आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

BCCI चे सचिव जय शहांनी केली घोषणा:IPL 2022 चे सर्व सामने भारतातच होणार; कोरोनामुळे 2021 मध्ये निम्मे सामने UAE मध्ये खेळले गेले होते

15 दिवसांपूर्वी
  • कॉपी लिंक

बीसीसीआयचे सचिव जय शाह यांनी आयपीएलच्या पुढील हंगामाबाबत मोठी घोषणा केली आहे. प्रीमियर लीगचा 15वा मोसम भारतातच खेळवला जाणार आहे. आयपीएल 2021 मध्ये चेन्नई सुपर किंग्ज (CSK) च्या विजयाचा आनंद साजरा करण्यासाठी आयोजित 'द चॅम्पियन्स कॉल' कार्यक्रमादरम्यान शाह यांनी याला दुजोरा दिला.

ते म्हणाले, 'मला माहित आहे की तुम्ही सर्वजण चेपॉकमध्ये चेन्नईचा खेळ पाहण्यासाठी वाट पाहत आहात. ती वेळ आता फार दूर नाही. आयपीएलचा 15वा सीझन भारतात होणार आहे आणि त्यात दोन नवीन संघांची भर पडल्याने तो नेहमीपेक्षा अधिक रोमांचक असेल.

जय शाह पुढे म्हणाले, 'या हंगामात मोठा लिलाव होणार आहे. त्यामुळे आयपीएलसाठी नवीन टीम कॉम्बिनेशन कसे दिसते हे पाहणे मनोरंजक असेल."

IPL 2021 मध्येच थांबवून UAE ला न्यावे लागले
आयपीएल 2021 चा हंगाम भारतात सुरू झाला होता, परंतु खेळाडू आणि सपोर्ट स्टाफच्या मोठ्या प्रमाणात कोरोना संसर्गामुळे ही स्पर्धा मध्यंतरी रद्द करण्यात आली होती. यानंतर, आयपीएल हंगामातील उर्वरित सामने सप्टेंबर-ऑक्टोबरमध्ये यूएईमध्ये खेळले गेले. चेन्नई संघाने फायनलमध्ये कोलकाताचा पराभव करून चौथ्यांदा विजेतेपद पटकावले. यापूर्वी, कोरोनामुळे 2020 चा संपूर्ण आयपीएल हंगामही भारताऐवजी यूएईमध्ये खेळवण्यात आला होता.

2022 च्या हंगामात 10 आयपीएल संघ खेळणार
या वर्षाच्या सुरुवातीला, कोरोना महामारीनंतर आंतरराष्ट्रीय क्रिकेट पहिल्यांदाच भारतात परतले. इंग्लंडचा संघ भारतात पाच कसोटी, पाच टी-20 आणि तीन एकदिवसीय सामने खेळण्यासाठी आला होता. या वर्षी ऑक्टोबरमध्ये, बीसीसीआयने आयपीएल 2022 च्या हंगामात लखनौ आणि अहमदाबाद फ्रँचायझींचा समावेश केला होता. 2022 च्या हंगामात 10 आयपीएल संघ खेळणार आहेत.

बातम्या आणखी आहेत...