आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • Sports
  • Cricket
  • IPL Performance Audit Of Players In T20 Team, Analysis Of Performance Of 16 Players Based On IPL League

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

दिव्य मराठी विश्लेषण:टी-20 टीममधील खेळाडूंचा आयपीएल प्रदर्शनातील लेखाजोखा, लीगच्या आधारे १६ खेळाडूंच्या कामगिरीचे विश्लेषण

मुंबई22 दिवसांपूर्वी
  • कॉपी लिंक
  • कोहलीने आयपीएलमध्ये करिअरच्या स्ट्राइक रेटपेक्षा संथ खेळ केला; राहुलची हीच अडचण

टीम इंडिया आता ऑस्ट्रेलिया दौऱ्यावर जाईल. टीम तेथे ३ टी-२० सह वनडे व कसोटी मालिका खेळेल. टी-२० संघात समावेश असलेल्या १६ खेळाडूंची आयपीएलमधील कामगिरी पाहता कर्णधार विराट कोहली व उपकर्णधार लोकेश राहुल दोघांनी संथ खेळी केली. दोघांचा स्ट्राइक रेट करिअरच्या स्ट्राइक रेटपेक्षा कमी राहिला. गोलंदाजीत मो. शमी व दीपक चाहरच्या स्ट्राइक रेटमध्ये वाढ झाली.

> कोहली प्रत्येक १०० चेंडूंवर १७ धावा कमी काढतोय :

कोहलीने लीगच्या १५ सामन्यांत ४२ च्या सरासरीने ४६६ धावा काढल्या. ३ अर्धशतके केली. यादरम्यान त्याचा स्ट्राइक रेट १२१ चा राहिला. त्याचा आंतरराष्ट्रीय करिअरचा स्ट्राइक रेट १३८ चा आहे. म्हणजे कोहली प्रत्येक १०० चेंडूंवर १७ धावा कमी काढताेय. सरासरीमध्ये घसरण झाली.

> राहुलने सर्वाधिक धावा काढल्या, खेळ मात्र संथ राहिला :

सलामीवीर व उपकर्णधार लोकेश राहुलने लीगच्या १४ सामन्यांत ५६ च्या सरासरीने सर्वाधिक ६७० धावा काढल्या. १ शतक व ५ अर्धशतके. स्ट्राइक रेट १२९ चा राहिला. आंतरराष्ट्रीय करिअरमध्ये त्याचा स्ट्राइक रेट १४६ चा राहिला. म्हणजे त्याने धावा खुप काढल्या, खेळ संथ राहिला.

> मयंक अग्रवालने स्वत:ला सलामीवीर म्हणून सिद्ध केले :

मयंक अग्रवाल पहिल्यांदा आॅस्ट्रेलियात टी-२० आंतरराष्ट्रीय सामना खेळू शकतो. लीगच्या ११ सामन्यांत त्याने ३९ च्या सरासरीने ४२४ धावा काढल्या. १ शतक व २ अर्धशतके केली. स्ट्राइक रेटदेखील १५६ चा राहिला. त्याने एकूण टी-२० करिअरमध्ये १४७ सामन्यांत २६ च्या सरासरीने ३३९३ धावा काढल्या आहेत.

> धवनची २ शतके, ४ वेळा शून्यावर बाद :

सलामीवीर शिखर धवनने लीगच्या १७ सामन्यांत ४४ च्या सरासरीने ६१८ धावा काढल्या. २ शतके काढणारा एकमेव फलंदाज. ४ अर्धशतके ठोकली. मात्र, कामगिरीत खूप चढ-उतार राहिला. लीगमध्ये तो ४ वेळा शून्यावर बाद झाला.

> अय्यरने स्वत:ला मधल्या फळीत स्थिर केले :

श्रेयस अय्यरने लीगमध्ये १७ सामन्यांत ३५ च्या सरासरीने ५१९ धावा काढल्या. ३ अर्धशतके लगावली. वनडेनंतर अय्यरने स्वत:ला टी-२० मध्ये मधल्या फळीत स्थिर केले. अय्यरची २२ टी-२० आंतरराष्ट्रीयमध्ये २ अर्धशतके.

> मनीष पांडेमध्ये सातत्याचा अभाव :

मनीष पांडेच्या कामगिरीत सातत्याचा अभाव आहे. लीगच्या १६ सामन्यांत ३३ च्या सरासरीने ४२५ धावा काढल्या. ३ अर्धशतके. क्षेत्ररक्षणात अनेक झेल सोडले. टी-२० च्या ३८ आंतरराष्ट्रीय लढतीत ३ अर्धशतकांसह ७०७ धावा केल्या.

> हार्दिक पांड्याची बॅट चालली, गोलंदाजीबाबत संशय :

हार्दिकने लीगच्या १४ सामन्यांत ३५ च्या सरासरीने २८१ धावा केल्या. १ अर्धशतक. स्ट्राइक रेट १८० चा राहिला. २५ षटकार ठोकले. मात्र, गोलंदाजीत एकही चेंडू टाकला नाही. हा संघासाठी चिंतेचा विषय आहे.

> सॅमसनची पहिल्या २ सामन्यांत २ अर्धशतके, त्यानंतर १२ सामन्यांत केवळ एक :

यष्टिरक्षक फलंदाज संजू सॅमसनची पहिल्या २ सामन्यांत २ अर्धशतके. त्यानंतर १२ सामन्यांत केवळ एकच. त्याने ३ अर्धशतकांसह ३७५ धावा काढल्या. २६ षटकार ठोकले. कामगिरीत चढ-उतार राहिला. एकूण टी-२० च्या १६३ सामन्यांत २ शतके व २४ अर्धशतके.

> शमीने नव्या चेंडूवर बळी घेतले, महागडा ठरला :

वेगवान गोलंदाज मो. शमीने लीगच्या १४ सामन्यांत २३ च्या सरासरीने २० गडी टिपले. इकॉनॉमी ८.५७ व स्ट्राइक रेट १६.१ चा राहिला. नव्या चेंडूवर चांगली गोलंदाजी केली. टी-२० च्या ११ आंतरराष्ट्रीय सामन्यात १२ बळी. स्ट्राइक रेट १९.८ राहिला.

> दीपक चाहरचे सरासरी प्रदर्शन, इकॉनॉमी खराब :

वेगवान गोलंदाज दीपक चाहर यंदाच्या सत्रात विशेष कामगिरी करू शकला नाही. १४ सामन्यांत ३३ च्या सरासरीने १२ बळी घेतले. इकॉनॉमी ७.६१ राहिली. टी-२० च्या १० आंतरराष्ट्रीय लढतीत १५ च्या सरासरीने १७ बळी घेतले आहेत.

> नटराजन यॉर्कर किंग ठरला, आंतरराष्ट्रीय पदार्पणाची संधी :

वेगवान गोलंदाज टी. नटराजनने लीगमध्ये सर्वाधिक यॉर्कर चेंडू टाकले. १६ सामन्यांत १६ बळी घेतले. इकॉनॉमी ८.०२ व स्ट्राइक रेट २३.५ राहिला. आता आंतरराष्ट्रीय पदार्पण करू शकतो.

> सैनीने स्लॉग ओव्हरमध्ये चांगली गोलंदाजी केली :

वेगवान गोलंदाज नवदीप सैनीने लीगच्या चालू सत्रात सरासरी प्रदर्शन केले. त्याचे १३ सामन्यांत ६ बळी. इकॉनॉमी ८.२९ राहिली. स्लॉग ओव्हरमध्ये चांगली गोलंदाजी व वेगामुळे संघात स्थान मिळाले.

> अष्टपैलू जडेजाच्या चेंडू व बॅट दोन्हीची कामगिरी चांगली :

डावखुरा फिरकीपटू रवींद्र जडेजाचे लीगमध्ये १४ सामन्यांत ६ बळी. इकॉनॉमी ८.७५ व स्ट्राइक रेट ३६.३ चा राहिला. फलंदाजीत एका अर्धशतकासह २३२ धावा केल्या. टी-२० मध्ये ४९ आंतरराष्ट्रीय सामन्याचा अनुभव आहे.

> वॉशिंग्टन सर्वात कंजूष भारतीय गोलंदाज ठरला :

ऑफस्पिनर वॉशिंग्टन सुंदर लीगमधील सर्वात कंजूष भारतीय गोलंदाज ठरला. १५ सामन्यांत ८ बळी घेतले.