पूजा वस्त्राकर ऑस्ट्रेलियाविरुद्धच्या T-20 मालिकेतून बाहेर:भारतीय महिला संघ जाहीर, 9 डिसेंबरला पहिला सामना

ऑस्ट्रेलियाविरुद्ध मायदेशात होणाऱ्या मालिकेसाठी भारतीय महिला संघाची घोषणा करण्यात आली आहे. पूजा वस्त्राकर दुखापतीमुळे मालिकेतून बाहेर पडली आहे. ऑस्ट्रेलिया महिला संघ भारतीय दौऱ्यावर येत आहे. संघाला येथे 5 टी-20 सामन्यांची मालिका खेळायची आहे.

मालिकेतील पहिला सामना 9 डिसेंबरपासून खेळवला जाणार आहे. या मालिकेसाठी संघाच्या कर्णधारपदाची जबाबदारी हरमनप्रीत कौरकडे देण्यात आली आहे. स्मृती मंधानाला उपकर्णधार बनवण्यात आले आहे.

पूजा वस्त्राकारच्या नावाचा विचार करण्यात आला नाही

BCCI ने जारी केलेल्या निवेदनात जखमी पूजा वस्त्राकरच्या नावाचा विचार करण्यात आलेला नाही, असे म्हटले आहे. या मालिकेत ती टीम इंडियाचा भाग असणार नाही. वैद्यकीय पथक तिच्या दुखापतीवर लक्ष ठेवून आहे.

या मालिकेतील सर्व सामने मुंबईत होणार आहेत

ऑस्ट्रेलियासोबतच्या पाच सामन्यांच्या मालिकेतील सर्व सामने मुंबईत होणार आहेत. पहिला सामना 9 डिसेंबरला आणि दुसरा सामना 11 डिसेंबरला डीवाय पाटील स्टेडियमवर होणार आहे. उर्वरित तीन सामने CCI (क्रिकेट क्लब ऑफ इंडिया) येथे खेळवले जातील. तिसरा 14, चौथा 17 आणि शेवटचा सामना 20 डिसेंबरला होणार आहे.

ऑस्ट्रेलियाविरुद्धच्या टी-20 मालिकेसाठी भारतीय संघ

हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, यास्तिका भाटिया (यष्टीरक्षक), जेमिमा रॉड्रिग्स, दीप्ती शर्मा, राधा यादव, राजेश्वरी गायकवाड, रेणुका सिंग ठाकूर, मेघना सिंग, अंजली सरवानी, देविका वायदा, व्ही. एस मेघना, रिचा घोष (यष्टीरक्षक), हरलीन देओल

नेट गोलंदाज - मोनिका पटेल, अरुंधती रेड्डी, एसबी पोखरकर, सिमरन बहादूर.