विराट-रोहित शास्त्रींचा सल्ला ऐकतील का?:माजी कोचने दोघांना दिला रणजी खेळण्याचा सल्ला, स्पिनर्स विरुद्ध फलंदाजी सुधारेल

भारत आणि न्यूझीलंड यांच्यातील तीन वनडे मालिकेतील शेवटचा सामना 24 जानेवारीपासून होणार आहे. त्याचबरोबर रणजी करंडक स्पर्धेतील पुढील फेरीचे सामने 23 जानेवारीपासून सुरू होत आहेत. विराट कोहली आणि रोहित शर्मासारख्या दिग्गजांनी या वनडे सामन्यांऐवजी आपापल्या घरच्या संघांसाठी रणजी सामने खेळावेत, असा सल्ला माजी भारतीय प्रशिक्षक रवी शास्त्री यांनी दिला.

पुढील महिन्यापासून ऑस्ट्रेलियाविरुद्ध चार कसोटी सामन्यांची मालिका सुरू होत आहे. या मालिकेसाठी रणजी सामना खेळणे हा सरावाचा चांगला मार्ग असू शकतो.

विराट आणि रोहित या सल्ल्याकडे लक्ष देतील की नाही, हे येत्या काही तासांत कळेल. अद्याप याविषयी BCCI कडून खेळाडूंकडून कोणतेही वक्तव्य आलेले नाही. यावरून आमचे स्टार्स वनडेलाच प्राधान्य देतील अशी अपेक्षा आहे.

खरं तर, फलंदाजीमध्ये निश्चितपणे एक बाजू अशी आहे की त्यामध्ये नक्कीच फलंदाजीमध्ये फरक पडू शकतो त्यामुळे दोन्ही स्टार्सने घरगुती सामने खेळले पाहिजेत. अलिकडच्या काळात घरच्या खेळपट्ट्यांवर स्पिनर्सच्या विरोधात विराट आणि रोहित हे दोघेही हतबल झाले आहेत. शेवटचे दोन वनडे आठवा. मिशेल सॅटनरचा चेंडू विराटला समजला नाही.

या स्टोरीमध्ये, आपण प्रथम विराट आणि रोहितचे गेल्या दोन वर्षांतील भारतीय खेळपट्ट्यांवर स्पिनर्स विरुद्धचे विक्रम पाहणार आहोत. मग हे दोघे देशांतर्गत क्रिकेटमध्ये का खेळत नाहीत हे समजून घेण्याचा प्रयत्न करू..

पहिल्यांदा भारत-ऑस्ट्रेलिया कसोटी मालिकेचे वेळापत्रक पाहा…

आता स्पिनविरुद्ध चांगले खेळणे का महत्त्वाचे आहे ते जाणून घेऊया...

ऑस्ट्रेलिया, न्यूझीलंड आणि इंग्लंड विरुद्धच्या कसोटी मालिकेसाठी भारतात स्पिनचे ट्रॅक बनवले जातात. फिरणारे चेंडू परदेशी फलंदाजांना गोंधळात टाकतात. आम्हाला आशा आहे की या खेळपट्ट्यांवर आमचे फलंदाज जगातील कोणत्याही स्पिनरपुढे चांगले खेळतील आणि आम्ही त्यामुळे आम्ही मालिका सहज जिंकू. घरच्या मैदानावर फिरकी खेळपट्टी बनवण्याचा निर्णयही आम्हाला आवडला आहे. 2012 नंतर भारतीय संघाने घरच्या खेळपट्ट्यांवर एकही कसोटी मालिका गमावलेली नाही.

तुम्ही म्हणाल की आपण सतत जिंकत असूनही, आता विराट आणि रोहितबद्दल वाद कशाला? त्याचे कारण म्हणजे आपले हे दिग्गज फलंदाज नेमके स्पिनर्स पुढे सतत अपयशी ठरतान दिसत असल्यानेच हा वाद आहे. अलीकडे ऋषभ पंत आपल्या शानदार फलंदाजीने आपले अपयश झाकत होता. यावेळी पंत नाही. त्यामुळे भारतीय टॉप ऑर्डरला अपयशी होण्यासाठी कोणतेही दुसरे कारण नाही.

विराट आणि रोहितचे आकडे काय सांगतात?

रोहित शर्मा: 2020 पासून आतापर्यंत भारतात खेळल्या गेलेल्या कसोटी सामन्यांमध्ये तो एकूण 9 वेळा बाद झाला आहे. यातील 6 वेळा त्याला स्पिनर्संनी बाद केले आहे. या 6 मध्ये रोहित 5 वेळा डावखुरा फिरकी गोलंदाजाने बाद झाला आहे. त्याला जॅक लीचने सर्वाधिक चार वेळा बाद केले आहे.

विराट कोहली: 2022 पासून देशात खेळल्या गेलेल्या कसोटी सामन्यांमध्ये 11 वेळा बाद झाला आहे. 9 वेळा फिरकीपटूमुळे बाद झाला. यापैकी 5 वेळा लेफ्ट आर्म स्पिनर आणि 4 वेळा उजव्या हाताचा स्पिनरने त्याला बाद केले आहे. फिरकीपटूंमध्ये मोईन अलीने सर्वाधिक 2 वेळा त्याला बाद केले आहे.

एवढी समस्या असतानाही मग ते देशांतर्गत सामने का खेळत नाहीत?

यामागे जास्त प्रमाणात खेळले जाणारे क्रिकेट हे कारण असल्याचे सांगितले जाते. असे म्हटले जाते की भारतीय खेळाडू विशेषतः विराट आणि रोहित हे सर्व फॉरमॅटचे खेळाडू आहेत. याशिवाय ते IPL ही खेळतात. अशा परिस्थितीत आपण देशांतर्गत क्रिकेट खेळलो तर ते लिमिटच्या बाहेर खेळ खेळणे होईल.

हा केलेला तर्क बरोबर वाटतो, पण हे देखील लक्षात घेतले पाहिजे की हे खेळाडू ब्रेकसुद्धा खूप घेतात. देशांतर्गत क्रिकेट न खेळल्यामुळे त्याचा फिरकीविरुद्धचा सराव खूपच कमी पडतो. परदेश दौऱ्यांवरील खेळपट्ट्या जलद गोलंदाजीसाठी अनुकूल असतात. त्यामुळे बाहेर फिरकीचा सराव केला जात नाही. दुसरीकडे, घरच्या मैदानावर पांढऱ्या चेंडूचे क्रिकेट खेळल्याने कसोटी क्रिकेटच्या फिरकीचा सराव होऊ शकत नाही.

सचिन सुद्धा गरजेनुसार देशांतर्गत क्रिकेट खेळायचा

सचिन तेंडुलकर आणि राहुल द्रविड यांच्या खेळाच्या दिवसांमध्येही क्रिकेटची समस्या होतीच. तेव्हा T-20 नव्हते पण वनडे सामने खूप व्हायचे. असे असूनही सचिन तेंडुलकरसारखा ज्येष्ठ आणि दिग्गज खेळाडू गरजेनुसार देशांतर्गत क्रिकेट खेळायचा. 1998 मध्ये ऑस्ट्रेलियन संघ भारताच्या दौऱ्यावर आला होता. कसोटी मालिकेपूर्वी ऑस्ट्रेलियाचा सराव सामना मुंबईसोबत होता. ऑस्ट्रेलियाविरुद्धच्या मालिकेची चांगली तयारी करण्यासाठी सचिन या सामन्यात मुंबईकडून खेळला.

याशिवाय मुंबईसाठी सेमीफायनल, रणजी फायनल अशा अनेक बाद फेरीतही तो दिसला. द्रविड आणि लक्ष्मण भारतीय स्टार बनूनही अनेकदा देशांतर्गत क्रिकेट खेळले. त्यामुळे भारतीय परिस्थितीत लाल चेंडूविरुद्धच्या फलंदाजीची धार कायम होती.