आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Rain To Play Spoil Sport In India Vs New Zealand ICC World Test Championship Final; Thundershowers In Southampton

WTC फायनलमध्ये भारत vs न्यूझीलंड:मेगा इव्हेंटवर काळे ढग, पाऊस व खेळाला आज फिफ्टी-फिफ्टी संधी; 4 दिवसात निकाल आला नाही तर केला जाणार रिझर्व्ह डेचा वापर

साउथॅम्पटन4 महिन्यांपूर्वी
  • कॉपी लिंक
  • सामन्याच्या पहिल्या दिवशी 80% पर्यंत पाऊस पडण्याची शक्यता होती

शुक्रवारी साउथॅम्पट्न येथे भारत आणि न्यूझीलंड यांच्यात वर्ल्ड टेस्ट चॅम्पियनशिपचा अंतिम सामना खेळला जात आहे. पावसामुळे पहिल्याच दिवशी सामना होऊ शकला नाही. आयसीसीनेही सामन्यात राखीव दिन ठेवला आहे. जर निकाल 4 दिवसांच्या आत प्राप्त झाला नाही तर राखीव दिवसाचा वापर केला जाईल.

टॉसच्या बाबतीत कोहलीचा रेकॉर्ड खराब

दोन्ही संघ सामना जिंकून कसोटी क्रिकेटमधील वर्चस्व कायम ठेवू इच्छित आहेत. या सामन्यात टॉस देखील महत्त्वपूर्ण भूमिका बजावू शकतो. एजिस बाऊलमध्ये आतापर्यंत 6 कसोटी सामने खेळले गेले आहेत. यापैकी प्रथम फलंदाजी करणाऱ्या संघाने दोनदा सामना जिंकला आणि त्यानंतर फलंदाजी करणाऱ्या संघाने एकदा सामना जिंकला.

अशा परिस्थितीत नाणेफेक जिंकणार्‍या संघाला प्रथम फलंदाजी करायला आवडेल. परंतु भारतीय कर्णधार विराट कोहलीचा नाणेफेकीचा चांगला रेकॉर्ड नाही. आतापर्यंत त्याने तीनही फॉर्मेट मिळून 200 सामन्यांमध्ये भारतीय संघाचे नेतृत्व केले आहे. यापैकी त्यांनी अवघ्या 85 सामन्यात नाणेफेक जिंकला आहे. त्यांनी 115 सामन्यात नाणेफेक गमावला आहे. त्यांचे टॉस विजय / पराभव प्रमाण 0.74 आहे. हे 100 किंवा यापेक्षा जास्त मॅचमध्ये भारताचे नेतृत्त्व केलेल्या खेळाडूंमध्ये सर्वात खराब आहे.

सामन्याच्या पहिल्या दिवशी 80% पर्यंत पाऊस पडण्याची शक्यता होती
सामन्यादरम्यान पहिल्याच दिवशी 80% पाऊस आणि वादळाचा अंदाज वर्तवला जात होता. सामन्यादरम्यान अनेक सत्रे पावसाने वाहून जाण्याची शक्यता आहे. हवामान तज्ञांनुसार सामन्यादरम्यान किमान एक दिवसाच्या खेळाला निश्चित नुकसान होईल.

आता चारही दिवस 98 षटके
पहिल्या दिवशी खेळू हाेऊ शकला नाही. चेंडू न टाकताच खेळ रद्द करावा लागला. त्यामुळे अाता उर्वरित चार दिवसांदरम्यान प्रत्येकी 98 षटके टाकली जातील.

पावसाचा खाेडा नेहमीच : भारत व न्यूूझीलंड यांच्यातील आयसीसीच्या इव्हेंटदरम्यान पावसाचा खाेडा कायम असताे. 2019 विश्वचषकात संघांचा ग्रुप स्टेज सामना पावसाने रद्द झाला. सेमीफायनलचा निकालही दाेन दिवसांनंतर लागला हाेता.

कम्प्लीट वॉश आउटची आशा खूप कमी
तथापि, यासाठी आयसीसीने 23 जून हा राखीव दिवस ठेवला आहे. परंतु हवामान स्थिती पाहता ते पुरेसे वाटत नाही. तज्ञांच्या मते, फ्रान्स कमी दाबाच्या क्षेत्रात येते. हा दबाव शुक्रवारी उत्तर दिशेने जाईल. या कारणास्तव, साउथॅम्पटनमध्ये पाऊस आणि वादळ येण्याची शक्यता आहे. पहिल्या दिवसाशिवाय, उर्वरित दिवस जास्त पाऊस पडणार नाही. त्यामुळे सामना पूर्ण वॉश-आउट होणार नाही.

रविवारपर्यंत स्वच्छ होईल साउथॅम्पटनमधील वातावरण
रविवारपर्यंत हवामानही स्वच्छ होण्याची शक्यता आहे. रविवारी आणि सोमवारी ऊन पडू शकते. यासह, मधल्या काळात पावसाच्या सरी देखील बरसू शकतात. अशा परिस्थितीत नाणेफेक जिंकणार्‍या संघाला प्रथम फलंदाजी करायला आवडेल. न्यूझीलंडचा संघ ओव्हरकास्ट स्थितीचा फायदा घेऊ शकतो.

रेफरी 5 व्या दिवशी घेतली रिझर्व्ह डेविषयी निर्णय
आयसीसीने सांगितले की, रिजर्व्ह डेविषयी रेफरी निर्णय घेतील. वेळेविषयी कोणत्याही प्रकारची अडचण आल्यास दोन्ही टीम आणि मीडियाला याविषयी माहिती देतील आणि सांगतील की, रिझर्व्ह डेचा वापर कशा प्रकारे केला जाऊ शकतो. रिझर्व्ह डे असेल किंवा नाही आणि किती वेळेचा असेल, याविषयी रेफरी रेग्युलर डेच्या 5 व्या दिवशी मॅच संपण्याच्या एका तासापूर्वी सांगतील.

यांच्यावर आहे भारतीय संघाला ट्रॉफी मिळवण्यासाठी जबाबदारी
विराट कोहली (कर्णधार), रोहित शर्मा, शुभमन गिल, चेतेश्वर पुजारा, अजिंक्य रहाणे, ऋषभ पंत, रवींद्र जडेजा, रविचंद्रन अश्विन, ईशांत शर्मा, मोहम्मद शमी आणि जसप्रीत बुमराह.

बातम्या आणखी आहेत...