्टिन गुप्टिलने 2015 मध्ये वेस्ट इंडिजविरुद्ध चौकारावर 162 धावा केल्या होत्या. या यादीत ईशान तिसऱ्या क्रमांकावर आहे.

10. 1214 दिवसांनी विराटचे शतक

विराट कोहलीने तिसऱ्या वनडेतही शतक झळकावले. त्याने 91 चेंडूत 113 धावा केल्या. हे त्याच्या वनडे कारकिर्दीतील 44 वे शतक आहे, जे त्याने 1214 दिवसांनंतर केले. विराटने 14 ऑगस्ट 2019 रोजी वेस्ट इंडिजविरुद्ध शेवटचे शतक झळकावले.

11. विराटने पाँटिंगला टाकले मागे

तिन्ही फॉरमॅटसह विराट कोहलीच्या नावावर 72 आंतरराष्ट्रीय शतके आहेत. वनडे सामन्यांमध्ये 44, कसोटीत 27 आणि टी-20 आंतरराष्ट्रीय सामन्यांमध्ये एक शतक आहे. तिसऱ्या वनडेतील शतकासह विराटने ऑस्ट्रेलियाच्या रिकी पाँटिंगचा 71 आंतरराष्ट्रीय शतकांचा विक्रम मोडला. सचिन तेंडुलकरने आंतरराष्ट्रीय क्रिकेटमध्ये सर्वाधिक 100 शतके झळकावली आहेत.

12. सांघिक विजयात 50 वे शतक

संघाने विराटच्या 72 आंतरराष्ट्रीय शतकांपैकी 50 सामन्यात विजय मिळवला. संघाच्या विजयात सर्वाधिक आंतरराष्ट्रीय शतके झळकावण्यात तेंडुलकर आणि पाँटिंग त्यांच्यापेक्षा पुढे आहेत. संघाच्या विजयात सचिनने 53 आणि पॉन्टिंगने 55 शतके झळकावली आहेत.

13. बांगलादेशविरुद्ध विराटची सर्वाधिक धावसंख्या

विराटच्या तिन्ही फॉरमॅटसह बांगलादेशविरुद्धच्या 19 सामन्यांमध्ये 1392धावा केल्या होत्या. तिसर्‍या वनडे सामन्यात शतक झळकावल्याने तो बांगलादेशविरुद्ध भारताकडून सर्वाधिक धावा करणारा खेळाडू ठरला. त्याच्यानंतर सचिन तेंडुलकरने 19 सामन्यांत 1316 धावा केल्या आहेत.

14. बांगलादेशात सर्वाधिक धावा

113 धावांच्या खेळीसह विराटने बांगलादेशमध्ये 1097 वनडे धावा पूर्ण केल्या. यासह तो बांगलादेशातील कोणत्याही परदेशी खेळाडूने वनडेमध्ये सर्वाधिक धावा करणारा खेळाडू ठरला.

त्याच्यापाठोपाठ श्रीलंकेचा कुमार संगकारा आणि झिम्बाब्वेचा ब्रेंडन टेलर यांचा क्रमांक लागतो. संगकाराने 21 सामन्यात 1045 धावा केल्या असून टेलरने 33 सामन्यात 874 धावा केल्या आहेत.

15. बांगलादेशविरुद्ध सर्वात मोठी भागीदारी

ईशान किशन आणि विराट कोहली यांनी दुसऱ्या विकेटसाठी 190 चेंडूत 290 धावांची भागीदारी केली. वनडेत बांगलादेशविरुद्धची ही आतापर्यंतची सर्वात मोठी भागीदारी आहे. दक्षिण आफ्रिकेचा हाशिम आमला आणि क्विंटन डी कॉक यांनी 2017 मध्ये बांगलादेशविरुद्ध 282 धावांची नाबाद भागीदारी केली होती.

16. दुसऱ्या विकेटसाठी भागीदारी

कोहली-किशनची 290 धावांची भागीदारी ही दुसऱ्या विकेटसाठीची चौथी सर्वोच्च भागीदारी आहे. या यादीत विंडीजचे गेल आणि सॅम्युअल्स पहिल्या क्रमांकावर आहेत. दोघांनी 2015 मध्ये झिम्बाब्वेविरुद्ध दुसऱ्या विकेटसाठी 372 धावांची भागीदारी केली होती.

दुसऱ्या क्रमांकावर सचिन-द्रविडच्या 331 धावा आणि तिसऱ्या क्रमांकावर गांगुली-द्रविडच्या 318 धावा आहेत.

17. बांगलादेशविरुद्ध प्रथमच 400 चा टप्पा पार केला

बांगलादेशविरुद्धच्या वनडेमध्ये प्रथमच एका संघाने 400 हून अधिक धावा केल्या आहेत. भारतापूर्वी इंग्लंडने 2019 मध्ये बांगलादेशविरुद्ध 4 बाद 391 धावा केल्या होत्या.

बांगलादेशातील ही आतापर्यंतची सर्वात मोठी धावसंख्या आहे. यापूर्वीचा विक्रम फक्त भारताच्या नावावर होता. 2011 मध्ये टीम इंडियाने 4 विकेटवर 370 धावा केल्या होत्या.

18. भारताचा वनडेतील सर्वात मोठा विजय

भारताने बांगलादेशचा 227 धावांनी पराभव केला. बांगलादेशवर भारताचा हा सर्वात मोठा विजय आहे. बांगलादेशचा वनडेतला कोणत्याही संघाविरुद्धचा हा सर्वात मोठा पराभव आहे. यापूर्वी टीम इंडियाने 2003 मध्ये त्यांना 200 धावांनी पराभूत केले होते.

टीम इंडियाचा वनडेतील सर्वात मोठा विजय हा बर्म्युडाविरुद्ध आहे. 2007 मध्ये भारताने बर्म्युडाचा 257 धावांनी पराभव केला होता.

19. भारताने 8 वर्षांनंतर 400 चा टप्पा केला पार

बांगलादेशविरुद्ध 409 धावा करत टीम इंडियाने सहाव्यांदा वनडेत 400 धावांचा टप्पा पार केला. भारताने शेवटचे 2014 मध्ये श्रीलंकेविरुद्ध 404 धावा केल्या होत्या. वनडेमध्ये टीम इंडियाची सर्वात मोठी धावसंख्या 418 धावा आहे.

भारताने 2011 मध्ये वेस्ट इंडिजविरुद्ध ही कामगिरी केली होती. भारताने श्रीलंकेविरुद्ध दोनदा आणि दक्षिण आफ्रिका-बरमुडाविरुद्ध एकदा 400 हून अधिक धावा केल्या आहेत.

20. बांगलादेशच्या नावावर अनोखा विक्रम

एकाच वर्षी कसोटीत 300 धावांनी, वनडेमध्ये 200 आणि T-20 मध्ये 100 धावांनी पराभूत होणारा बांगलादेश हा एकमेव संघ ठरला.

भारताव्यतिरिक्त, एप्रिल 2022 मध्ये दक्षिण आफ्रिकेने त्यांना एका कसोटी सामन्यात 332 धावांनी पराभूत केले. ऑक्टोबरमध्ये झालेल्या टी-20 विश्वचषकादरम्यान दक्षिण आफ्रिकेने टी-20मध्येही त्यांचा 104 धावांनी पराभव केला होता.