पृथ्वी शॉ काँट्रोव्हर्सी… सपना गिल मुंबई कोर्टात:विनयभंग आणि शारीरिक हल्ल्याच्या आरोपांवरून शॉविरोधात फौजदारी तक्रार दाखल

सोशल मीडिया इन्फ्लूएन्सर सपना गिल आता दोन महिन्यांपूर्वी क्रिकेटपटू पृथ्वी शॉविरुद्ध मारहाण प्रकरणात मुंबई कोर्टात पोहोचली आहे. आता सपन गिलने शॉ आणि त्याच्या मित्राविरुद्ध अंधेरी दंडाधिकाऱ्यांसमोर फौजदारी तक्रार दाखल केली आहे. गिलच्या वकिलाने याबाबत माहिती दिली. सपना गिलच्या वकिलांनी सांगितले की, आरोपांच्या समर्थनार्थ सरकारी रुग्णालयाचे प्रमाणपत्रही तक्रारीसोबत जोडण्यात आले आहे.

IPC कलम 354 ( विनयभंगाच्या उद्देशाने महिलेवर हल्ला) आणि 509 (अपमान करण्याचा हेतू) FIR नोंदवण्याची मागणी केली. आतापर्यंत सपना गिलने एफआयआर दाखल केला नव्हता.

पोलिसांविरुद्धही दाखल केली तक्रार

वकिलांनी पुढे सांगितले की, विमानतळ पोलीस ठाण्यातही तक्रार दाखल करण्यात आली आहे. गिलच्या म्हणण्यानुसार, पोलिसांनी पृथ्वीविरोधात तक्रार नोंदविण्यास नकार दिला होता.

मारहाण प्रकरणात जामीन मिळाल्यानंतर गिलने शॉ, त्याचा मित्र आशिष यादव आणि इतरांविरुद्ध अंधेरीच्या विमानतळ पोलिस ठाण्यात तिच्या विनयभंगाची तक्रार दाखल केली होती. मात्र, पोलिसांनी अद्याप मुंबईच्या फलंदाजाविरुद्ध एफआयआर नोंदवलेला नाही.

सपना गिलला फेब्रुवारीमध्ये मिळाला होता जामीन

सपना आणि तिच्या साथीदारांना मुंबई महानगर दंडाधिकारी न्यायालयाने 20 फेब्रुवारी रोजी जामीन मंजूर केला होता. सपनाने सांगितले होते की, पृथ्वी शॉने तिच्या मित्राला वाचवायला गेले असताना तिला अयोग्यरीत्या स्पर्श केला. रिपोर्ट्सनुसार, जामीन मिळाल्यानंतर सपना म्हणाली होती की, 50 हजार असतात तरी किती, ते मी एका दिवसात 2 रील बनवून कमवेन.

पृथ्वी शॉच्या मित्राने नोंदवला होता FIR

पृथ्वी शॉचा मित्र आशिष यादव याने फेब्रुवारीमध्ये सपना गिलविरुद्ध ओशिवरा पोलिस ठाण्यात FIR दाखल केला होता. यादव म्हणाला होता की, 15 फेब्रुवारीला तो आणि पृथ्वी शॉ सहारा स्टारच्या कॅफेमध्ये डिनर करत होते. गिल आणि तिचे मित्र सेल्फी घेण्यासाठी आले होते. आधी शॉ तयार झाला आणि नंतर त्याने नकार दिला. यानंतर वाद सुरू झाला.

रात्रीच्या जेवणानंतर एका व्यक्तीने बेसबॉलच्या बॅटने त्याच्या कारच्या विंडशील्डला धडक दिल्याचे आशिषने तक्रारीत म्हटले आहे. यानंतर काही लोक मोटारसायकलवरून गाडीचा पाठलाग करतानाही दिसले. त्यांनी गाडी थांबवली, मग सपना गिलने खोट्या प्रकरणात अडकवण्याची धमकी दिली. तिने पृथ्वी शॉकडे 50 हजार रुपयांची मागणीही केली होती.

या घटनेचा एक व्हिडिओही व्हायरल झाला आहे. यामध्ये शॉ एका मुलीकडून बेसबॉलची बॅट हिसकावताना दिसत आहे. त्या मुलीचा साथीदार शॉचा व्हिडिओ बनवताना दिसत होता. व्हिडिओमध्ये मुलगी, तिचा पार्टनर, पृथ्वी शॉ आणि काही पोलिस दिसत आहेत. शॉ फोनवर कोणाशी तरी बोलताना दिसला.

वादानंतर ओशिवरा पोलिसांनी घटनास्थळ गाठून दोन्ही पक्षांना समजावून सांगितले. यादवच्या तक्रारीवरून सपना आणि तिच्या तीन मित्रांना 17 फेब्रुवारीला अटक करण्यात आली होती.

संबंधित बातम्या

पृथ्वी शॉसोबत सेल्फीवरून वाद:शॉच्या गाडीची तोडफोड; दुसरा पक्ष म्हणतो-माझा मोबाईल हिसकावून फेकून दिला, मारहाण केली

टीम इंडियातून बाहेर असलेल्या क्रिकेटर पृथ्वी शॉचे काही व्हिडिओ इंटरनेटवर व्हायरल होत आहेत. यामध्ये शॉ मुंबईच्या रस्त्यावर एका मुलीकडून काठी हिसकावताना दिसत आहे. मुलीच्या साथीदाराने शॉचा व्हिडिओ बनवला. व्हिडिओमध्ये दोघेही आरोप करताना दिसत होते की, शॉ आणि त्याच्या मित्रांनी डान्स क्लबमध्ये त्यांच्यावर हल्ला केला. येथे वाचा सविस्तर बातमी

इन्फ्लुएंसर सपना म्हणाली- पृथ्वी शॉ चा स्पर्श चूकीचा:वसूलीच्या आरोपावर म्हणाली- 50 हजार आहे तरी काय, 2 रीलमध्येच होईल कमाई

क्रिकेटपटू पृथ्वी शॉला मारहाण आणि खंडणीच्या प्रकरणात अटक करण्यात आलेली इन्फ्लुएंसर (सोशल मीडियावर प्रसिद्ध/ भोजपूरी अ‌ॅक्टर) सपना गिलला सोमवारी जामीन मिळाला. जामीनानंतर सपनाने पृथ्वी आणि त्याच्या मित्राविरुद्ध मुंबई पोलिसांत गुन्हा दाखल केला आहे. शस्त्राने हल्ला, गुन्हेगारी कट रचल्याचा आरोप तिने पृथ्वी शॉ व त्याच्या मित्रावर केला. सपना गिल म्हणाली की, जेव्हा ती तिच्या मित्रांना वाचवायला गेली, तेव्हा पृथ्वी शॉने तिला चूकीच्या पद्धतीने स्पर्श केला होता. येथे वाचा सविस्तर बातमी..