IND vs AUS तिसरी कसोटी:इंदूरची खेळपट्टी बनली भारतीय फलंदाजांसाठी कोडे, सोशल मीडियावर मीम्सचा पाऊस

भारत आणि ऑस्ट्रेलिया यांच्यात बॉर्डर गावसकर ट्रॉफीचा तिसरा कसोटी सामना खेळला जात आहे. पहिल्या दोन कसोटी सामन्यांमध्ये भारतीय संघाने आपले वर्चस्व कायम राखून विजय मिळवला, मात्र तिसऱ्या कसोटी सामन्याच्या पहिल्या डावाच्या पहिल्या तासात टीम इंडियाची आघाडीची फलंदाजी गडगडली, त्यानंतर खेळपट्टी पाहुन चाहत्यांच्या संतापाचा उद्रेक झाला. होळकर स्टेडियमच्या खेळपट्टीवर सामन्याच्या पहिल्याच तासात विकेटवर इतके टर्न पाहून सर्वांनाच आश्चर्य वाटले.

सामन्याच्या सहाव्या षटकात संघाची धावसंख्या अवघ्या 27 धावांवर असताना रोहित शर्माच्या रूपाने भारतीय संघाने पहिली विकेट गमावली आणि रोहित शर्माने 12 धावा केल्यानंतर त्याची विकेट गमावली. एकीकडे भारतीय चाहत्यांनी खेळपट्टीबद्दल संताप व्यक्त केला, तर दुसरीकडे ट्विटरवर मीम्सचा महापूर आला.

इंदूरच्या टर्निंग पिचवर चाहत्यांचा संताप

इंदूरच्या खेळपट्टीवर टीम इंडियाची अशी वाईट अवस्था पाहून चाहते संतापले. खेळपट्टीच्या फिरकीबाबत आधीच शंका होत्या. पण पहिल्याच दिवशी एवढं वळण घेईल याची कुणी कल्पनाही केली नव्हती.

कर्णधार रोहित शर्मा, शुभमन गिल, चेतेश्वर पुजारा, रवींद्र जडेजा, श्रेयस अय्यर, विराट कोहली आणि केएस भरत उपाहारापूर्वी पॅव्हेलियनमध्ये परतले आहेत. तर लंच ब्रेकपर्यंतच टीम इंडियाची धावसंख्या 26 षटकांत 7 गडी बाद 84 धावा होत्या. पुढे तर ही स्थिती अतिशय वाईट झाली आणि टीम इंडियाचा पहिला डाव 109 धावांवरच आटोपला. इंदूरच्या टर्निंग पिचवर टीम इंडियाच्या खराब स्थितीमुळे चाहते इंदूरच्या खेळपट्टीच्या क्युरेटरला शिव्या देत आहेत. याबाबतीतही चाहत्यांनी मीम्सद्वारे आपल्या भावनांना वाट मोकळी करून दिली आहे.

ववव