दुसऱ्या T-20 मध्ये भारताचा श्रीलंकेकडून पराभव:अर्शदीपचे 5 नो बॉल, नाराज हार्दिकने दोन्ही हातांनी लपवला चेहरा, पाहा खास क्षण

श्रीलंकेने गुरुवारी उशिरा झालेल्या दुसऱ्या टी-20 सामन्यात भारताचा पराभव करत मालिकेत 1-1 अशी बरोबरी साधली. 20 व्या षटकापर्यंत सामन्यात उत्साह कायम होता. सामना आपापल्या कोर्टात करण्यासाठी दोन्ही संघांमध्ये चढाओढ सुरूच होती.

सुरुवातीला सामना पूर्णपणे श्रीलंकेच्या खेळाडूंच्या ताब्यात होता. कारण भारताची सुरुवात चांगली झाली नाही. अवघ्या 21 धावांवर तीन फलंदाज पॅव्हेलियनमध्ये परतले. पुढे 57 धावांत पाच विकेट पडल्या होत्या.

सूर्या आणि अक्षर पटेल यांनी सहाव्या विकेटसाठी 40 चेंडूत 91 धावांची भागीदारी करत संघाला विजयाच्या जवळ आणले. मात्र शेवटच्या षटकात अक्षरची विकेट पडताच सामना भारताच्या हाताबाहेर गेला आणि भारताने हा सामना 16 धावांनी गमावला.

या सामन्यात भारताने 7 नो बॉल टाकले. यावर 28 धावा दिल्या. तसेच 2 षटकारही मारले. चला या सामन्यातील टॉप-5 क्षण पुन्हा पाहूया...

1. सलग तीन नो बॉल टाकणारा अर्शदीप ठरला पहिला भारतीय: अर्शदीप सिंगने 2 षटकात 37 धावा दिल्या. त्याने एकूण 5 नो बॉल टाकले. त्याने आपल्या पहिल्याच षटकात सलग तीन नो बॉल टाकले आणि 19 धावा दिल्या. अशी कामगिरी करणारा तो पहिला भारतीय ठरला आहे.

यावेळी हार्दिक नाराज दिसला. त्याने पुन्हा अर्शदीपकडे चेंडू सोपवला नाही. नंतर 19व्या षटकात चेंडू देण्यात आला, मात्र या षटकातही अर्शदीप महागडा ठरला. या षटकात त्याने दोन नो बॉल टाकून 18 धावा दिल्या. ते पाहून पंड्याने डोके धरले. सामन्यानंतर पंड्याने अर्शदीपला स्पष्टपणे सांगितले की नो बॉल फेकणे हा गुन्हा आहे. हे माफ केले जाऊ शकत नाही.

2. मेंडिसने पकडला पंड्याचा हवेतला झेल: श्रीलंकेचा यष्टिरक्षक कुशल मेंडिसने हार्दिक पंड्याचा अप्रतिम झेल घेतला. पाचव्या षटकाच्या चौथ्या चेंडूवर चमिका करुणारत्नेने ऑफ साईडला चांगली लेन्थ टाकली.

पंड्या ड्राईव्हसाठी गेला पण, चेंडू त्याच्या बॅटची बाहेरची किनार घेऊन कीपरकडे गेला. विकेटच्या मागे, मेंडिसने उजव्या बाजूने हवेत नेत्रदीपक डायव्ह मारत झेल टिपला. पंड्या 12 चेंडूत 12 धावा करून बाद झाला.

3. अक्षर पटेल धावबाद होता होता थोडक्यात बचावला. सूर्यकुमार यादवने चमिका करुणारत्नेचा चेंडू स्कूप केला. चेंडू यष्टिरक्षक कुशल मेंडिसकडे गेला. अक्षर धावू लागला, पण सूर्या त्याच्या क्रीजमध्ये उभा राहिला. मेंडिसने करुणारत्नेच्या दिशेने चेंडू टाकला. करुणारत्नेने थ्रो मारून स्टंपला मारले तेव्हा अक्षर नॉन-स्ट्रायकरच्या टोकाकडे धावला. पण, चेंडू स्टंपला लागला नाही आणि अक्षर बचावला.

12व्या षटकात या लाइफलाइननंतर अक्षरने 14व्या षटकात सलग 3 चेंडूत 3 षटकार ठोकले. 31 चेंडूत 65 धावा करून तो बाद झाला, पण आपल्या संघाला विजय मिळवून देऊ शकला नाही.

अक्षरने आपल्या खेळीत 6 षटकार आणि 3 चौकार लगावले. त्याचे हे टी-20 आंतरराष्ट्रीय कारकिर्दीतील पहिले अर्धशतक आहे. त्याने सूर्यकुमार यादवसोबत झटपट 91 धावांची भागीदारी केली. दोघांनी भारताला मानहानीकारक पराभवाच्या तोंडातून बाहेर काढत विजयाच्या जवळ आणले होते.

ईशान, हुड्‌डा और पंड्या को शानदार प्रदर्शन का मिला इनाम...

ईशान किशन आणि दीपक हुडा यांना मंगळवारी श्रीलंकेविरुद्धच्या 3 टी-20 मालिकेतील पहिल्या सामन्यात खेळलेल्या त्यांच्या शानदार खेळीचे बक्षीस मिळाले आहे. गुरुवारी, आंतरराष्ट्रीय क्रिकेट परिषदेने जाहीर केलेल्या T20I च्या जागतिक क्रमवारीत सुधारणा झाली आहे. संपूर्ण बातमी वाचण्यासाठी येथे क्लिक करा....