आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Sports
  • Cricket
  • Virat Kohli Vs Babar Khan; Former Cricketer Rajesh Chauhan On Kohli's Form | Asia Cup 2022, Rajesh Chauhan On IND PAK Match: Says Virat Is An Experienced Player, Just Focus On Basics... India Have Match Winners, But Beware Of Babar

IND-PAK सामन्यावर राजेश चौहान:म्हणाला- विराट अनुभवी खेळाडू, मूलभूत गोष्टींवर लक्ष द्यावे, भारताकडे अनेक मॅच विनर्स

एका महिन्यापूर्वी
  • कॉपी लिंक

आशिया कपमध्ये भारत आणि पाकिस्तान रविवारी दुसऱ्यांदा आमनेसामने येणार आहेत. यावेळी सामना सुपर-4 चा आहे. रवींद्र जडेजा दुखापतग्रस्त आहे आणि वेगवान गोलंदाज आवेश खान आजारी आहे, पण काळजी करू नका कारण संघात हे दोघे नसले तरी अनेक मॅचविनर आहेत. असे मत माजी स्पिनर राजेश चौहान याचे आहे. चौहानने 30 सप्टेंबर 1997 रोजी कराचीमध्ये एकदिवसीय सामना जिंकला होता.

दिव्य मराठीने कराची सामन्यावर राजेश चौहान याच्याशी चर्चा केली आणि आजच्या सामन्यावर त्याचे मतही घेतले. कराची मॅचचा रंजक किस्सा ऐकण्यापूर्वी, आजच्या सामन्याबाबत राजेशचा संदेश काय आहे ते जाणून घेऊया.

1. दडपणाखाली खेळणे

राजेश चौहान म्हणाला, 'दडपण तर कायम असतो.आधीपण असायचा, खरं तर हे दडपण त्याच दिवसापासून सुरू होतो. ज्या दिवशी तारीख घोषित केली जाते. विशेष म्हणजे हे दडपण त्यावेळी सर्वात जास्त असतो ज्यावेळी टॉस होतो आणि खेळाडू मैदानात 60 यार्डाच्या वर्तुळात जातो तेव्हा असते. भारत-पाक संबंध असो किंवा राजकीय उलथापालथ, मैदानाबाहेर घडणाऱ्या अनेक गोष्टी या दबावाला कारणीभूत असतात. भारत-पाकिस्तान सामन्यावर जगाच्या नजरा खिळलेल्या असतात

आमच्या काळातही असे व्हायचे, पण त्यावेळी आमच्या सोबत सिनिअर खेळाडू असायचे ज्यांनी कित्येक वर्ष पाक खेळाडूं सोबत सामने खेळले होते. ते आम्हाला सांगायचे की कोणाविरूद्ध काय करायचे त्यामुळे आमच्यावरचे दडपण हे थोडेसे कमी होत असे. आता मात्र तसे नाही, त्यामुळे कदाचित खेळाडूंवर थोडे अधिक दडपण असेल.

2. गेम प्लॅन

माजी स्पिनर म्हणाला, 'टीम इंडियाकडे डझनभर मॅच विनर्स आहेत. रोहित शर्मा, हार्दिक पंड्या, ऋषभ पंत, युझवेंद्र चहल आणि भुवनेश्वर कुमार. विशेष म्हणजे पंत हा संपूर्ण पॅकेज आहे आणि तो एका षटकात सामना बदलू शकतो. भुवीला पहिला आणि चौथा षटक सावधपणे टाकावा लागेल. पाकिस्तानचा कर्णधार बाबर आझम आणि शादाब खान यांच्याबाबत सावधगिरी बाळगावी लागेल. पाकिस्तानची गोलंदाजी कमकुवत आहे, त्यामुळे ते पूर्ण फलंदाजीवर जास्त लक्ष केंद्रीत करतील.

3. विराटचा फॉर्म

राजेश चौहान म्हणतो की विराट हा खूप मोठा खेळाडू आहे आणि त्याला सल्ल्याची गरज नाही, पण मी त्याला बेसिक्स (नेट) वर जाण्याचा सल्ला देईन. आमचे सिनिअर्स नेहमी म्हणायचे की जेव्हा तुम्हाला एखादी गोष्ट समजत नाही तेव्हा बेसिकसाठी जा. तुमचा फॉर्म परत येईल. मी त्याला सांगेन की विराटने विकेटवर थोडा वेळ घालवला पाहिजे, त्यानंतर धावा आपोआप येतील.

4. भारत-पाक क्रिकेट संबंध

भारत आणि पाकिस्तान यांच्यात सिरीज व्हायला हवी, कारण आम्ही दोघेही आशियातील मोठे संघ आहोत, असे ते म्हणाले. पण, यामध्ये सरकारची मान्यता महत्त्वाची आहे. तो फक्त सामना राहत नाही. यात अनेक गोष्टी जोडल्या जातात.

आता कराची सामन्याविषयी बोलू या ज्यावेळी सामन्या दरम्यान दगडफेक सुरू होती आणि आपण विजय मिळवला

दगडफेकीदरम्यान कराची वनडेतील संस्मरणीय विजयाचा नायक राजेश चौहान याने त्या सामन्याची संपूर्ण कहाणी सांगितली. वाचा...

‘मी ज्यावेळी मैदानावर गेलो तेव्हा वकार युनूस बॉलिंग करत होता आणि अगदी शेवटच्या चेंडूवर सबा करीमला (26 धावा) त्याने बोल्ड केले. मी मैदानावर जाण्यापूर्वी सचिनने मला सांगितले होते की वकार हा यॉर्कर टाकेल आणि त्याने ओव्हरचा शेवटचा चेंडू टाकला, मी त्याच्यावर सिंगल घेतली. पुढचा ओव्हर हा सकलेन मुश्ताकने घेतला आणि त्याने आल्यानंतर पहिलाच चेंडू यॉर्कर टाकला आणि मी त्याला पूर्ण टॉस करून मिड-विकेटवर षटकार मारला. त्यानंतर रॉबिन सिंग स्ट्राईकवर आला त्याला मी विजयी शॉट मारायला सांगितले.

दरम्यान,प्रेक्षकांनी बाहेर एकच गोंधळ घातला होता आणि बाहेरून दगडफेक सुरू केली होती. त्या दिवशी आम्ही कराचीत मॅच सुरू असणाऱ्या छोट्या मैदानामुळे आणि त्यातील छोट्या बाउंड्रीमुळे वाचलो कारण बाउंड्री लहान असल्यामुळे प्रेक्षक आमच्यापासून थोडेसे दूरच होते. त्यावेळी बाहेर कितीही गोंधळ होत असला तरी आमच्या मनात मात्र एकच गोष्ट सुरू होती आणि ती म्हणजे मॅच.

बातम्या आणखी आहेत...