आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • India Vs Pakistan; Asia Cup 2022 Schedule, Match Teams Dates, Venues Update, Pakistan Cricket Match This Month: Asia Cup Match On August 28, T 20 Match Starts At 6 Pm In Dubai

या महिनाखेर भारत-पाकिस्तान क्रिकेट सामना:आशिया कपमधील सामना 28 ऑगस्ट रोजी, दुबईमध्ये संध्याकाळी 6 वाजता T-20 सामना

12 दिवसांपूर्वी
  • कॉपी लिंक

भारत आणि पाकिस्तानमध्ये या महिन्यात टी-20 सामने होणार आहेत. ICC ने आशिया कपचे वेळापत्रक जाहीर केले आहे. त्यानुसार अ गटात भारत आणि पाकिस्तान यांच्यात सामना होणार आहे. हा सामना 28 ऑगस्ट रोजी दुबई येथे संध्याकाळी 6 वाजल्यापासून खेळवला जाईल. अंतिम सामना 11 सप्टेंबर रोजी होणार आहे.

याआधी टी-20 वर्ल्ड कपमध्ये भारत आणि पाकिस्तान आमनेसामने आले होते. 24 ऑक्टोबर 2021 रोजी झालेल्या या सामन्यात भारताचा पाकिस्तानने 10 विकेट्सने पराभव केला होता.

यावेळी भारताला टी-20 विश्वचषकातील पराभवाचा बदला घेण्याची संधी असेल. 27 ऑगस्टपासून आशिया कप टी-20 स्पर्धेला सुरुवात होणार आहे.

पाहा आशिया चषकाचे संपूर्ण वेळापत्रक ...

21 ऑगस्टपासून आशिया कप पात्रता फेरी

21 ऑगस्टपासून आशिया चषक पात्रता फेरीला सुरुवात होणार आहे. यामध्ये यूएई, ओमान, नेपाळ, हाँगकाँगसह इतर संघ उतरतील. यातील एक संघ मुख्य ड्रॉसाठी पात्र ठरेल. भारत, पाकिस्तान, श्रीलंका, अफगाणिस्तान आणि बांगलादेश यांना मुख्य ड्रॉमध्ये आधीच स्थान मिळाले आहे. शेवटचा आशिया चषक सामना 2018 मध्ये UAE मध्ये झाला होता.

याआधी ही मेगा स्पर्धा श्रीलंकेत होणार होती, मात्र तेथील बिघडलेल्या परिस्थितीमुळे अखेरच्या प्रसंगी ही स्पर्धा यूएईला हलवण्यात आली. मात्र, येथेही या स्पर्धेचे यजमानपद श्रीलंका क्रिकेट कडेच राहणार आहे.

भारताने मागचा आशिया कप जिंकला होता

यावेळी आशिया चषक 20-20 षटकांचा खेळवला जात आहे. शेवटच्या वेळी 50-50 षटकांचे सामने 2018 मध्ये खेळवण्यात आले होते. भारताने विजेतेपद पटकावले. अंतिम सामन्यात बांगलादेशने 223 धावांचे लक्ष्य ठेवले होते.

भारताने 50 षटकांत हे लक्ष्य गाठले. 2016 मध्ये पहिल्यांदा टी-20 फॉरमॅटमध्ये याचे आयोजन करण्यात आले होते. भारताने 7 वेळा आशिया चषकाचे विजेतेपद पटकावले आहे.

बातम्या आणखी आहेत...