T20 मध्ये भारताचा सर्वात मोठा विजय:न्यूझीलंडला 168 धावांनी हरवत मालिका 2-1ने जिंकली, गिलचे शतक, पांड्याने टिपले 4 बळी

टीम इंडियाने तिसऱ्या टी-20 सामन्यात न्यूझीलंडचा 168 धावांनी पराभव करत मालिका 2-1 ने जिंकली. अहमदाबाद येथे झालेल्या मालिकेतील शेवटच्या सामन्यात शुभमन गिलच्या (नाबाद 126) या T20 फॉरमॅटमधील पहिल्या शतकामुळे भारताने 20 षटकात 4 गडी गमावून 234 धावा केल्या. प्रत्युत्तरात किवी संघ 12.1 षटकांत 66 धावांत सर्वबाद झाला. हार्दिक पांड्याने सर्वाधिक चार विकेट घेतल्या. पंड्याने ब्लेअर टिकनर एक धाव, लोकी फर्ग्युसन शून्य, ग्लेन फिलिप्स 2 धावा आणि फिन ऍलनचे 3 धावात बळी घेतले.

टीम इंडीयाचा सर्वात मोठा विजय, किवीजचा सर्वात मोठा पराभव

आज भारताचा सर्वात मोठा विजय आणि टी-20 क्रिकेटमधील धावांच्या बाबतीत न्यूझीलंडचा सर्वात मोठा पराभव झाला आहे. भारताचा यापूर्वीचा विजयाचा विक्रम 143 धावांचा होता. टीम इंडियाने 2018 मध्ये आयर्लंडचा 143 धावांनी पराभव केला होता. त्याचबरोबर न्यूझीलंडचा संघ यापूर्वी 2010 मध्ये पाकिस्तानविरुद्ध 103 धावांनी पराभूत झाला होता.

भारत-न्यूझीलंड तिसर्‍या T20 चे स्कोअरकार्ड

अशा पडल्या किवी संघाच्या विकेट

पहिला: कर्णधार पंड्याने पहिल्या षटकाच्या पाचव्या चेंडूवर फिन अ‌ॅलनला स्लिपमध्ये उभ्या असलेल्या सूर्याकरवी झेलबाद केले.
दुसरा: दुसऱ्या षटकाच्या पहिल्या चेंडूवर अर्शदीप सिंगने ड्वेन कॉनवेला पांड्याकरवी झेलबाद केले.
तिसरा: दुसऱ्या षटकाच्या शेवटच्या चेंडूवर अर्शदीपने मार्क चॅपमनला इशान किशनकरवी झेलबाद केले.
चौथा: कर्णधार पंड्याने तिसर्‍या षटकाच्या चौथ्या चेंडूवर ग्लेन फिलिप्सला स्लिपमध्ये उभ्या असलेल्या सूर्याकरवी झेलबाद केले.
पाचवा: उमरान मलिकने 5व्या षटकात मायकल ब्रेसवेलला बोल्ड केले.
सहावा : मावीने सँटनरला सूर्याकरवी झेलबाद केले.
सातवा : मावीने ईश सोधीला त्रिपाठीकरवी झेलबाद केले.
आठवा : पंड्याने लोकी फर्ग्युसनला उमरान मलिककरवी झेलबाद केले.
नववा: ब्लेअर टिकनरला हार्दिक पांड्याने इशानच्या हाती झेलबाद केले.
दहावा : डेरिल मिशेलला उमरान मलिकने शिवम मावीच्या हातून झेलबाद केले.

भारतीय संघाचा डाव

गिलने कोहलीचा विक्रम मोडला, T20 मध्ये तो भारताचा सर्वाधिक धावा करणारा खेळाडू ठरला. मालिकेतील पहिल्या दोन सामन्यांमध्ये फ्लॉप ठरलेल्या गिलने या डावात 63 चेंडूत 126 धावांची खेळी केली. त्याने 12 चौकार आणि 7 षटकार ठोकले. राहुल त्रिपाठीने 44, कर्णधार हार्दिक पंड्याने 30 आणि सूर्यकुमार यादवने 24 धावा केल्या.

गिलची भारतातर्फे सर्वात मोठी खेळी

गिल हा टी-20 आंतरराष्ट्रीय क्रिकेटमध्ये भारतासाठी सर्वात मोठी खेळी खेळणारा फलंदाज ठरला आहे. त्याने विराट कोहलीचा विक्रम मोडला. विराटने गेल्या वर्षी अफगाणिस्तानविरुद्ध 122 धावांची खेळी केली होती. गिलने हार्दिक पांड्यासोबत चौथ्या विकेटसाठी 40 चेंडूत 103 धावांची भागीदारी केली. डॅरिल मिशेल, मायकेल ब्रेसवेल, ब्लेअर टिकनर आणि ईश सादी यांना प्रत्येकी एक विकेट मिळाली.

अशा पडल्या भारताच्या विकेट

पहिला: दुसऱ्या ओव्हरच्या दुसऱ्या चेंडूवर ब्रेसवेलने इशान किशनला एलबीडब्ल्यू केले.
दुसरा: फर्ग्युसनच्या 8व्या षटकाच्या दुसऱ्या चेंडूवर ईश सैदीने डीप स्क्वेअर लेगवर राहुल त्रिपाठीला झेलबाद केले.
तिसरा: 13व्या षटकाच्या तिसऱ्या चेंडूवर टिकनरने सूर्याला ब्रेसवेलकरवी झेलबाद केले.
चौथा: 20 व्या षटकाच्या पहिल्या चेंडूवर डॅरिल मिशेलने हार्दिक पांड्याला ब्रेसवेलकरवी झेलबाद केले.

पाहा प्लेइंग-11

भारत : ईशान किशन, शुभमन गिल, राहुल त्रिपाठी, सूर्यकुमार, हार्दिक पांड्या, दीपक हुडा, वॉशिंग्टन सुंदर, शिवम मावी, कुलदीप यादव, उमरान मलिक, अर्शदीप सिंग.

न्यूझीलंड: फिन ऍलन, ड्वेन कॉनवे, मार्क चॅपमन, डॅरिल मिशेल, ग्लेन फिलिप्स, मिशेल सँटनर, मायकेल ब्रेसवेल, बेन लिस्टर, ईश सादी, लॉकी फर्ग्युसन, ब्लेअर टिकनर.

भारताने जिंकल्यास ते सलग चौथ्यांदा न्यूझीलंडला पराभूत करेल. यासह टीम इंडिया सलग आठव्यांदा मालिका जिंकणार आहे. या स्टोरी मध्ये तुम्हाला हेड टू हेड, हवामानाची स्थिती आणि खेळपट्टीचा अहवाल आणि दोन्ही संघांचे संभाव्य प्लेइंग 11 बद्दल जाणून घेऊ या…तसेच आजच्या सामन्यात मोडणाऱ्या विक्रमांबद्दलही आम्ही तुम्हाला सांगणार आहोत...

सर्वप्रथम, ग्राफिक्समध्ये पाहूया, पहिल्या 2 सामन्यांचे निकाल...

नरेंद्र मोदी स्टेडियमवर दोघांचा पहिला सामना

नरेंद्र मोदी स्टेडियमवर दोन्ही संघ प्रथमच खेळत आहेत. भारताने येथे 6 सामने खेळले आहेत. यातील 4 सामने जिंकले, तर 2 सामने हरले. दुसरीकडे, भारत आणि न्यूझीलंडमध्ये आतापर्यंत 24 टी-20 सामने खेळले गेले आहेत. यापैकी 11 सामने टीम इंडियाने तर 10 सामने न्यूझीलंडने जिंकले आहेत. 3 सामने बरोबरीत आहेत.

हवामानाची स्थिती आणि खेळपट्टीचा अहवाल...

बुधवारी अहमदाबादमध्ये पावसाची शक्यता नाही. तापमान 13 ते 27 अंश सेल्सिअस राहू शकते. अहमदाबादमधील उच्च स्कोअरिंग खेळपट्टीवर मोठ्या लक्ष्याची अपेक्षा करू शकतो. येथे मागील 5 पैकी 3 सामन्यात दोन्ही डावात 160+ धावा केल्या आहेत.

आता आज कोणकोणत्या नोंदी करता येतील ते पाहू

न्यूझीलंडने हा सामना जिंकला तर तो 2012 नंतर भारतात पहिली मालिका जिंकेल.

या संघाने 2012 पासून भारतीय भूमीवर कोणत्याही प्रकारात मालिका जिंकलेली नाही.

भारत किवीकडून चौथी मालिका जिंकेल

जर भारतीय संघाने येथे सामना जिंकला तर न्यूझीलंडकडून सलग चौथी मालिका जिंकेल.

भारत सलग 8वी मालिका जिंकू शकतो

भारतीय संघ हा सामना जिंकताच सलग 8वी T20 मालिका जिंकेल. गेल्या 11 मालिकेत तो अपराजित आहे. तर एक मालिका टाय झाली आहे.

भारतीय इलेव्हन अशी असू शकते
ईशान किशन, पृथ्वी शॉ/शुभमन गिल, सूर्यकुमार यादव, राहुल त्रिपाठी, दीपक हुडा, हार्दिक पांड्या, वॉशिंग्टन सुंदर, कुलदीप यादव, युझवेंद्र चहल, उमरान मलिक, शिवम मावी

संघ खालीलप्रमाणे आहेत.

भारत: हार्दिक पंड्या (कर्णधार), सूर्यकुमार यादव, इशान किशन, शुभमन गिल, पृथ्वी शॉ, दीपक हुडा, राहुल त्रिपाठी, जितेश शर्मा, वॉशिंग्टन सुंदर, कुलदीप यादव, युझवेंद्र चहल, अर्शदीप सिंग, उमरान मलिक, शिवम मावी आणि मुकेश कुमार

न्यूझीलंड: मिचेल सँटनर (क), फिन ऍलन, मायकेल ब्रेसवेल, मार्क चॅपमन, डेव्हॉन कॉनवे, डेन क्लीव्हर, जेकब डफी, लॉकी फर्ग्युसन, बेंजामिन लिस्टर, डॅरिल मिशेल, ग्लेन फिलिप्स, मायकेल रिप्पन, हेन्री शिपले, ईश सोधी, ब्लेअर टिकनर