टीम इंडियाने जिंकली टी-20 मालिका:वेस्ट इंडिजविरुद्धची सलग चौथी टी-20 मालिका जिंकली, दुसऱ्या टी-20 सामन्यात 8 धावांनी केला पराभव

दुसऱ्या टी-20 सामन्यात टीम इंडियाने वेस्ट इंडिजचा 8 धावांनी पराभव केला. विंडीजसमोर 187 धावांचे लक्ष्य होते, परंतु संघाला 20 षटकात 3 गडी गमावून केवळ 178 धावा करता आल्या आणि सामना गमावला. या विजयासह टीम इंडियाने टी-20 मालिकाही जिंकली आहे. भारताने वेस्ट इंडिजविरुद्धची सलग चौथी टी-20 मालिका जिंकली.

तत्पूर्वी, टीम इंडियाने नाणेफेक गमावून प्रथम खेळताना 186/6 धावा केल्या. ऋषभ पंतने नाबाद 52 धावा केल्या, तर विराट कोहलीनेही 52 धावा केल्या. विंडीजकडून रोस्टन चेसने सर्वाधिक 3 बळी घेतले.

सामन्याचा लाइव्ह स्कोअर पाहण्यासाठी येथे क्लिक करा..

भारताने 2017 पासून वेस्ट इंडिजविरुद्ध एकही मालिका गमावलेली नाही
भारताने वेस्ट इंडिजविरुद्धची सलग चौथी टी-20 मालिका जिंकली आहे. 2017 मध्ये भारतीय भूमीवर झालेल्या T20I मालिकेत वेस्ट इंडिजने टीम इंडियाचा शेवटचा 1-0 असा पराभव केला होता. यानंतर विंडीजला भारताविरुद्ध टी-20 मालिका कधीही जिंकता आली नाही. दोन्ही संघांमधील सध्याच्या मालिकेतील शेवटचा सामना 20 फेब्रुवारीला होणार आहे.

दरम्यान, टीम इंडियाने प्लेइंग इलेव्हनमध्ये कोणताही बदल केलेला नव्हत, तर विंडीजने बदल करत फॅबियन ऍलनच्या जागी जेसन होल्डरला संधी दिली होती.

​​​​​​​दोन्ही संघ:
भारत: इशान किशन, रोहित शर्मा (कॅप्टन), विराट कोहली, सूर्यकुमार यादव, ऋषभ पंत (विकेटकीपर), व्यंकटेश अय्यर, दीपक चहर, भुवनेश्वर कुमार, हर्षल पटेल, रवी बिश्नोई, युझवेंद्र चहल.

वेस्ट इंडिज: ब्रॅंडन किंग, काइल मेयर्स, निकोलस पूरन (विकेटकीपर), रोव्हमन पॉवेल, किरॉन पोलार्ड (कॅप्टन), रोस्टन चेस, रोमॅरियो शेफर्ड, अकील होसेन, ओडियन स्मिथ, जेसन होल्डर, शेल्डन कॉट्रेल.

टीम इंडियाकडे पाकिस्तानच्या बरोबरीची संधी
भारतीय संघाने सलग 7 टी-20 सामने जिंकले आहेत. जर संघाने वेस्ट इंडिजविरुद्धचा दुसरा सामनाही जिंकला तर मॅन इन ब्लूचा या फॉरमॅटमधील हा सलग 8वा विजय असेल. T20 आंतरराष्ट्रीय सामन्यांमध्ये सलग सर्वाधिक सामने जिंकण्याचा विश्वविक्रम अफगाणिस्तानच्या (12) नावावर आहे. अफगाण संघाशिवाय सहयोगी संघ रोमानियानेही सलग 12 सामने जिंकले आहेत.

अफगाणिस्तान (11) देखील तिसऱ्या क्रमांकावर आहे आणि चौथ्या क्रमांकावर युगांडाने सलग 11 टी-20 सामने जिंकले आहेत. 2009 मध्ये पाकिस्तानने सलग 7 टी-20 सामने जिंकले होते आणि भारत सध्या त्याच पातळीवर आहे.

भारताने 2017 पासून वेस्ट इंडिजविरुद्ध एकही मालिका गमावलेली नाही
भारताने वेस्ट इंडिजविरुद्धची शेवटची तीन टी-20 मालिका जिंकली आहे. 2017 मध्ये भारतीय भूमीवर झालेल्या T20I मालिकेत वेस्ट इंडिजने टीम इंडियाचा शेवटचा 1-0 असा पराभव केला होता. यानंतर विंडीजला भारताविरुद्ध टी-20 मालिका कधीही जिंकता आली नाही. भारतीय संघाने वेस्ट इंडिजला सलग 3 मालिकांमध्ये पराभूत केले आहे आणि सध्याच्या मालिकेसाठी देखील रोहित आणि सह हे विजयाचे दावेदार मानले जात आहेत.

पोलार्डच्या संघासाठी सन्मानाची लढत
या दौऱ्यात वेस्ट इंडिजने आतापर्यंत चार सामने खेळले असून सर्व सामन्यांमध्ये संघाला पराभवाचा सामना करावा लागला आहे. एकदिवसीय मालिकेतही संघ पूर्णपणे विखुरलेला दिसत होता. संघाच्या गोलंदाजांनी वेळोवेळी विकेट्स घेतल्या आहेत, परंतु फलंदाजांना आतापर्यंत मोठी धावसंख्या उभारण्यात अपयश आले आहे. विंडीजला मालिकेत पुनरागमन करायचे असेल, तर दुसऱ्या सामन्यात खेळाच्या प्रत्येक विभागाला दमदार खेळ दाखवावा लागेल.