आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

फ्री हिटवर अश्विनने रियानला दिले नाही स्ट्राइक:वाईड बॉलवर धावला पराग, धावबाद झाल्यावर रियान चिडला अश्विनवर , चाहत्यांनी केलं रियानला ट्रोल

एका महिन्यापूर्वी
  • कॉपी लिंक

GT आणि RR यांच्यात मंगळवारी संध्याकाळी IPL-15 च्या पहिल्या क्वालिफायर सामन्यात अष्टपैलू आर अश्विन आणि रियान पराग कनफ्युज झाल्याने गोंधळ उडाला आणि रियान धावबाद झाला. पहिल्या डावाच्या 20 व्या षटकात रियान परागला वाईड बॉलवर स्ट्राईक घ्यायचा होता, पण अश्विन क्रीझच्या बाहेरही आला नाही. याचा परिणाम असा झाला की रियान पराग अर्ध्या खेळपट्टीवर गेला आणि नॉन-स्ट्रायकरच्या शेवटी गोलंदाजाने त्याला सहज धावबाद केले. आऊट झाल्यानंतर रियान पराग अश्विनवर रागावलेला दिसत होता, तर अश्विनही त्याच्यावर चिडलेला दिसत होता.

अश्विनने रियानला स्ट्राइक देण्यास दिला नकार

डावातील शेवटचा चेंडू फ्री हिट होता, पण वाईड असल्याने फ्री हिट अबाधित राहिली. अशा स्थितीत वाइड चेंडू असताना स्ट्राइक घेण्यासाठी रियानने धाव घेतली मात्र अश्विनने धाव घेण्यास नकार दिला.

रियान पराग राजस्थान संघात फिनिशर म्हणून खेळतो

RR च्या बॅटिंग लाईनअपमध्ये रियान पराग फिनिशर बॅट्समन म्हणून आणि अश्विन हा लोअर ऑर्डर ऑलराऊंडर आहे. रियानच्या कॉलला प्रतिसाद न दिल्याने रियान अश्विनवर चिडताना दिसला. यावर संतापलेल्या अश्विननेही पाठ फिरवली. यानंतर अश्विनलाही शेवटच्या चेंडूवर चौकार मारता आला नाही आणि त्याला अवघ्या दोन धावांवर समाधान मानावे लागले.

सोशल मीडियावर चाहत्यांनी केले रियानला ट्रोल

रियान पराग अर्ध्या खेळपट्टीवर आलो तेवढ्यात तो धावबाद झाला. रियान पराग रविचंद्रन अश्विनकडे रागाने पाहत होता. रियान पराग ज्या पद्धतीने रविचंद्रन अश्विनकवर चिडलेला होता, ते चाहत्यांना अजिबात आवडले नाही. रियान परागच्या या वागण्यावर सोशल मीडियावर रियानवर जोरदार टीका होत आहे. रविचंद्रन अश्विनसारख्या ज्येष्ठ खेळाडूसोबतच्या या वागणुकीबद्दल चाहत्यांनी त्याला सोशल मीडियावर जोरदार ट्रोल केले आहे.

अश्विनने गेल्या सामन्यात शानदार खेळी केली होती

चेन्नईविरुद्धच्या सामन्यात अश्विनने राजस्थानसाठी फिनिशरची भूमिका बजावली आहे. चेन्नईसमोर 151 धावांच्या लक्ष्याचा पाठलाग करताना 17 व्या षटकात 112 धावांवर 5 विकेट गमावून राजस्थान अडचणीत आले असताना अश्विनने 23 चेंडूत 2 चौकार आणि 3 षटकारांच्या मदतीने 40 धावांची जलद खेळी केली. याच सामन्यात रियान पराग दुसऱ्या टोकाला 10 चेंडूत 10 धावा करून नाबाद राहिला.

बातम्या आणखी आहेत...