शेवटच्या षटकांतल्या खराब क्षेत्ररक्षणामुळे टीम इंडियाचा पराभव:इबादतची हिट विकेट, तर विराटचा शानदार झेल; पाहा सामन्याचे क्षण

शेवटच्या षटकातील खराब क्षेत्ररक्षणामुळे टीम इंडियाला बांगलादेशविरुद्धच्या पहिल्या वनडेत एका विकेटने पराभव पत्करावा लागला. बांगलादेशला विजयासाठी 51 धावांची गरज होती आणि शेवटची जोडी मैदानात होती. यादरम्यान झेल घेण्याची दोन शक्यता होती. पण, ती संधी त्यांना पकडता आली नाही परिणाम आपण सामना गमावला.

पराभवानंतरही विराट कोहलीचा शानदार झेल, इबादत हुसेनची हिट विकेट असे अनेक क्षण सामन्यात पाहायला मिळाले. त्यांना आपण या बातमीत सविस्तर जाणून घेणार आहोत.

इबादत झाला हिट विकेटचा शिकार

बांगलादेशचा वेगवान गोलंदाज इबादत हुसेनची हिट विकेट पडली. 39व्या षटकात इबादत कुलदीप सेनचा बाऊन्सर बॅकफूटवर खेळायला गेला, पण तो खूप खोलवर गेला. त्याचा मागचा पाय स्टंपला लागला, त्यामुळे विकेट पडल्यानंतर त्याला पॅव्हेलियनमध्ये परतावे लागले.

राहुलने गमावली सोपी संधी

या सामन्यात टीम इंडियाने 3 झेल सोडले. रोहित शर्माने 13व्या षटकात स्लिपमध्ये लिटन दासचा झेल सोडला. शार्दुल ठाकूरच्या गोलंदाजीवर 43व्या षटकात मेहदी हसन दोनदा झेलबाद झाला असता. पहिल्यांदा फर्स्ट कीपर केएल राहुलने फाइन लेगच्या दिशेने धावत असताना एक सोपा झेल सोडला. पुढच्याच चेंडूवर थर्ड मॅनच्या दिशेने सोपा असाच झेल होता, पण वॉशिंग्टन सुंदर झेल घेण्यासाठी साधा धावलाही नाही.

शेवटच्या षटकांमध्ये मैदानी क्षेत्ररक्षणही खराब होते. सुंदरने मैदानात चौकार चुकवला. त्याचवेळी उर्वरित क्षेत्ररक्षकही शेवटच्या षटकांमध्ये सुस्त दिसले.

8 धावांत पडल्या 5 विकेट

बांगलादेशचा संघ 4 बाद 128 धावा करून मजबूत स्थितीत होता. पण, शार्दुल ठाकूरने महमुदुल्लाला 128 धावांवर LBW केले. पुढच्याच षटकात मोहम्मद सिराजने मुशफिकुरला बाद केले. त्यानंतर कुलदीप सेनने अफिफ हुसैनला 134 धावांवर बाद केले.

कुलदीपनेच इबादतला 135 धावांवर पॅव्हेलियनमध्ये पाठवले. त्यानंतर सिराजने 136 धावांवर हसन महमूदची विकेट घेतली. अशाप्रकारे बांगलादेशच्या 8 धावा करताना 5 गडी बाद झाले

विराटने एका हाताने कॅच पकडला

भारताचा माजी कर्णधार विराट कोहलीने एका हाताने अप्रतिम झेल घेत प्रेक्षकांचे लक्ष वेधून घेतले. 24व्या षटकात कोहलीने झेल घेत शाकिब अल हसनला पॅव्हेलियनमध्ये पाठवले. शाकिबने वॉशिंग्टन सुंदरचा शॉर्ट ऑफ गुड लेन्थ चेंडू ड्राईव्ह करण्याचा प्रयत्न केला. जिथे कव्हरवर उभ्या असलेल्या कोहलीने एका हाताने हवेत उडी मारून कॅच पकडला. शाकिबने 38 चेंडूत 29 धावा केल्या.

पहिल्या चेंडूवर भारताला मिळाली विकेट

187 धावांचे लक्ष्य राखताना भारताला पहिल्याच चेंडूवर एक विकेट मिळाली. दीपक चहरने दुसऱ्या डावातील पहिलाच चेंडू गुड लेंथचा शॉर्ट टाकला. बांगलादेशचा सलामीवीर नजमुल हसन शांतो तो बॅकफूटवर खेळायला गेला. पण, चेंडू शांतोच्या बॅटच्या बाहेरील कडा घेऊन स्लिपमध्ये उभ्या असलेल्या रोहितकडे गेला. रोहितने कोणतीही चूक केली नाही आणि शांतोला पॅव्हेलियनमध्ये परतावे लागले.

लिटन दासचा फ्लाइंग झेल

पहिल्या डावात बांगलादेशचा कर्णधार लिटन दासने विराट कोहलीचा उडणारा झेल टिपला. 11व्या षटकात शाकिबच्या चौथ्या चेंडूवर विराटने लोफ्टेड कव्हर ड्राइव्ह खेळला.

कोहलीला त्यावर नियंत्रण ठेवता आले नाही. चेंडू हवेत वर गेला आणि लिटनने हवेत डायव्हिंग करून अप्रतिम झेल घेतला. विराट 15 चेंडूत 9 धावा करून बाद झाला.