ऑस्ट्रेलियाच्या ब्राउनने 270 च्या स्ट्राईक रेटने केल्या धावा:स्वतःची बॅट स्वतःच बनवतो, 1000 पेक्षा जास्त बॅट्सची केली आहे दुरुस्ती

ऑस्ट्रेलियाचा 29 वर्षीय जोश ब्राउन बिग बॅश टी-20 लीगमध्ये ब्रिस्बेन हीटच्या विजयाचा हिरो होता. त्याने 23 चेंडूत 269.56 च्या स्ट्राइक रेटने 4 चौकार आणि 6 षटकारांसह 62 धावांची खेळी केली.

जोशने नॅथन मॅकस्वानी (84) सोबत दुसऱ्या विकेटसाठी 73 धावांची भागीदारी केली. ब्राऊनला सामनावीर म्हणूनही निवडण्यात आले. जरी, जोशने खेळाची सुरूवात जरी क्रिकेटने केली नसून फुटबॉलने केली होती, परंतु वयाच्या 13 व्या वर्षी त्याने क्रिकेट खेळण्यास सुरुवात केली.

2019 मध्ये जोशला ब्रिटनमध्ये खेळण्याची संधी मिळाली. त्याने एका डावात 290 धावा केल्या. संपूर्ण हंगामात 1000+ धावा केल्या आणि 43 बळी घेतले.

जोशने वयाच्या 22 व्या वर्षी ब्रिस्बेनमध्ये ग्रेड क्रिकेट खेळण्यास सुरुवात केली. त्याने नॉर्दर्न सबर्ब्स क्लबकडून पदार्पण केले. 2020-21 चा हंगाम जोशसाठी उत्कृष्ट ठरला. त्याने 53 सामने खेळले आणि 34.23 च्या सरासरीने 1643 धावा केल्या. यामध्ये 3 शतके आणि 10 अर्धशतकांचा समावेश आहे. तसेच 21 विकेट्स घेतल्या. क्रिकेट खेळण्यासोबतच त्याला बॅट बनवण्याचेही कौशल्य आहे. यासाठी त्यांनी एक कोर्स केला आहे.

तो स्वतःची बॅट स्वतःच बनवतो. तसेच इतर खेळाडूंसाठी बॅट बनवतो आणि दुरुस्तपण करतो. जोश म्हणतो, 'मला क्रिकेटची बॅट बनवायला आवडते. मी दरवर्षी सुमारे 100 बॅट बनवतो आणि 1000 पेक्षा जास्त बॅट दुरुस्त करतो. मी क्रिकेटमधला जवळजवळ प्रत्येक ब्रेक पाहिला आहे. जोशला मासेमारी आणि गोल्फ आवडतो.

ब्रिस्बेन हीटच्या लीगमधील 6 सामन्यांमध्ये केवळ दुसरा विजय

ब्रिस्बेन हीटने चालू BBL हंगामात सहा सामन्यांमध्‍ये केवळ दुसरा विजय नोंदवला. ब्रिस्बेन हीटने सिडनी सिक्सर्सचा 15 धावांनी पराभव केला. नाणेफेक जिंकून प्रथम फलंदाजी करताना ब्रिस्बेन हीटने 224/5 धावा केल्या.

प्रत्युत्तरात सिडनी सिक्सर्स संघाने 20 षटकांत 10 गडी गमावून 209 धावा केल्या. जेम्स विन्स आणि जॉर्डन सिल्क यांनी 41-41 धावा केल्या. मायकेल नेसरने 3 बळी घेतले. सिडनी सिक्सर्सचा 7 सामन्यातील हा तिसरा पराभव आहे. सलग 4 सामने जिंकल्यानंतर संघाला पहिल्या पराभवाला सामोरे जावे लागले.