WPLमध्ये मुंबईचा सलग चौथा विजय:UP वॉरियर्सचा 8 गडी राखून पराभव: हरमनची फिफ्टी, इशाकने घेतले 3 बळी

महिला प्रीमियर लीग (WPL) मध्ये रविवारी मुंबई इंडियन्सने यूपी वॉरियर्सचा 8 गडी राखून पराभव केला. मुंबईचा स्पर्धेतील हा सलग चौथा विजय आहे, तर यूपीचा 4 सामन्यातील दुसरा पराभव आहे. मुंबईच्या सायका इशाकने 3 बळी घेतले, या कामगिरीसाठी तिला सामनावीर पुरस्कार मिळाला.

ब्रेबॉर्न स्टेडियमवर नाणेफेक जिंकून प्रथम फलंदाजी करताना यूपीने 20 षटकांत 6 बाद 159 धावा केल्या. एलिसा हिलीने 58 आणि ताहलिया मॅकग्राने 50 धावा केल्या. प्रत्युत्तरात मुंबईने 17.3 षटकांत 2 गडी गमावून लक्ष्य गाठले. कर्णधार हरमनप्रीत कौरने 53 धावा केल्या.

हरमन-सीव्हरची सामना जिंकणारी भागीदारी

58 धावांवर दुसरी विकेट गमावल्यानंतर मुंबईचा डाव मंदावला. कर्णधार हरमनप्रीत कौर आणि नताली सीवर हिने कमान सांभाळली. 13व्या षटकात दोघींनी आक्रमक फलंदाजीला सुरुवात केली. हरमनने अर्धशतक केले आणि नताली सीव्हर ब्रंटही नाबाद राहिली. दोघींनी 63 चेंडूत 106 धावांची नाबाद भागीदारी केली. यूपीकडून सोफी एक्लेस्टन आणि राजेश्वरी गायकवाड यांनी 1-1 विकेट घेतली.

पॉवरप्लेमध्ये मुंबईची आक्रमक सुरुवात

160 धावांच्या लक्ष्याचा पाठलाग करताना यास्तिका भाटिया आणि हेली मॅथ्यूजने मुंबईला आक्रमक सुरुवात करून दिली. दोघींनी पॉवरप्लेच्या 6 षटकात बिनबाद 51 धावा जोडल्या. 42 धावांच्या वैयक्तिक धावसंख्येवर 7व्या षटकात यस्तिक गायकवाडची बळी ठरली. त्याचवेळी 17 चेंडूत 12 धावा करून मॅथ्यूजला सोफी एक्लेस्टोनने बाद केले.

मॅथ्यूजच्या एलबीडब्ल्यूवरून वाद

चौथ्या षटकातील फुलर लेन्थचा पाचवा चेंडू सोफी एक्लेस्टोनने टाकला. मॅथ्यूज आणि वॉरियर्सने एलबीडब्ल्यूसाठी अपील केले पण अंपायरने नकार दिला. त्यामुळे यूपीने रिव्ह्यू घेतला. रिप्लेमध्ये असे दिसून आले की, चेंडू हेलीच्या बॅटला लागला. त्यानंतर मॅथ्यूज हिला बाद ठरवण्यात आले.

मॅथ्यूज बराच वेळ थांबली, त्यानंतर डीआरएसमध्ये वेगळ्या चेंडूचा रिप्ले दाखवण्यात आल्याचे दिसून आले. पंचांनी आपला निर्णय फिरवला त्यानंतर मॅथ्यूज हिला नाबाद ठरवले. यापूर्वी ती धावबाद होता होता वाचली.

इशाकने घेतले पुन्हा 3 बळी

मुंबई इंडियन्सकडून डावखुरी फिरकीपटू सायका इशाक पुन्हा एकदा चमकली. पॉवरप्लेमध्ये देविका वैद्यला बाद केल्यानंतर तिने त्याच षटकात हीली आणि मॅकग्राच्या विकेट्सही घेतल्या. तिने 4 षटकात 3/33 अशी आपली स्पेल संपवली. इशाकशिवाय अमेलिया केरने 2 आणि हेली मॅथ्यूजने एक विकेट घेतली.

हीली-मॅकग्राने 82 धावा जोडल्या

7व्या षटकात दुसरी विकेट गमावल्यानंतर वॉरियर्सला कर्णधार अ‌ॅलिसा हिली आणि ताहलिया मॅकग्रा यांनी सांभाळले. दोघींनीही 61 चेंडूत 82 धावा जोडल्या. हीली 46 चेंडूत 58 धावा करून सायका इशाकचा बळी ठरली. त्याचवेळी 37 चेंडूत 50 धावा केल्यानंतर इशाकच्या चेंडूवर मॅकग्रा यष्टीचीत झाली.

या 2 फलंदाजांव्यतिरिक्त यूपीकडून किरण नवगिरेने 17, सोफी एक्लेस्टनने 1 आणि दीप्ती शर्माने 7 धावा केल्या. श्वेता सेहरावत 2 धावांवर नाबाद राहिली तर सिमरन शेखने 9 धावा केल्या.

हिलीची आक्रमक सुरुवात

नाणेफेक जिंकून फलंदाजीचा निर्णय घेत यूपी वॉरियर्सने कर्णधार अ‌ॅलिसा हिलीने आक्रमक सुरुवात केली. तिने 23 चेंडूत 30 धावा केल्या आणि संघाची धावसंख्या 6 षटकात 48 पर्यंत नेली. यादरम्यान देविका वैद्य 6 धावा करून सायका इशाकची बळी ठरली.

मुंबई इंडियन्सने या स्पर्धेत आतापर्यंत एकही सामना गमावलेला नाही. ते 3 सामन्यांतून 6 गुणांसह गुणतालिकेत अव्वल स्थानावर आहेत. वॉरियर्सने 3 पैकी 2 सामने जिंकले असून 4 गुणांसह गुणतालिकेत ते तिसऱ्या क्रमांकावर आहेत.

या स्पर्धेत मुंबईने दिल्ली, बंगळुरू आणि गुजरातचा पराभव केला. यूपीने बेंगळुरू आणि गुजरातला पराभूत केले तर दिल्लीविरुद्ध त्यांचा पराभव झाला.