सूर्याने खेळला अप्रतिम शॉट...:अल्झारी जोसेफेने टाकला धोकादायक बाउन्सर, सुर्याने गुडघा टेकवत मारला शानदार चौकार

मंगळवारी रात्री भारत-वेस्ट इंडिज सामन्यादरम्यान सूर्य कुमार यादवचा सुपर फ्लेक्झिबल शॉट दिसला. अल्झारी जोसेफच्या धोकादायक बाऊन्सरवर सूर्याने हा फटका मारला. वास्तविक, भारतीय डावाच्या दहाव्या षटकात अल्झारी जोसेफने ऑफ-स्टंपवर शॉर्ट ऑफ लेन्थवर धोकादायक बाउन्सर टाकला.

अशा स्थितीत सूर्याने आपले दोन्ही गुडघे समोर वाकवले आणि शरीराचा वरचा भाग मागे घेत विकेटच्या मागे कट केला आणि चेंडू थर्ड मॅन बाऊंड्रीबाहेर टोलावला गेला.

सूर्याच्या या शॉटचा चाहत्यांनी मनापासून आनंद घेतला. या सामन्यात सूर्याने सलामी करताना 76 धावांची शानदार खेळी केली. 44 चेंडूंच्या या खेळीत सूर्याने 8 चौकार आणि 4 षटकार मारले.

T20I मध्ये सर्वाधिक षटकार मारणारा भारतीय कर्णधार आहे रोहित शर्मा

रोहित शर्मा T20 आंतरराष्ट्रीय क्रिकेटमध्ये सर्वाधिक षटकार मारणारा भारतीय कर्णधार बनला आहे. त्याने विराट कोहलीला मागे टाकले आहे. रोहितने टीम इंडियासाठी कर्णधार म्हणून 60 षटकार ठोकले आहेत. विराट कोहलीने कर्णधार म्हणून 59 षटकार मारले आहेत.

एकूण षटकार मारण्याच्या बाबतीत रोहित (160) हा सर्वाधिक षटकार मारणारा भारतीय क्रिकेटपटू आहे. या बाबतीत तो जगातील दुसऱ्या क्रमांकाचा फलंदाज आहे. त्याच्यापेक्षा मार्टिन गुप्टिलने 169 षटकार ठोकले आहेत. या विक्रमात विराट कोहली (93) 13 व्या क्रमांकावर आहे.

भारताने वेस्ट इंडिजचा 7 विकेट्सने केला पराभव

भारताने तिसऱ्या T20 मध्ये वेस्ट इंडिजचा 7 गडी राखून पराभव केला. यासह भारतीय संघाने पाच सामन्यांच्या टी-20 मालिकेत 2-1 अशी आघाडी घेतली आहे.

प्रथम फलंदाजी करताना वेस्ट इंडिजने 20 षटकांत 5 गडी गमावून 164 धावा केल्या. प्रत्युत्तरात भारतीय संघाने 19 षटकांत तीन गड्यांच्या मोबदल्यात लक्ष्य गाठले.