आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दक्षिण आफ्रिका दौऱ्यासाठी भारतीय संघ जाहीर:रोहित शर्माची वनडे संघाच्या कर्णधारपदी नियुक्ती, कसोटीसाठी 18 खेळाडूंची निवड; रहाणे आणि पुजाराचाही समावेश

2 महिन्यांपूर्वी
  • कॉपी लिंक

भारत आणि दक्षिण आफ्रिका यांच्यात 26 डिसेंबरपासून तीन कसोटी सामन्यांची मालिका खेळवली जाणार आहे. यासाठी टीम इंडियाची घोषणा करण्यात आली आहे. रोहित शर्मा, केएल राहुल, ऋषभ पंत, जसप्रीत बुमराह, मोहम्मद शमी आणि हनुमा विहारी संघात परतले आहेत. यासोबतच रोहित शर्माला वनडे आणि टी-20 संघाचा कर्णधार म्हणूनही घोषित करण्यात आले आहे.

दक्षिण आफ्रिकेने केला आपला संघ घोषित
दक्षिण आफ्रिकेने मंगळवारी त्यांच्या 21 सदस्यीय संघाची घोषणा केली. त्यांचा संघ पुढीलप्रमाणे- डीन एल्गर (कर्णधार), टेंबा बावुमा, क्विंटन डी कॉक, कागिसो रबाडा, सारेल एरवी, बी. हेंड्रिक्स, जॉर्ज लिंडे, केशव महाराज, लुंगी एनगिडी, एडन मार्कराम, वियान मुल्डर, एनरिक नॉर्ट्या, के. पीटरसन, रॅसी व्हॅन डर डुसेन, काइल व्हेरिन, मार्को जॅन्सन, ग्लेंटन स्टरमन, प्रिनेलन सुब्रेन, सिसांडा मॅगाला, रायन रिचेल्टन, डुआन ऑलिव्हियर.

या दौऱ्याची सुरुवात 26 डिसेंबर रोजी सेंच्युरियन येथे कसोटी सामन्याने होणार आहे. त्यानंतर 3 ते 7 जानेवारी दरम्यान जोहान्सबर्गमध्ये दुसरी आणि 11 ते 15 जानेवारी दरम्यान केपटाऊनमध्ये शेवटची कसोटी खेळली जाईल.

भारताची दक्षिण आफ्रिका मालिका का खास आहे?
भारत आणि दक्षिण आफ्रिका यांच्यातील मालिका अशा वेळी होणार आहे जेव्हा दक्षिण आफ्रिका आंतरराष्ट्रीय क्रिकेटमध्ये पुनरागमनाला 30 वर्षे पूर्ण करत आहे. 1970 मध्ये वर्णभेदामुळे दक्षिण आफ्रिकेवर आयसीसीने बंदी घातली होती. 1991 मध्ये जेव्हा दक्षिण आफ्रिकेने आंतरराष्ट्रीय क्रिकेटमध्ये पुनरागमन केले तेव्हा भारत त्याचे यजमानपद मिळवणारा पहिला देश बनला.

दक्षिण आफ्रिकेच्या परराष्ट्र मंत्रालयाने याबाबत सांगितले होते की, '2 जानेवारी 2022 रोजी केपटाऊनमध्ये वर्धापन दिन सोहळा होणार आहे. या कार्यक्रमात दक्षिण आफ्रिका आणि भारत यांच्यातील घट्ट नातेही मांडले जाईल.

बातम्या आणखी आहेत...