आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कोहली मोहालीमध्ये खेळणार 100 वी कसोटी:श्रीलंका मालिकेच्या वेळापत्रकात बदल, 24 फेब्रुवारीपासून सुरू होतोय टी-20 मालिका; पहिली कसोटी आता बंगळुरुत नाही

3 महिन्यांपूर्वी
  • कॉपी लिंक

भारतीय क्रिकेट संघ सध्या वेस्ट इंडिजविरुद्ध खेळल्या जाणाऱ्या देशांतर्गत मर्यादित षटकांच्या मालिकेसाठी तयारी करत आहे. त्यानंतर लगेचच भारताला श्रीलंकेचेही यजमानपद भूषवायचे आहे. यापूर्वी भारत-श्रीलंका कसोटी मालिका 25 फेब्रुवारीपासून सुरू होणार होती, मात्र आता वेळापत्रकात बदल करण्यात आला आहे. त्यामुळे दोन्ही संघांमध्ये पहिली टी-20 मालिका खेळवली जाणार आहे.

त्याचवेळी, दोन सामन्यांच्या कसोटी मालिकेतील पहिला सामना आता 4 ते 8 मार्च दरम्यान बेंगळुरूऐवजी मोहाली येथे होणार आहे. म्हणजेच विराट कोहली आपला 100 वा कसोटी सामना मोहालीच्या मैदानावर खेळणार आहे. बोर्डाने याबाबत अधिकृत घोषणा केलेली नाही.

कोहलीला शंभरव्या कसोटीची प्रतीक्षा
दक्षिण आफ्रिका दौऱ्यावर खेळल्या जाणार्‍या तिसर्‍या कसोटीदरम्यान विराट कोहली आपला 100 वा कसोटी सामना खेळणार होता, मात्र दुखापतीमुळे त्याला दुसऱ्या सामन्यातून बाहेर बसावे लागले, त्यामुळे त्याच्या 100व्या कसोटी सामन्याची प्रतीक्षा वाढली. श्रीलंकेविरुद्धची पहिली कसोटी बंगळुरूमध्येच खेळली असती तर विराटसाठी ती खूप खास ठरू शकली असती.

वास्तविक, भारताचा माजी कर्णधार विराट कोहली आयपीएलमध्ये रॉयल चॅलेंजर्स बंगलोर (RCB) संघाकडून खेळतो आणि त्याला बंगळुरूचे मैदानही आवडते. कोहलीचा जिवलग मित्र आणि आफ्रिकेचा माजी कर्णधार एबी डिव्हिलियर्सनेही बेंगळुरू येथील एम. चिन्नास्वामी स्टेडियमवर 100वी कसोटी खेळली. अशा परिस्थितीत विराटच्या या अविस्मरणीय सामन्याबाबत आरसीबीच्या चाहत्यांमध्ये प्रचंड उत्साह होता.

कोरोनामुळे घेतला निर्णय
दोन्ही संघांच्या खेळाडूंना बायो बबलमध्ये फारसा त्रास होऊ नये म्हणून वेळापत्रकात बदल करण्यात आला आहे. भारत आणि श्रीलंका यांच्यातील 3 सामन्यांच्या टी-20 मालिकेतील पहिला सामना लखनऊमध्ये आणि इतर दोन सामने धर्मशाला येथे होणार आहेत.

त्याचबरोबर कसोटी मालिकेतील पहिला सामना मोहालीत आणि दुसरा सामना बंगळुरूमध्ये होणार आहे. बंगळुरूमध्ये होणारा सामना पिंक बॉल (डे-नाईट) कसोटी असेल.

बातम्या आणखी आहेत...